ଅତ୍ୟଧିକ ଷ୍ଟ୍ରେସ୍ରେ ଥିଲେ ଆପଣାନ୍ତୁ ଏହି ଉପାୟ, ମିଳିବ ତୁରନ୍ତ ଆରାମ
କୁହାଯାଏ ଯେ ଚିନ୍ତା ଏକ ଏଭଳି ସମସ୍ୟା, ଯାହା ମଣିଷକୁ ଭିତରୁ ଖାଲି କରିଦିଏ । ଦୀର୍ଘସ୍ଥାୟୀ ଷ୍ଟ୍ରେସ୍ ଏବଂ ଆନ୍ଜାଇଟି ଅନେକ ରୋଗ ସୃଷ୍ଟି କରେ । ତେଣୁ ଏହି କଥାକୁ ହାଲୁକା ଭାବେ ନେବା ଠିକ୍ ନୁହେଁ । ଯଦି ଆପଣ ଚାପ ଏବଂ ଚିନ୍ତାକୁ ଠିକ୍ ସମୟରେ ନିୟନ୍ତ୍ରଣ କରିପାରିବେ, ତାହେଲେ ଆପଣ ଅନେକ ସମସ୍ୟାକୁ ଦୂର କରିପାରିବେ ।
ଆଜିର ସମୟରେ ପ୍ରତ୍ୟେକ ବ୍ୟକ୍ତି କିଛି କଥାକୁ ନେଇ ଚିନ୍ତିତ ଏବଂ ଚାପଗ୍ରସ୍ତ ରହୁଛନ୍ତି । କେହି କେହି ଚାକିରି ବିଷୟରେ ଚିନ୍ତିତ, ତ ଆଉ କେହି କେହି ଘର ବିଷୟରେ, କେହି କେହି ଖରାପ ସମ୍ପର୍କକୁ ନେଇ ଚିନ୍ତିତ ଏବଂ କେହି କେହି ଆର୍ଥିକ ସଙ୍କଟ ସହ ସଂଘର୍ଷ କରୁଛନ୍ତି । କୁହାଯାଏ ଯେ ଚିନ୍ତା ଏକ ଏଭଳି ସମସ୍ୟା, ଯାହା ମଣିଷକୁ ଭିତରୁ ଖାଲି କରିଦିଏ । ଦୀର୍ଘସ୍ଥାୟୀ ଷ୍ଟ୍ରେସ୍ ଏବଂ ଆନ୍ଜାଇଟି ଅନେକ ରୋଗ ସୃଷ୍ଟି କରେ । ତେଣୁ ଏହି କଥାକୁ ହାଲୁକା ଭାବେ ନେବା ଠିକ୍ ନୁହେଁ । ଯଦି ଆପଣ ଚାପ ଏବଂ ଚିନ୍ତାକୁ ଠିକ୍ ସମୟରେ ନିୟନ୍ତ୍ରଣ କରିପାରିବେ, ତାହେଲେ ଆପଣ ଅନେକ ସମସ୍ୟାକୁ ଦୂର କରିପାରିବେ । ସେଥିପାଇଁ ଆସନ୍ତୁ ଜାଣିବା ଯେ ଷ୍ଟ୍ରେସ୍ ଏବଂ ଆନ୍ଜାଇଟି ଆରମ୍ଭରେ କେଉଁ ଜିନିଷଗୁଡ଼ିକୁ ଧ୍ୟାନରେ ରଖିବା ଉଚିତ୍ ।
ଜାଣନ୍ତୁ ଷ୍ଟ୍ରେସ୍ ଏବଂ ଆନ୍ଜାଇଟିରୁ କିପରି ରକ୍ଷା ପାଇବେ :
ହେଲଦି ଖାଦ୍ୟ ଖାଆନ୍ତୁ :
ଆଜିକାଲି ସମସ୍ତଙ୍କ ଖାଦ୍ୟରେ ଜଙ୍କ ଫୁଡର ପରିମାଣ ଯଥେଷ୍ଟ ବୃଦ୍ଧି ପାଇଛି । ଆପଣ ଯେତେ ଚେଷ୍ଟା କଲେ ମଧ୍ୟ ବାହାରର ଖାଦ୍ୟରୁ ଦୂରେଇ ରହିବା କଷ୍ଟକର ହୋଇଯାଇଛି । କିନ୍ତୁ ଆପଣ ଏହା ଜାଣିଛନ୍ତି ଯେ ଜଙ୍କ ଫୁଡ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ । ସେଥିପାଇଁ ନିୟମିତ ଭାବରେ ସୁସ୍ଥ ଖାଦ୍ୟ ଖାଇବା ଆପଣଙ୍କୁ ସୁସ୍ଥ ରଖେ । ଯେପରି ଫଳ, ପନିପରିବା, ଶସ୍ୟ ଏବଂ ପ୍ରୋଟିନ୍ ଖାଦ୍ୟ ଖାଇବା ସ୍ୱାସ୍ଥ୍ୟକୁ ଭଲ ରଖେ ଏବଂ ମାନସିକ ସ୍ୱାସ୍ଥ୍ୟରେ ମଧ୍ୟ ଉନ୍ନତ ହୋଇଥାଏ । ଏହା ଡିପ୍ରେସନ୍, ଷ୍ଟ୍ରେସ୍ ଏବଂ ଆନ୍ଜାଇଟିକୁ କମ କରିପାରେ ।
ସିଡ୍ସ ଖାଆନ୍ତୁ :
ଆପଣଙ୍କ ଖାଦ୍ୟରେ ନିଶ୍ଚିତ ଭାବେ ସିଡ୍ସ ଅନ୍ତର୍ଭୂକ୍ତ କରନ୍ତୁ । ଯଦି ଆପଣ ଚାପ ଦ୍ୱାରା ଅସୁବିଧାରେ ପଡ଼ନ୍ତି ତେବେ କଖାରୁ ମଞ୍ଜି ଖାଇବା ଆପଣଙ୍କ ପାଇଁ ଲାଭଦାୟକ ହେବ । କଖାରୁ ମଞ୍ଜି ମାନସିକ ସ୍ୱାସ୍ଥ୍ୟ ପାଇଁ ବହୁତ ଭଲ ବୋଲି ବିବେଚନା କରାଯାଏ । ଏହା ଶରୀରରେ ହାପି ହରମୋନ୍ ଉତ୍ପାଦନ କରିଥାଏ ଏବଂ ଭଲ ନିଦ ହୋଇଥାଏ । ସେଥିପାଇଁ ଏହି ସିଡ୍ସ ଖାଇବା ଶରୀରକୁ ସୁସ୍ଥ କରିଥାଏ ।
ଫିଜିକାଲ ଆକ୍ଟିଭିଟି କରନ୍ତୁ :
ଷ୍ଟ୍ରେସ୍ ଏବଂ ଆନ୍ଜାଇଟିକୁ ଏଡାଇବା ପାଇଁ ପ୍ରତିଦିନ କିଛି ବ୍ୟାୟାମ କରନ୍ତୁ । ଶାରୀରିକ ଭାବରେ ସକ୍ରିୟ ହେବା ଶରୀରରେ ହାପି ହରମୋନ୍ ରିଲିଜ୍ କରିଥାଏ । ଯାହା ଆପଣଙ୍କ ମନୋବଳକୁ ଭଲ ରଖିଥାଏ । ବ୍ୟାୟାମ କରିବା ଦ୍ୱାରା ମାନସିକ ଚାପରୁ ମୁକ୍ତି ମିଳିଥାଏ । ବିଶେଷକରି ବ୍ରିଦିଗିଂ ଏକ୍ସରସାଇଜ୍ ଆପଣଙ୍କ ପାଇଁ ଲାଭଦାୟକ ପ୍ରମାଣିତ ହୋଇପାରେ । ପ୍ରତିଦିନ ସକାଳେ ଅଧ ଘଣ୍ଟା ପାଇଁ ନିଜ ପସନ୍ଦର କୌଣସି ବ୍ୟାୟାମ କରନ୍ତୁ ।
ଭରପୂର ନିଦରେ ଶୁଅନ୍ତୁ :
ଖାଦ୍ୟ ସହିତ ଶୋଇବା ମଧ୍ୟ ସ୍ୱାସ୍ଥ୍ୟ ପାଇଁ ଗୁରୁତ୍ୱପୂର୍ଣ୍ଣ ହୋଇଥାଏ । ଯେଉଁ ଲୋକମାନେ ରାତିରେ ଭଲ ନିଦରେ ଶୁଅନ୍ତି, ସେମାନଙ୍କୁ ଅଧିକ ଶକ୍ତି ମିଳିଥାଏ । ଏହା ଆପଣଙ୍କ ମନୋବଳ ଉପରେ ସିଧାସଳଖ ପ୍ରଭାବ ପକାଇଥାଏ । ଅନେକ ଥର ଚାପ ହେତୁ ଭଲ ନିଦ ହୁଏ ନାହିଁ, ଯାହା ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପକାଇଥାଏ । ଚାପରୁ ମୁକ୍ତି ପାଇବା ପାଇଁ ଭଲ ଏବଂ ପର୍ଯ୍ୟାପ୍ତ ନିଦରେ ଶୋଇବା ଉଚିତ ।
କଫିନ୍ କମ ପିଅନ୍ତୁ :
ଯେଉଁମାନେ ଚା କିମ୍ବା କଫିରେ ଅଭ୍ୟସ୍ତ, ସେମାନେ ଅନୁଭବ କରନ୍ତି ଯେ ଚା ଏବଂ କଫି ପିଇବା ଦ୍ୱାରା ଷ୍ଟ୍ରେସ୍ କମିଯାଏ, କିନ୍ତୁ ତାହା ନୁହେଁ । ଅତ୍ୟଧିକ ପରିମାଣର କଫିନ୍ ଆପଣଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ, ବିଶେଷକରି କଫିନ୍ ଖାଇବା ମାନସିକ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ ।
