ଯଦି ଆପଣ ବିମାନ ଦ୍ବାରା ମୁମ୍ବାଇରୁ ବାହାରକୁ କିମ୍ବା କେଉଁଠାରୁ ମୁମ୍ବାଇକୁ ଆସିବାର ଯୋଜନା କରୁଛନ୍ତି ତେବେ ଆପଣଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡିପାରେ । କାହିଁକି ନା ରନୱେ କାମ ଚାଲିଥିବାରୁ ମାର୍ଚ୍ଚ ପର୍ୟ୍ୟନ୍ତ ପାଖାପାଖି ୫ହଜାର ଉଡାଣ ରଦ୍ଦ ହେବ । କହିବାକୁ ଗଲେ ସପ୍ତାହରେ ତିନି ଦିନ ମୁମ୍ବାଇ ଏୟାରପୋର୍ଟର ରନୱେ ବନ୍ଦ ରହିବ । ଯାହା କାରଣରୁ ଏୟାରପୋର୍ଟ ଅଥୋରିଟି ଫ୍ଳାଇଟସ୍ ମାନଙ୍କର ଉଡାଣ ସୀମିତ କରିଦେଇଛନ୍ତି, ଫଳରେ ବିମାନ କମ୍ପାନୀ ଗୁଡିକ ଭଡାରେ ମଧ୍ୟ ୨୫-୩୦ପ୍ରତିଶତ ବଢାଯାଇଛି ।
ସୂଚନା ମୁତାବକ ଏହି ମରାମତି କାମ ୩୦ ମାର୍ଚ୍ଚ ପର୍ୟ୍ୟନ୍ତ ଚାଲିବ । ଯାହାଫଳରେ ମଙ୍ଗଳବାର, ଗୁରୁବାର, ଏବଂ ଶନିବାର ଦିନ ରନୱେ ବନ୍ଦ ରହିବ । ଏହି ଦିନ ମାନଙ୍କରେ ସକାଳ ୧୧ଟା ରୁ ସନ୍ଧ୍ୟା ୫ ପର୍ୟ୍ୟନ୍ତ ରନୱେ ବନ୍ଦ ରହିବ । ମରାମତି କାମ ଆଜି ଅର୍ଥାତ୍ ୭ ଫେବୃଆରୀ ଠାରୁ ଆରମ୍ଭ ହୋଇ ୩୦ ମାର୍ଚ୍ଚ ପର୍ୟ୍ୟନ୍ତ ଚାଲିବ ।
ଏହାମାନେ ସକାଳ ୧୧ଟାରୁ ସନ୍ଧ୍ୟା ୫ଟା ପର୍ୟ୍ୟନ୍ତ ବିମାନ ଗୁଡିକର ଗମନାଗମନ ବନ୍ଦ ରହିବ । ଏହା ଭିତରେ ପାଖାପାଖି ୫ହଜାର ଉଡାଣ ରଦ୍ଦ କରାଯିବ । ଏଠାରେ କହି ରଖିବାକୁ ଚାହୁଁଛୁ ଯେ ପ୍ରତି ୭ବର୍ଷରେ ରନୱେର ମରାମତି କାର୍ୟ୍ୟ କରାଯାଇଥାଏ । ମୁମ୍ବାଇର ଛତ୍ରପତି ଶିବାଜୀ ମହାରାଜ ଏୟାରପୋର୍ଟ ଭାରତର ଏକ ନାମୀଦାମୀ ଏୟାରପୋର୍ଟ ଅଟେ ।
ଏଠାରୁ ଜାଣନ୍ତୁ ପୁରା ସିଡୁଲ୍ :
– କେବଳ ୨୧ ମାର୍ଚ୍ଚ, ଗୁରୁବାର ପୁରା ଦିନ ଏୟାରପୋର୍ଟ ଖୋଲା ରହିବାର ସମ୍ଭାବନା ରହିଛି ।
-୭ ଫେବୃଆରୀ ଠାରୁ ୩୦ ମାର୍ଚ୍ଚ ପର୍ୟ୍ୟନ୍ତ ରନୱେର ମରାମତି ଚାଲିବ ।
-ସପ୍ତାହକୁ ତିନି ଦିନ ମଙ୍ଗଳବାର, ଗୁରୁବାର ଏବଂ ଶନିବାର ହେବ ମରାମତି ।
-ସପ୍ତାହର ତିନି ଦିନ ସକାଳ ୧୧ଟାରୁ ସନ୍ଧ୍ୟା ୫ଟା ପର୍ୟ୍ୟନ୍ତ ରନୱେ ବନ୍ଦ ରହିବ ।
-ଏହି ତିନି ଦିନ ମାନେ ସପ୍ତାହରେ ପାଖାପାଖି ୨୩୦ ଉଡାଣ ରଦ୍ଦ ହେବ ।
-୭ ଫେବୃଆରୀ ରୁ ୩୦ ମାର୍ଚ୍ଚ ପର୍ୟ୍ୟନ୍ତ ୫୦୦୦ ଉଡାଣ ରଦ୍ଦ ହେବ ।
-କମ୍ ଉଡାଣ ହେବା ଦ୍ବାରା ବିମାନର ଭଡା ୨୫ରୁ ୩୦ ପ୍ରତିଶତ ବଢାଯିବ ।
-ଏୟାରଲାଇନ୍ସ ନିଜର ଉଡାଣକୁ ରିସିଡୁଲ କରିଛନ୍ତି, ଯେଉଁଥିରେ ସେମାନଙ୍କର ପ୍ରସ୍ଥାନ କରିବା ମଧ୍ଯ ସାମିଲ ଅଛି ।
-ଏହି କାରଣରୁ ଅନ୍ତରାଷ୍ଟ୍ରୀୟ ଉଡାଣର ଟେକଅଫ୍ ଏବଂ ଲ୍ୟାଣ୍ଡିଙ୍ଗକୁ ପ୍ରାଥମିକତା ଦିଆଯିବ । ଏହା ମାନେ ଘରୋଇ ଉଡାଣରେ
ଡେରି ହୋଇପାରେ ।
-ଅଧିକାଂଶ ଘରୋଇ ଉଡାଣ ଯାହା ପ୍ରଭାବିତ ହୋଇପାରେ ସେମାନଙ୍କ ସୂଚୀ ମଧ୍ୟ କରାଯାଇଛି ।
– ଫେବୃଆରୀରେ ବାଂଗାଲୁରୁର କେଂପେଗୋଡା ଇଣ୍ଟରନ୍ୟାସନାଲ ଏୟାରପୋର୍ଟ ମଧ୍ୟ ୧୧ ଦିନ ପର୍ୟ୍ୟନ୍ତ କିଛି ଘଣ୍ଟା ବନ୍ଦ ରହିବ ।