କେନ୍ଦ୍ର ଗୃହମନ୍ତ୍ରୀଙ୍କ ପାଖରେ ନାହିଁ ନିଜସ୍ୱ କାର୍, ପାଖରେ ନଗଦ ୨୪ ହଜାର ଟଙ୍କା, ୧୫.୭୭ ଲକ୍ଷ ଟଙ୍କାର ଋଣ
କେନ୍ଦ୍ରଗୃହ ମନ୍ତ୍ରୀ ଅମିତ ଶାହଙ୍କର ନିଜର କାର୍ ନାହିଁ । ତାଙ୍କ ପାଖରେ ୨୦ କୋଟି ସ୍ଥାବର ଏବଂ ୧୬ କୋଟିର ଅସ୍ଥାବର ସମ୍ପତ୍ତି ରହିଥିବା ବେଳେ କାର ନାହିଁ । ଏହି ସମ୍ପତ୍ତିରେ ସେ ଚାଷ କରନ୍ତି । ତାଙ୍କ ଉପରେ ୧୫.୭୭ ଲକ୍ଷ ଟଙ୍କାର ଋଣ ରହିଛି । ତାଙ୍କ ବାର୍ଷିକ ଆୟ ୨୦୨୨-୨୩ରେ ୭୫.୦୯ ଲକ୍ଷ ଥିଲା । ତାଙ୍କ ପାଖରେ କେବଳ ୨୪, ୧୬୪ ଟଙ୍କା ନଗଦ ରାଶି ରହିଛି ।
କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଗାନ୍ଧୀ ନଗରରେ ରୋଡ ଶୋ କରିବା ପରେ ନାମାଙ୍କନ ପତ୍ର ଦାଖଲ କରିଛନ୍ତି । ଗାନ୍ଧିନଗର ଲୋକସଭା ସିଟ୍ ବିଜେପି ସିଟ୍ । ଏହି ସିଟରେ ଲଗାତାର ବିଜେପି ବିଜୟ ହାସଲ କରୁଛି । ଏଠାରେ ତୃତୀୟ ପର୍ଯ୍ୟାୟରେ ମଇ ୭ ତାରିଖରେ ଭୋଟ ହେବ । ତେବେ ଏହି ସିଟ ପାଇଁ ଅମିତ ଶାହ ନାମାଙ୍କନ ପତ୍ର ଦାଖଲ କରିବା ପରେ ସତ୍ୟପାଠ ସାମ୍ନାକୁ ଆସିଛି ।
ସତ୍ୟପାଠ ମୁତାବକ, କେନ୍ଦ୍ରଗୃହ ମନ୍ତ୍ରୀ ଅମିତ ଶାହଙ୍କର ନିଜର କାର୍ ନାହିଁ । ତାଙ୍କ ପାଖରେ ୨୦ କୋଟି ସ୍ଥାବର ଏବଂ ୧୬ କୋଟିର ଅସ୍ଥାବର ସମ୍ପତ୍ତି ରହିଥିବା ବେଳେ କାର ନାହିଁ । ଏହି ସମ୍ପତ୍ତିରେ ସେ ଚାଷ କରନ୍ତି । ତାଙ୍କ ଉପରେ ୧୫.୭୭ ଲକ୍ଷ ଟଙ୍କାର ଋଣ ରହିଛି । ତାଙ୍କ ବାର୍ଷିକ ଆୟ ୨୦୨୨-୨୩ରେ ୭୫.୦୯ ଲକ୍ଷ ଥିଲା । ତାଙ୍କ ପାଖରେ କେବଳ ୨୪, ୧୬୪ ଟଙ୍କା ନଗଦ ରାଶି ରହିଛି । ଅମିତ ଶାହଙ୍କ ନିକଟରେ ୭୨ ଲକ୍ଷ ଟଙ୍କାର ଗହଣା ଥିବା ବେଳେ ସେଥି ମଧ୍ୟରୁ ସେ ୮. ୭୬ ଲକ୍ଷ ମୂଲ୍ୟର ଅଳଙ୍କାର କିଣିଛନ୍ତି ।
ଅମିତ ଶାହଙ୍କ ସମ୍ପତ୍ତି :
ମୋଟ ସମ୍ପତ୍ତି : ୩୬.୬୫ କୋଟି
ସ୍ଥାବର ସମ୍ପତ୍ତି: ୨୦.୩୩ କୋଟି
ଅସ୍ଥାବର ସମ୍ପତ୍ତି: ୧୬.୩୧ କୋଟି
ଋଣ : ୧୫.୭୭ ଲକ୍ଷ ଟଙ୍କା
ନଗଦ ରାଶି: ୨୪,୧୬୪ ଟଙ୍କା
୨୦୨୨-୨୩ ଆୟ : ୭୫.୦୯ ଲକ୍ଷ ଟଙ୍କା
ବ୍ୟବସାୟ : ଚାଷ ଏବଂ ସାମାଜିକ କାର୍ଯ୍ୟ
ଆୟ : ସାଂସଦ ବେତନ, ଘର-ଜମି ଭଡା, ଚାଷ ଏବଂ ସେୟାର ଆୟ
आज गाँधीनगर लोकसभा क्षेत्र से भाजपा प्रत्याशी के रूप में अपना नामांकन किया। मोदी जी के नेतृत्व में बीते 5 सालों में क्षेत्र की जनता का सेवा करने का जो अवसर मिला, उसे इस लोकसभा चुनाव में क्षेत्रवासियों के आशीर्वाद से आगे बढ़ाने के लिए उत्सुक हूँ। मुझे विश्वास है कि गाँधीनगर की… pic.twitter.com/1vGWbgnczW
— Amit Shah (Modi Ka Parivar) (@AmitShah) April 19, 2024
ଅମିତ ଶାହଙ୍କ ପତ୍ନୀ :
ମୋଟ ସମ୍ପତ୍ତି: ୨୯,୦୧ କୋଟି
ସ୍ଥାବର ସମ୍ପତ୍ତି: ୨୨.୪୬ କୋଟି
ଅବସ୍ଥାବର ସମ୍ପତ୍ତ: ୬.୫୫ କୋଟି
ନଗଦ ଟଙ୍କା: ୩୫,୪୦୨ ଟଙ୍କା
୨୦୨୨-୨୩ ଆୟ: ୩୯.୩୯ ଲକ୍ଷ ଟଙ୍କା
ଅମିତ ଶାହ ଶୁକ୍ରବାର ଅପରାହ୍ନ ୧୨ଟା ୩୯ ମିନିଟରେ ନିଜର ନାମାଙ୍କନ ପତ୍ର ଦାଖଲ କରିଥିଲେ । ଏଥିସହ ସେ କହିଛନ୍ତି, ଗାନ୍ଧୀନଗରରୁ ପ୍ରାର୍ଥୀ ହେବା ମୋ’ ପାଇଁ ସୌଭାଗ୍ୟର ବିଷୟ । କାରଣ ଏହି ଆସନରୁ ପୂର୍ବତନ ଉପପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାନୀ ୬ ଥର ସଂସଦକୁ ନିର୍ବାଚନ ହୋଇଥିବା ବେଳେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ମଧ୍ୟ ଏହି ଆସନରୁ ଲଢ଼ି ସାରିଛନ୍ତି ।
