୩୦ ବର୍ଷ ପରେ ମହିଳାଙ୍କ ଠାରେ ଦେଖା ଦେଇପାରେ ଏହି ସବୁ ଶାରୀରିକ ସମସ୍ୟା, ଟିକେ ସତର୍କ ହୋଇଯାନ୍ତୁ
ବୟସ ବଢିବା ସଂଗେ ସଂଗେ ମହିଳାଙ୍କ ସ୍ୱାସ୍ଥ୍ୟ ସହ ଜଡିତ ସମସ୍ୟା ମାନ ବଢିଥାଏ । ୩୦ ବର୍ଷ ପରେ ମହିଳାଙ୍କ ଠାରେ ଥକା ଲାଗିବା, ଦୁର୍ବଳ ଲାଗିବା ସହ ଅଧିକରୁ ଅଧିକ ରୋଗ ଆକ୍ରାନ୍ତ ହେବାର ମଧ୍ୟ ଆଶଙ୍କା ରହିଛି । ଏକ୍ସପର୍ଟଙ୍କ ଅନୁଯାୟୀ, ବୟସ ସହିତ ମହିଳାମାନେ ନିଜ ନିଜ ସ୍ୱାସ୍ଥ୍ୟର ଯତ୍ନ ନେଇ ସମୟ ସମୟରେ ଯାଞ୍ଚ କରାଇ ନେବା ଉଚିତ । ତେବେ ଆସନ୍ତୁ ଦେଖିବା କଣ କଣ ରୋଗ ଗ୍ରାସ କରିପାରେ ।
ବ୍ରେଷ୍ଟ କ୍ୟାନ୍ସର:
ବିଶ୍ୱ ବ୍ୟାପି ସର୍ବାଧିକ ସଂଖ୍ୟକ ମହିଳା ବ୍ରେଷ୍ଟ କ୍ୟାନ୍ସର ବା ସ୍ତନ କର୍କଟ ପରି ସାଙ୍ଘାତିକ ରୋଗର ଶିକାର ହେଉଛନ୍ତି । ଏକ୍ସପର୍ଟଙ୍କ ଅନୁଯାୟୀ ୩୦ ବର୍ଷ ପରେ ଗମ୍ଭୀର ରୋଗର ଶିକାର ହୋଇପାରନ୍ତି । ଯଦି ଆପଣଙ୍କ ସ୍ତନ କୁଣ୍ଡାଇ ହେଉଥାଏ କିମ୍ବା ଦରଜ ହେଉଥାଏ କିମ୍ବା ଅନ୍ୟ କୌଣସି ପ୍ରକାରର ସମସ୍ୟା ଦେଖାଦିଏ ତେବେ ଡେରି ନକରି ଡାକ୍ତରଙ୍କ ଠାରୁ ଯାଞ୍ଚ କରାଇ ନିଅନ୍ତୁ ।
ଓଜନ ବଢିବା;
ରୋଗ ଦେଖାଦେବାର ଅନ୍ୟ ଏକ ପ୍ରମୁଖ କାରଣ ହେଉଛି ମୋଟାପଣ । ଅଚାନକ ଓଜନ ବଢିବାର ଅନ୍ୟତମ କାରଣ ଥାଇରଏଡ କିମ୍ବା କୋଲେଷ୍ଟେଡ଼ଲ ବି ହୋଇପାରେ । ତେଣୁକରି ବୟସ ବଢିବା ସଂଗେ ସଂଗେ ମହିଳା ମାନେ ନିଜ ନିଜ ଥାଇରଏଡ, କୋଲେଷ୍ଟେରଲ କିମ୍ବା ଡାଏବେଟିଜର ଯାଞ୍ଚ କରାଇନେବା ଉଚିତ । ଏହାବାଦ ପୋଳିସ୍ଟିକ ଓଭାରି ଜନିତ ସମସ୍ୟା ବି ବଢିପାରେ । ଏହା ଏକ ପ୍ରକାର ହର୍ମୋନ ଜନିତ ରୋଗ । ଯେଉଁଥିରେ ମହିଳାମାନେ ଡାଇବେଟିସ କିମ୍ବା ହୃଦରୋଗ ଜନିତ ରୋଗରେ ପୀଡିତ ହୋଇପାରନ୍ତି ।
ଉଚ୍ଚ ରକ୍ତଚାପ:
ଓଜନ ବଢିବା କିମ୍ବା ଗର୍ଭନିରୋଧକ ବଟିକା ଖାଇବା ଦ୍ୱାରା ଉଚ୍ଚ ରକ୍ତଚାପ ଜନିତ ସମସ୍ୟା ବଢ଼ିଯାଇପାରେ । ରିସର୍ଚ୍ଚ ଅନୁଯାୟୀ, ଯେଉଁ ମହିଳାମାନେ ହାଇ ବ୍ଲଡ଼ ପ୍ରେସର ଜନିତ ସମସ୍ୟା ଦେଇ ଗତି କରୁଛନ୍ତି ସେମାନେ ଗର୍ଭାବସ୍ଥା ସମୟରେ ଅନେକ ସମସ୍ୟା ଭୋଗ କରିପାରନ୍ତି । ତେଣୁ ୩୦ ବର୍ଷ ପରେ ଅଧିକ ଲୁଣ କିମ୍ବା ଚିନି ବର୍ଜନୀୟ ।
ଆଖିର ଜ୍ୟୋତି କମିଯାଏ:
୩୦ ବର୍ଷ ପରେ ଶରୀରର ନ୍ୟୁଟ୍ରିସନ ଲେବଲ କମିବାର ଆଶଙ୍କା ବି ଅଧିକ ଅଛି । ଏହି କାରଣରୁ ଆଖିର ଜ୍ୟୋତି ବି କମି ଯାଇପାରେ । ଏହା ସହ ମାଇଗ୍ରେନ ଜନିତ ସମସ୍ୟା ଥିଲେ ମଧ୍ୟ ଆଖିର ଜ୍ୟୋତି କମିଯାଇପାରେ । ତେଣୁ ଖାଦ୍ୟରେ ଭିଟାମିନ ଏ, ସି, ଇ , ଜିଙ୍କ ଆଦିକୁ ସାମିଲ କରିବା ଉଚିତ ।
ଲାଇଫ ଷ୍ଟାଇଲରେ କିପରି କରିବେ ପରିବର୍ତ୍ତନ:
– ମସାଲାଦାର କିମ୍ବା ଅଏଲି ଖାଦ୍ୟ ପରିବର୍ତ୍ତେ ଘରେ ପ୍ରସ୍ତୁତ ଭୋଜନ ଗ୍ରହଣ କରନ୍ତୁ
– ଅଧିକରୁ ଅଧିକ ପାଣି ପିଅନ୍ତୁ | ଜୁସ କିମ୍ବା ପଇଡ଼ ପାଣି ଆଦି ପିଅନ୍ତୁ ।
– ସ୍ନାକ୍ସ ଭାବରେ ସୂର୍ଯ୍ୟମୁଖୀ ମଞ୍ଜି, ଦଳୀୟା, ଭଜା ବାଦାମ ଆଦି ସାମିଲ କରନ୍ତୁ
– ଯଦି ଜିମ ଯାଇପାରୁନାହାନ୍ତି ତେବେ ୩୦ ମିନିଟ ପାଇଁ ଯୋଗ, ମେଡ଼ିଟେସନ କିମ୍ବା ଏକ୍ସରସାଇଜ କରନ୍ତୁ ।
– ନିଜ ପ୍ରତିଦିନର ଖାଦ୍ୟରେ ପ୍ରଡକ୍ଟସ, ଫଳ, ସବୁଜ ପନିପରିବା ଆଦି ସାମିଲ କରନ୍ତୁ |
