ଦିଲ୍ଲୀ: ରାଜଧାନୀ ଦିଲ୍ଲୀରେ ବର୍ତ୍ତମାନ ଶୀତ ସବୁ ରେକର୍ଡ ଭାଙ୍ଗିଛି । ପାଣିପାଗ ବିଭାଗ ମୁତାବକ ଆସନ୍ତା କିଛି ଦିନ ଭିତରେ ଶୀତ ଆହୁରୀ ବଢିବ । କୁହୁଡି କାରଣରୁ ୧୦୦-୨୦୦ମିଟର ଦୁରରୁ କିଛି ନଜର ଆସୁନାହିଁ । ଲୋକ ଗରମ ପୋଷାକ ପିନ୍ଧୁଛନ୍ତି । ଏସବୁ ଭିତରେ ସୋସିଆଲ ମିଡିଆରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ଵାଲଙ୍କ ମଫଲରକୁ ନେଇ କରାଯାଇଥିବା ଏକ ଟ୍ଵିଟ୍ ଏବେ ଖୁବ୍ ଭାଇରାଲ ହେବାରେ ଲାଗିଛି ।
କହିବାକୁ ଗଲେ ଅରୁଣ ଅରୋରା ନାମକ ଜଣେ ୟୁଜର୍ସ ଶୀତକୁ ନେଇ ମୁଖ୍ୟମନ୍ତ୍ରୀ କେଜରିଓ୍ଵାଲଙ୍କୁ ଟ୍ୟାଗ୍ କରି ଏକ ଟ୍ଵିଟ୍ କରିଥିଲେ । ଯାହାପରେ କେଜରିଓ୍ଵାଲ ମଧ୍ୟ ଚୁପ୍ ନରହି ଉଚିତ୍ ଜବାବ ଦେଇଥିଲେ । ୟୁଜର୍ସ ଜଣଙ୍କ ପଚାରିଥିଲେ ହାଲୋ ଅରବିନ୍ଦ କେଜରିଓ୍ଵାଲ, ଏଥର ବର୍ତ୍ତମାନ ଯାଏ ମଫଲର ବାହାରକୁ ଆସିନାହିଁ । ଥଣ୍ଡା ବି ବହୁତ ହଉଛି, ଜନତା ପଚାରୁଛନ୍ତି ସାର୍ ।
मफ़्लर बहुत पहले निकल चुका है। आप लोगों ने ध्यान नहीं दिया। ठंड बहुत ज़्यादा है। सब लोग अपना ख्याल रखें। 😊 https://t.co/XUEeZe7wt0
— Arvind Kejriwal (@ArvindKejriwal) December 25, 2019
ଏହି ପ୍ରଶ୍ନର ଉତ୍ତରରେ କେଜରିଓ୍ଵାଲ୍ ହସିକି ଜବାବ ଦେଇଛନ୍ତି କି, ମଫଲର ବହୁ ପୂର୍ବରୁ ବାହାରି ଯାଇଛି ,ଆପଣମାନେ ଧ୍ୟାନ ଦେଇନାହାନ୍ତି । ଏହା ସହିତ ସେ ଜନତାଙ୍କୁ ଥଣ୍ଡାରୁ ଦୁରେଇ ରହିବା ପାଇଁ ଅପିଲ୍ କରି କହିଥିଲେ କି, ଥଣ୍ଡା ବହୁତ ଅଧିକ ହେଉଛି, ସବୁ ଲୋକ ନିଜର ଧ୍ୟାନ ରଖନ୍ତୁ ।
ସୂଚନା ଥାଉକି, ଅରବିନ୍ଦ କେଜରିଓ୍ଵାଲଙ୍କ ମଫଲରକୁ ନେଇ ପୂର୍ବରୁ ବହୁଥର ଚର୍ଚ୍ଚା ହୋଇସାରିଛି । ଏହା ମଧ୍ୟ କୁହାଯାଏ କି ଯଦି କେଜରିଓ୍ଵାଲ ନିଜର ମଫଲର ବାହାର କରି ପିନ୍ଧିଲେ ତେବେ ଜଣାଯାଏ କି, ଦିଲ୍ଲୀରେ ଥଣ୍ଡା ପଡିଗଲା । ତେବେ ମୁଖ୍ୟମନ୍ତ୍ରୀଙ୍କର ଏହି ଅନ୍ଦାଜକୁ ବର୍ତ୍ତମାନ ଲୋକେ ଖୁବ୍ ପ୍ରଶଂସା କରୁଛନ୍ତି ।