କର୍କଟ ରୋଗକୁ ସାଧାରଣତଃ ଲୋକମାନେ କ୍ୟାନ୍ସର କହିଲେ ଭଲ ଭାବରେ ବୁଝିପାରନ୍ତି। ଏହି କର୍କଟ ରୋଗ ବିଭିନ୍ନ ପ୍ରକାରର ଥିବା ବେଳେ ତାହାର କାରଣ ମଧ୍ୟ ଭିନ୍ନ ଭିନ୍ନ ହୋଇଥାଏ । କେବଳ ତମାଖୁ କି ନିଶା ସେବନ ଏହାର କାରଣ ନୁହେଁ। ଲୋକେ ପ୍ରତିଦିନ କରୁଥିବା କାମ ପାଇଁ ମଧ୍ଯ ଏହି ରୋଗର ଶିକାର ହୋଇଥାନ୍ତି ।
ତେବେ ଆସନ୍ତୁ ଜାଣିବା ଏହି ରୋଗର କାରଣ କଣ ?
ସ୍ତନ କର୍କଟ ରୋଗର ଶିକାର ହେଉଥିବା ୯୯ ପ୍ରତିଶତ ମହିଳାଙ୍କ ମଧ୍ୟରେ ପେରାବିନ୍ସ ରସାୟନ ମିଳିଥାଏ । ଏହି ରସାୟନ ବିଭିନ୍ନ ପ୍ରକାରର ବିୟୁଟି ପ୍ରଡକ୍ଟରେ ବ୍ୟବହାର କରାଯାଏ । ମହିଳା ଯଦି ଅତ୍ୟଧିକ ବିଉଟି ପ୍ରଡକ୍ଟ ବ୍ୟବହାର କରୁଛନ୍ତି ତେବେ ସାବଧାନ । ମହିଳାମାନେ ଅଧିକ ବିୟୁଟି ପ୍ରଡକ୍ଟ ବ୍ୟବହାର କରୁଥିବାରୁ ଏହି ରସାୟନ ରକ୍ତରେ ମିଶି ପରେ କର୍କଟ ରୋଗରେ ପରିଣତ ହୋଇଥାଏ। ମେଲେନୋମା ଏକ ପ୍ରକାରର ଚର୍ମ କର୍କଟ ରୋଗ । ଯାହା ସୂର୍ଯ୍ୟର ପ୍ରଖର ୟୁଭି କିରଣ ସଂସ୍ପର୍ଶରେ ଆସିବା ଦ୍ୱାରା ହୋଇଥାଏ ।
୯୫ପ୍ରତିଶତ ଚର୍ମ କର୍କଟ ରୋଗ ପ୍ରଖର ସୂର୍ଯ୍ୟ କିରଣ ପାଇଁ ହୋଇଥାଏ । ଅନ୍ୟ ପକ୍ଷରେ ଆଉ କେତକ କାରଣରୁ କ୍ୟାନ୍ସର ହୋଇଥାଏ । ଦିନ ସମୟରେ କାମ କରୁଥିବା ମହିଳାଙ୍କ ଅପେକ୍ଷା ରାତି ସିପ୍ଟରେ କାମ କରୁଥିବା ମହିଳାମାନଙ୍କ ପାଖରେ ହୃଦ୍ଜନିତ ସମସ୍ୟା, କର୍କଟ ରୋଗ ଏବଂ ଷ୍ଟ୍ରୋକ ଭଳି ସମସ୍ୟା ଅଧିକ ଦେଖା ଯାଇଥାଏ । ଏହା ଛଡା ଡିଜେଲ ଚାଳିତ ଯାନରୁ ବାହାରୁଥିବା ଧୂଆଁର ସଂସ୍ପର୍ଶରେ ଆସିବା ଦ୍ୱାରା ଫୁସ୍ଫୁସ୍ ରେ କର୍କଟ ରୋଗ ହେବାର ଆଶଙ୍କା ବହୁତ ଥାଏ ।