ଅନିଲ ଅମ୍ବାନୀଙ୍କ ଉପରେ ୧୨୦୦ କୋଟିର କରଜ, ଚାଲିବ ଦେବାଳିୟା କେସ୍
ନୂଆଦିଲ୍ଲୀ(କେନ୍ଯୁଜ୍): ନ୍ୟାସନାଲ କମ୍ପାନୀ ଆଇନ ଟ୍ରିବ୍ୟୁନାଲ (ଏନସିଏଲଟି) ବ୍ୟବସାୟୀ ଅନିଲ ଅମ୍ବାନୀଙ୍କ ବିରୋଧରେ ଦେବାଳିଆ ଘୋଷଣା ପ୍ରକ୍ରିୟା ଆଗକୁ ବଢାଇବା ପାଇଁ ଅନୁମତି ଦେଇଛି। ସୂଚନା ମୁତାବକ ଭାରତୀୟ ଷ୍ଟେଟ ବ୍ୟାଙ୍କ (ଏସବିଆଇ) ରୁ ୧୨୦୦ କୋଟି ଟଙ୍କା ଋଣ ନେଇଥିବା ମାମଲାରେ ଅନିଲ ଅମ୍ବାନୀଙ୍କ ବିରୋଧରେ ଅସମର୍ଥତା ମାମଲାକୁ ଏନସିଏଲଟି ଅନୁମୋଦନ କରିଛି। ୨୦୧୬ ରେ ଅନିଲ ଅମ୍ବାନୀଙ୍କ କମ୍ପାନୀ ରିଲାଏନ୍ସ କମ୍ୟୁନିକେସନ୍ସ (ଆର କମ) ଏବଂ ରିଲାଏନ୍ସ ଇନଫ୍ରାଟେଲକୁ ଏସବିଆଇ ଏହି ଋଣ ଦେଇଥିଲା। ଏଥିରେ ଅନିଲ ଅମ୍ବାନୀ ଗ୍ୟାରେଣ୍ଟର୍ ଅଛନ୍ତି। କମ୍ପାନୀ ପକ୍ଷରୁ ଋଣ ପରିଶୋଧ କରିବାରେ ବିଫଳ ହେବା ପରେ ଅନିଲଙ୍କ ବିରୋଧରେ ଦେବାଳିଆ ମାମଲା ପାଇଁ ଅନୁମତି ମାଗି ଏସବିଆଇ ନ୍ୟାସନାଲ କମ୍ପାନୀ ଆଇନ ଟ୍ରିବ୍ୟୁନାଲରେ ପହଞ୍ଚିଥିଲା। ଜୁନ୍ ୩୦ ରେ ମାମଲାର ଶୁଣାଣି ସମାପ୍ତ ହେବା ପରେ ଏନସିଏଲ୍ଟି ଏସବିଆଇର ଆବେଦନ ଉପରେ ନିଜର ନିଷ୍ପତ୍ତି ସଂରକ୍ଷଣ କରିଥିଲା। ପରେ ଏନସିଏଲଟିର ମୁମ୍ବାଇ ବେଞ୍ଚ ଅନିଲ ଅମ୍ବାନୀଙ୍କ ବିରୋଧରେ ଏକ ଅସମର୍ଥ ମାମଲା ଦାୟର କରିବାକୁ ମଞ୍ଜୁର କରିଛି।
ଅନିଲ ଅମ୍ବାନୀଙ୍କୁ ଏସବିଆଇ ଋଣ ଦେଇଥିବା ଦୁଇଟି କମ୍ପାନୀ ବନ୍ଦ ହୋଇଯାଇଛି। ଏହି ପରିପ୍ରେକ୍ଷୀରେ ବ୍ୟାଙ୍କ ଏନସିଏଲଟିକୁ ଦେଇଥିବା ଏକ ଆବେଦନରେ କହିଛି, ଅନିଲ ଅମ୍ବାନୀଙ୍କ ଠାରୁ ଏହି ଅର୍ଥ ପରିଶୋଧ କରିବାକୁ ଅନୁମତି ଦିଆଯାଉ କାରଣ ସେ ତାଙ୍କ ନାମରେ ଲୋନର ବ୍ୟକ୍ତିଗତ ଗ୍ୟାରେଣ୍ଟି ଦେଇଥିଲେ। ଏହା ପରେ ଏହି ମାମଲା NCLT ସମକ୍ଷରେ ଚାଲିଥିଲା।
ଅନିଲ ଅମ୍ବାନୀଙ୍କ ନେତୃତ୍ୱାଧୀନ ରିଲାଏନ୍ସ ଗ୍ରୁପ୍ର ପ୍ରମୁଖ କମ୍ପାନୀ ରିଲାଏନ୍ସ କମ୍ୟୁନିକେସନ୍ ୨୦୧୯ ପ୍ରାରମ୍ଭରେ ଦେବାଳିଆ ଆବେଦନ କରିଥିଲା। ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ କମ୍ପାନୀର ଋଣ ସମାଧାନ ପାଇଁ ଏକ ଯୋଜନା ଦାଖଲ କରିଥିଲା ଯେଉଁଥିରେ ଋଣଦାତାଙ୍କ ଠାର ବାକି ଥିବା ୨୩,୦୦୦ କୋଟି ଟଙ୍କା ଫେରସ୍ତ କରିବେ ବୋଲି ଆଶା କରାଯାଉଥିଲା। ସୂଚନା ଯୋଗ୍ଯ ଏହି ରାଶି ସେମାନଙ୍କର ସମୁଦାୟ ଦେୟର ଅଧା ଅଟେ |
