ଜାଣନ୍ତୁ କେଉଁ ସମୟରେ ବ୍ୟାୟାମ କରିବା ଦ୍ୱାରା ମିଳିଥାଏ ଅଧକ ଫାଇଦା
କିଏ କୁହେ ସକାଳ ସମୟରେ ବ୍ୟାୟାମ କରିବା ଉଚିତ ତ ଆଉ କିଛି ଲୋକ କୁହନ୍ତି ସନ୍ଧ୍ୟାରେ ବ୍ୟାୟାମ କଲେ ଶରୀର ପାଇଁ ବେଶୀ ଭଲ ହୋଇଥାଏ।
ନିଜ ଜୀବନଶୈଳୀରେ ଏକ ସ୍ଥିରତା ଏବଂ ଫିଟ୍ ରହିବା ପାଇଁ ଲୋକେ ନିୟମିତ ବ୍ୟାୟାମ କରନ୍ତି । କିନ୍ତୁ କେଉଁ ସମୟରେ ବ୍ୟାୟାମ କଲେ ଏହା ଶରୀର ପାଇଁ ଅଧିକ ଲାଭଦାୟକ । ଏହାକୁ ନେଇ ଥାଏ ଅନେକ ତର୍କ ବିତର୍କ । କିଏ କୁହେ ସକାଳ ସମୟରେ ବ୍ୟାୟାମ କରିବା ଉଚିତ ତ ଆଉ କିଛି ଲୋକ କୁହନ୍ତି ସନ୍ଧ୍ୟାରେ ବ୍ୟାୟାମ କଲେ ଶରୀର ପାଇଁ ବେଶୀ ଭଲ ହୋଇଥାଏ।
କିନ୍ତୁ ଆପଣଙ୍କୁ କହିରଖିବାକୁ ଚାହିଁବୁ ଯେ ଆପଣ ଯେତେବେଳେ ସକାଳେ ସମୟରେ ବ୍ୟାୟାମ କରିବେ ଆପଣ ଆଗାମୀ ଦିନ ପାଇଁ ଟାବୋଲିଜିମ୍କୁ ଜମ୍ପଷ୍ଟାର୍ଟ କରୁଛ । ଏହାର ଅର୍ଥ ହେଉଛି ଯେ ଆପଣଙ୍କ ଶରୀର ଦିନସାରା ଅଧିକ କ୍ୟାଲୋରୀ କମାଇବା ଜାରି ରଖିବ । ସକାଳେ ବ୍ୟାୟାମ କରିବା ଦ୍ୱାରା ଆପଣଙ୍କୁ ଏକ ରୁଟିନ୍ ଲାଇଫ୍ ମିଳେ । ଆପଣ ଫୂର୍ତ୍ତି ଅନୁଭବ କରନ୍ତି ।
ଗବେଷଣାରୁ ଜଣାପଡିଛି ଯେ, ଯଦି ଆପଣ ସକାଳେ ବ୍ୟାୟାମ କରୁଛନ୍ତି ତେବେ ଏହା ଆପଣଙ୍କୁ ରାତିରେ ଭଲ ନିଦ ଦିଏ । ବ୍ୟାୟାମ ଏଣ୍ଡୋରଫିନ୍ ମୁକ୍ତ କରିଥାଏ ଏବଂ ଚାପ ସ୍ତରକୁ ହ୍ରାସ କରିବାରେ ଏହା ସାହାଯ୍ୟ କରିଥାଏ । ଯାହାଦ୍ୱାରା ଜଣେ ଆରାମରେ ଶୋଇପାରେ ।
ସେହିପରି ଅନେକ ଲୋକଙ୍କର ସନ୍ଧ୍ୟାର ଶକ୍ତି ସ୍ତର ଟିକେ ଅଧିକ ଥାଏ । ସନ୍ଧ୍ୟାରେ ସେମାନେ ବେଶୀ ଆକ୍ଟିଭ୍ ବା ସକ୍ରିୟ ରହିଥାନ୍ତି । ଏହି ସମୟରେ ଏକ୍ସରସାଇଜ୍ କରିବା ଅର୍ଥ ଅଧିକ ଫିଟ୍ ରହିବା । ସକାଳର ଆରମ୍ଭ ପ୍ରାୟ ଲୋକ କାମ ଚିନ୍ତାରୁ ଆରମ୍ଭ କରନ୍ତି । ଯେମିତିକି ଦିନରେ ଆଗକୁ କଣ କରିବେ, କଣ କାମ ବାକି ରହିଗଲା ଏମିତି କିଛି ଚିନ୍ତା ଲାଗିରୁହେ । ସନ୍ଧ୍ୟାରେ କାମରୁ ଟିକେ ମୁକ୍ତି ମିଳିଥାଏ । ତେଣୁ ଏହି ସମୟରେ ବ୍ୟାୟାମ ଉପରେ ଲୋକେ ଅଧିକ ଧ୍ୟାନ ଦେଇପାରନ୍ତି ।
କିନ୍ତୁ ଆମେ ତ କହିବୁ ବ୍ୟାୟାମର ସଠିକ ସମୟ ହେଉଛି ଧ୍ୟାନ । ଆପଣ କେତେବେଳେ ଏକ୍ସରସାଇଜ ପାଇଁ ସମୟ ବାହାର କରିପାରୁଛନ୍ତି ସେଇଟା ହିଁ ମୁଖ୍ୟ ।ତେଣୁ ବ୍ୟାୟାମ ପାଇଁ ସେମିତି ସମୟ ବାହାର କରନ୍ତୁ ଯାହା ଆପଣଙ୍କୁ ସୁହାଉଥିବ । ଯେମିତି ଆପଣ ଧ୍ୟାନର ସହ ବ୍ୟାୟାମ କରିପାରୁଥିବେ ।
