ୟୁରୋପୀୟ ଦେଶମାନଙ୍କରେ ନୂଆ ପ୍ରକାର କରାଳ ରୂପ ଧରି ବ୍ୟାପୁଛି କରୋନା, ବିମାନ ସେବା ହେଲା ବନ୍ଦ
କେନ୍ୟୁଜ୍(ବ୍ୟୁରୋ): ୟୁରୋପୀୟ ଦେଶମାନଙ୍କରେ କରୋନା ପୁଣି ତାର କାୟା ବିସ୍ତାର କରିବା ଆରମ୍ଭ କରିଦେଲାଣି। କରୋନାରୁ ଭୟବେହତାକୁ ଦ୍ଷ୍ଟିରେ ରଖି ୟୁରୋପୀୟ ଦେଶମାନେ ବିମାନ ଉଡ଼ାଣ ଉପରେ ନିଷେଧାଦେଶ ଜାରି କରିଛନ୍ତି । ଲଣ୍ଡନରେ ସରକାର ଚେତାବନୀ ଦେଇଥିଲେ ଯେ ଏହି ଜୀବାଣୁ ଏକ ନୂଆ ରୂପରେ ଆସିଲାଣି ଯାହା ନିୟନ୍ତ୍ରଣ ବାହାରେ, ତେଣୁ ଏହା ଉପରେ ରୋକ ଲଗାଇବାକୁ ହେଲେ ପୁଣି ଥରେ ଲକଡାଉନ ଓ ବିମାନ ସେବା ନିଷିଦ୍ଧ ନିହାତି ଆବଶ୍ୟକ ।
‘ଡଚର’ ନିଷେଧାଦେଶ ସକାଳ ୬ଟାରୁ ଲାଗୁ ହୋଇଛି ଏବଂ ଏହା ଜାନୁଆରୀ ୧ ପର୍ଯ୍ୟନ୍ତ ବଳବତ୍ତର ରହିବ ବୋଲି ସୂଚନା ମିଳିଛ। ଏହା ସହିତ ପଡୋଶୀ ବେଲଜିୟମ୍ ମଧ୍ୟ କହିଛି ଯେ ଗତକାଲି ମଧ୍ୟରାତ୍ରିରୁ ବ୍ରିଟେନରୁ ବିମାନ ଏବଂ ଟ୍ରେନ୍ ଆସିବା ସ୍ଥଗିତ ରଖାଯାଇଛି । ଇଂଲଣ୍ଡର ଜନସଂଖ୍ୟାର ଏକ ତୃତୀୟାଂଶ ଲୋକ ଖ୍ରୀଷ୍ଟମାସ କାର୍ଯ୍ୟକ୍ରମରେ ଯୋଗଦେବାର ରହିଛି। ଏଥିପାଇଁ ଲଣ୍ଡନରେ ପୁନଃ ଲକଡାଉନର ପଦକ୍ଷେପ ନିଆଯାଇଛି ଏବଂ ବ୍ରିଟେନର ସ୍ୱାସ୍ଥ୍ୟ ସଚିବ ମ୍ୟାଟ ହାନକକ୍ ଚେତାବନୀ ଦେଇଛନ୍ତି ଯେ ଜୀବାଣୁଙ୍କର ନୂତନ ପର୍ଯ୍ୟାୟ ନିୟନ୍ତ୍ରଣ ବାହାରେ।
