ସିଏଏ ହିଂସା ଯେତେବି ହେଉନା କାହିଁକି ଆମେ ଇଞ୍ଚେ ବି ପଛକୁ ହଟିବୁ ନାହିଁ: ଅମିତ ଶାହ
କେନ୍ୟୁଜ୍(ବ୍ୟୁରୋ): ସାରା ଦେଶରେ ନାଗରିକତା ଆଇନ ବିରୋଧୀ ଆନ୍ଦୋଳନ ତୀବ୍ର ହେଉଥିବା ବେଳେ ଏଥିରୁ ଇଞ୍ଚେ ବି ପଛକୁ ହଟିବୁ ନାହିଁ ବୋଲି କହିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ରାଜସ୍ଥାନ ଯୋଧପୁରରେ ଏକ କାର୍ଯ୍ୟକ୍ରମରେ ଯୋଗ ଦେଇ କହିଛନ୍ତି ଯଦି ସବୁ ରାଜନୈତିକ ଦଳ ଏକାଠି ଆସନ୍ତି, ତେବେ ସୁଦ୍ଧା ବିଜେପି ପଛକୁ ହଟିବ ନାହିଁ। ଯେତେ ପାର ଲୋକଙ୍କୁ ଭୁଲ ସୂଚନା ଦେଇ ଚାଲ ବୋଲି ବିରୋଧୀଙ୍କୁ କହିଛନ୍ତି ଶାହ। ସେହିପରି ବିତର୍କ ପାଇଁ ରାହୁଲଙ୍କୁ ଆହ୍ଵାନ ଦେଇଛନ୍ତି କେନ୍ଦ୍ର ଗୃହ ମନ୍ତ୍ରୀ। କହିଛନ୍ତି ରାହୁଲ ବାବା ଯଦି ଆଇନ୍ ପଢିଛନ୍ତି, ତାହାଲେ ଯେ କୌଣସି ସ୍ଥାନରେ ଚର୍ଚ୍ଚା କରିବାକୁ ଆସନ୍ତୁ । ଯଦି ଆଇନ ପଢି ନାହାନ୍ତି, ତାହାଲେ ଇଟାଲୀ ଭାଷାରେ ଅନୁବାଦ କରି ପଠାଇ ଦେବି।
