କେନ୍ୟୁଜ(ବ୍ୟୁରୋ): ଅନ୍ୟ ରାଜ୍ୟରେ ଫସି ରହିଥିବା ଶ୍ରମିକ, ଛାତ୍ର ଏବଂ ଅନ୍ୟମାନଙ୍କୁ ନିଜ ଘରକୁ ଫେରାଇ ନେବା ପାଇଁ କେନ୍ଦ୍ର ସରକାର ଶୁକ୍ରବାର ଠାରୁ କିଛି ସ୍ୱତନ୍ତ୍ର ଟ୍ରେନର ଯାତ୍ରା ଆରମ୍ଭ କରିଛନ୍ତି। ଏତେ ସୁବିଧା ପରେ ମଧ୍ୟ କିଛି ଶ୍ରମିକଙ୍କ ଏଭଳି କାମ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଘଟଣାର ଏକ ଭିଡ଼ିଓ ମଧ୍ୟ ଭାଇରଲ ହୋଇଛି ଯେଉଁଥିରେ କଂକ୍ରିଟ ମିକ୍ସଚର ଟ୍ରକର ଟ୍ୟାଙ୍କରୁ ଶ୍ରମିକମାନେ ବାହାରକୁ ଆସୁଥିବା ଦେଖାଯାଉଛି। ମଧ୍ୟପ୍ରଦେଶର ହାଇୱେରେ ପୋଲିସ ସେମାନଙ୍କୁ କାବୁ କରିଥିଲା ବୋଲି ଜଣା ପଡିଛି।
#WATCH 18 people found travelling in the mixer tank of a concrete mixer truck by police in Indore, Madhya Pradesh. DSP Umakant Chaudhary says, “They were travelling from Maharashtra to Lucknow. The truck has been sent to a police station & an FIR has been registered”. pic.twitter.com/SfsvS0EOCW
— ANI (@ANI) May 2, 2020
ଡିଏସପି ଉମାକାନ୍ତ ଚୌଧରୀ କହିଛନ୍ତି ଯେ ମଧ୍ୟପ୍ରଦେଶର ଇନ୍ଦୋର ପୋଲିସ ୧୮ଜଣ ଶ୍ରମିକଙ୍କୁ ମହାରାଷ୍ଟ୍ରରୁ ଲୁଚି ଲକ୍ଷ୍ନ ଯାଉଥିବା ଏକ କଂକ୍ରିଟ ମିକ୍ସଚର ଟ୍ରକକୁ ଜବତ କରିଛି । ପୁରା ଘଟଣା ବିଷୟରେ ଜାଣି ଟ୍ରକକୁ ପୋଲିସ ଜବତ କରିବା ସହ ଏତଲା ରୁଜୁ କରାଯାଇଛି। ଟ୍ରାଫିକ ପୋଲିସ ଅମିତ କୁମାର ଯାଦବ କହିଛନ୍ତି ଯେ ନିୟମିତ ଯାଞ୍ଚ ସମୟରେ ଇନ୍ଦୋର ସହରଠାରୁ ପ୍ରାୟ ୩୫କିଲୋମିଟର ଦୂରରେ ଥିବା ପାନ୍ଥ ପିପ୍ଲାଇ ଗ୍ରାମରେ ଟ୍ରକକୁ ଅଟକାଇ ଦିଆଯାଇଥିଲା। ପରେ ଟ୍ରକର ଯାଞ୍ଚ କରିବା ପରେ କଂକ୍ରିଟ ମିକ୍ସର୍ ଟ୍ରକର ଟ୍ୟାଙ୍କରେ ୧୮ଜଣ ଶ୍ରମିକଙ୍କୁ ଦେଖି ଆମେ ଆଶ୍ଚର୍ଯ୍ୟ ହୋଇଯାଇଥିଲୁ। ଏଥିରେ ୧୪ଜଣ ପ୍ରବାସୀ ଶ୍ରମିକ ଏବଂ ୪ଟ୍ରକ ମାଲିକ କର୍ମଚାରୀ ଲୁଚି ଲୁଚି ଉତ୍ତରପ୍ରଦେଶ ଯାଉଥିଲେ। ପଚରାଉଚରା ବେଳେ ଜଣାପଡିଥିଲା ଯେ ସେମାନେ ସମସ୍ତେ ଶୁକ୍ରବାର ଦିନ ମହାରାଷ୍ଟ୍ରରୁ ବାହାରିଥିଲେ। ବର୍ତ୍ତମାନ ସମସ୍ତଙ୍କୁ ଆଶ୍ରୟ ଗୃହରେ ରଖାଯାଇ ସେମାନଙ୍କ ସ୍ୱାସ୍ଥ୍ୟର ଯାଞ୍ଚ କରାଯାଉଛି। ଶ୍ରମିକମାନଙ୍କୁ ଘରକୁ ପଠାଇବା ପାଇଁ ଏକ ବସ୍ ବ୍ୟବସ୍ଥା କରାଯାଉଥିବା ସେ ସୂଚନା ଦେଇଛନ୍ତି।