ହୋଲିକୁ ରଙ୍ଗର ପର୍ବ କୁହାଯାଏ । ଏହି ବିଶେଷ ଅବସରରେ ଯଦି ଘରେ ବିଶେଷ ଖାଦ୍ୟ ପ୍ରସ୍ତୁତ କରାଯାଏ । ତେବେ ହୋଲିର ମଜା ଦୁଇ ଗୁଣ ବଢିଯାଏ । ଏମିତିରେ ତ ଏହି ଦିନରେ ଅନେକ ପ୍ରକାର ଖାଦ୍ୟ ପ୍ରସ୍ତୁତ ହୁଏ । ଏହି ଦିନରେ ‘ଦହି ବରା’ର ମଜା ଅଲଗା । ଏହା ବିନା ଯେମିତି ହୋଲିର ମଜା ଅଧୁରା ରହିଯାଏ । ତେବେ ଆଜି ହିଁ ଘରେ ପ୍ରସ୍ତୁତ କରି ସମସ୍ତଙ୍କୁ ଖୁଆନ୍ତୁ ।
ଆବଶ୍ୟକୀୟ ସାମଗ୍ରୀ:
୧. ଦହି – ଏକ ଲିଟର
୨. ବିରି- ୨୫୦ ଗ୍ରାମ
୩. ଚିନି- ଦୁଇ ଚାମଚ
୪. କିସମିସ – ଏକ ବଡ ଚାମଚ
୫. ଜିରା- ଦେଢ଼ ଚାମଚ
୬. କଞ୍ଚା ଲଙ୍କା- ତିନୋଟି
୭. ହେଙ୍ଗୁ – ଚିମୁଟେ
୮. ଚାଟ ମସଲା- ଦୁଇ ଛୋଟ ଚାମଚ
୯. ଲୁଣ – ସ୍ବଦନୁସାରେ
ଚଟଣି ପାଇଁ ଆବଶ୍ୟକୀୟ ସାମଗ୍ରୀ:
ତେନ୍ତୁଳି – ୫୦୦ ଗ୍ରାମ
ଗୁଡ଼- ୧୦୦ ଗ୍ରାମ
ଜିରା – ଏକ ଚାମଚ
ଲଙ୍କା ଗୁଣ୍ଡ – ଏକ ଛୋଟ ଚାମଚ
ଲୁଣ
ପ୍ରସ୍ତୁତି ପ୍ରଣାଳୀ:
-ପ୍ରଥମେ ବିରି ଡ଼ାଲିକୁ ୮ ଘଣ୍ଟା ପାଇଁ ବତୁରାନ୍ତୁ । ଏହା ପରେ ଡ଼ାଲି, କଞ୍ଚା ଲଙ୍କା, ଜିରା, ହେଙ୍ଗୁ ଆଦିକୁ ଭଲ ଭାବେ ପେଷି ଦିଆନ୍ତୁ । ପେସା ଡ଼ାଲିରେ କିସମିସ ମିଶାନ୍ତୁ । ପରେ ଗୋଟେ ଗୋଟେ କରି ବରା କରି ଛାଣି ନିଅନ୍ତୁ।
– ଏବେ ଛଣା ଯାଇଥିବା ବରା ଗୁଡିକୁ ଉଷୁମ ପାଣିରେ ଭିଜାଇ ଦିଅନ୍ତୁ ।
– ଦହିକୁ ଭଲଭାବେ ଫେଣ୍ଟି ଦିଅନ୍ତୁ । ଚିନି ଓ ଜିରା ଗୁଣ୍ଡ ଦିଅନ୍ତୁ । ଆବଶ୍ୟକତା ଅନୁସାରେ ଦହି ଗାଢ଼ ବନାଇ ଦିଅନ୍ତୁ । ଭଲ ଭାବେ ମିଶାଇ ଫ୍ରିଜରେ ରଖି ଦିଅନ୍ତୁ ।
-ଚଟଣି ବନାଇବା ବତୁରା ଯାଇଥିବା ତେନ୍ତୁଳି, ଗୁଡ଼ କୁ ପେଷି ଦିଅନ୍ତୁ । ଏବେ ଚଟଣିରେ ଆବଶ୍ୟକତା ଅନୁସାରେ ମସଲା ଦିଅନ୍ତୁ । ଏବେ ସେଥିରେ ଲୁଣ ଓ ପାଣି ମିଶାନ୍ତୁ । ଧ୍ୟାନ ଦେବେ ଯେମିତି ଚଟଣି ଅଧିକ ଗାଢ଼ କିମ୍ବା ପାଣିଆ ନହେବ । ଏବେ ଆବଶ୍ୟକତା ଅନୁସାରେ ମସଲା ଗୋଳାନ୍ତୁ । ଏବେ ପ୍ରସ୍ତୁତ ହୋଇଗଲା ଟେଷ୍ଟି ଚଟଣି ।