ବାଥରୁମରେ କରୁଛନ୍ତି କି ମୋବାଇଲର ବ୍ୟବହାର ତାହେଲେ ହୋଇଯାଆନ୍ତୁ ସାବଧାନ, ଆପଣ ମଧ୍ୟ ହୋଇପାରନ୍ତି ଏହି ରୋଗରେ ପୀଡିତ
ଯେବେଠାରୁ ବାଥରୁମରେ ପାଶ୍ଚାତ୍ୟ ସଭ୍ୟତାର ବ୍ୟବହାର ହୋଇଛି ସକାଳୁ ଲୋକମାନେ ଏଠାରେ ଖବର କାଗଜ ପଢିବା ଠାରୁ ନେଇ ମୋବାଇଲ ପର୍ଯ୍ୟନ୍ତ ବ୍ୟବହାର କରୁଛନ୍ତି । ଯେତେବେଳେ ମୋବାଇଲର ବହୁଳ ବ୍ୟବହାର ନଥିଲା ସେତେବଗେଲେ ଲୋକମନେ ଏଠାରେ ଖବର କାଗଜ ବା ମାଗାଜିନ ପଢୁଥିଲେ କିନ୍ତୁ ମୋବାଇଲ ଆସିବା ପରେ ବାଥରୁମରେ ସପିଂ, ଚାଟିଂ ଏସବୁ ସାଧାରଣ କଥା ହୋଇଯାଇଛି । କିନ୍ତୁ ଡାକ୍ତରମାନଙ୍କ ମତରେ କମୋଡ଼ ଉପରେ ବସି ମୋବାଇଲର ବ୍ୟବହାର କରିବା ଆମ ସ୍ୱାସ୍ଥ୍ୟପାଇଁ ବହୁତ କ୍ଷତିକାରକ ଅଟେ ।
ଏହାସହ ପଢନ୍ତୁ ନୂଆକରି ଜନ୍ମ ଦେଇଥିବା ମହିଳାଙ୍କ ଯତ୍ନ ନେବା ପାଇଁ ଖାଇବାରେ ସାମିଲ କରନ୍ତୁ ଏହିସବୁ
ଡ଼ାକ୍ତରମାନଙ୍କ କହିବା ଅନୁଯାୟୀ ମୋବାଇଲ ଯୋଗୁଁ ଆମେ କମୋଡ଼ ଉପରେ ଆବଶ୍ୟକତା ଠାରୁ ଅଧିକ ସମୟ ବସିଥାଉ । ଯେଉଁ କାରଣରୁ ହ୍ୟାମରାୟେଡ଼ସ ଓ ପାଇଲ୍ସର ଆଶଙ୍କା ବୃଦ୍ଧି ପାଇଥାଏ । କାରଣ ଅଧିକ ସମୟ ପର୍ଯ୍ୟନ୍ତ ବାଥରୁମରରେ ବସି ମୋବାଇଲର ବ୍ୟବହାର କରିବା ଦ୍ୱାରା ଏହା ଶରୀରର ଏନସ ଏବଂ ଲୋଅର ରେକ୍ଟମର ମାଂସପେଶୀ ଉପରେ ପ୍ରଭାବ ପକାଇଥାଏ । ଯେଉଁଥିପାଇଁ ପାଇଲ୍ସର ଆଶଙ୍କା ବୃଦ୍ଧି ପାଇଥାଏ ।
ପୂର୍ବରୁ ଖାଇବା ପିଇବାରେ ଅନିୟମିତତା ଏବଂ ମସଲାଯୁକ୍ତ ଖାଦ୍ୟ ପାଇଲ୍ସର କାରଣ ବୋଲି କୁହାଯାଉଥିଲା କିନ୍ତୁ ଏହି କିଛି ବର୍ଷ ମଧ୍ୟରେ ବାଥରୁମରେ ବସି ମୋବାଇଲର ଅଧିକ ସମୟ ବ୍ୟବହାର କରିବା ଦ୍ୱାରା ମଧ୍ୟ ଏହି ରୋଗ ହେଉଥିବାର ଦେଖାଯାଇଛି । ବ୍ରିଟେନରେ ହୋଇଥିବା ଏକ ଅଧ୍ୟୟନରୁ ଜଣାଯାଇଛି ଯେ ସେଠାକାର ୫୭ ପ୍ରତିଶତ ଲୋକ ବାଥରୁମରେ ବସି ମୋବାଇଲର ବ୍ୟବହାର କରିଥାନ୍ତି ଏବଂ ସେମାନଙ୍କ ମଧ୍ୟରୁ କିଛିଲୋକ ଯେଉଁମାନେ ଲଗାତର କମୋଡ଼ ଉପରେ ବସି ମୋବାଇଲର ବ୍ୟବହର କରିଥାନ୍ତି । ଏହିଭଳି ଲୋକମାନଙ୍କଠାରେ ସ୍ୱାସ୍ଥ୍ୟ ସହ ଜଡିତ ଅନେକ ସମସ୍ୟା ସହିତ ପାଇଲ୍ସ ମଧ୍ୟ ଦେଖାଯାଇଥିଲା ।
