ଅଗଷ୍ଟ ୧୫ରେ ମିଳିବ କରୋନାରୁ ମୁକ୍ତି! ଭାରତ ବାୟୋଟେକ୍ର କୋଭିଡ୍ ଭ୍ୟାକ୍ସିନ୍କୁ ଆଇସିଏମ୍ଆରର ମଞ୍ଜୁରୀ
ଦୀର୍ଘ ଦିନ ଧରି ସାରା ବିଶ୍ୱରେ ତାଣ୍ଡବ ଲୀଳା ଜାରି ରଖିଥିବା କରୋନାରୁ ମିଳିବାକୁ ଯାଉଛି ମୁକ୍ତି। ଗତକାଲି ଋଷ ତରଫରୁ କରୋନା ଟୀକା ପ୍ରସ୍ତୁତ ହୋଇଥିବା ନେଇ ଘୋଷଣା ହେବା ପରେ ଏବେ ଭାରତ ମଧ୍ୟ ଏହି ଟୀକା ପ୍ରସ୍ତୁତ କରିଥିବା ନେଇ ଦାବି କରିଛି। ଆଉ ମାତ୍ର ଦୁଇ ଦିନ ପରେ ଭାରତ ମଧ୍ୟ କରୋନା ଟୀକାକୁ ବଜାରକୁ ଛାଡ଼ିବ ବୋଲି ଜଣାଯାଇଛି।
ଭାରତ ବାୟୋଟେକ୍ ତରଫରୁ ତିଆରି କରାଯାଇଥିବା ଭ୍ୟାକ୍ସିନ୍ର ଟ୍ରାଏଲ ସମ୍ପୂର୍ଣ୍ଣ ହୋଇଛି। ଏହି ଟୀକାର ନାଁ ରହିଛି ବିବିଭିି୧୫୨। ଆଇସିଏମ୍ଆର ମଧ୍ୟ ଏହି ଟୀକାକୁ ମଞ୍ଜୁରୀ ଦେଇସାରିଲାଣି। ତେବେ ଅଗଷ୍ଟ ୧୫ ମଧ୍ୟରେ କରୋନା ଟୀକା ଭାରତ ବଜାରକୁ ଆସିବ ବୋଲି କୁହାଯାଉଛି। ଏଣୁ ସ୍ୱାଧୀନତା ଦିବସ ଅବସରରେ କରୋନାରୁ ମଧ୍ୟ ମୁକ୍ତି ମିଳିବ ବୋଲି ଅନୁମାନ କରାଯାଉଛି।
ସୂଚନାଯୋଗ୍ୟ ଯେ ଏବେ ଯାଏଁ ଦେଶରେ କରୋନା ମହାମାରୀ ଯୋଗୁ ୪୬ ହଜାରରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ଘଟିଥିବା ବେଳେ ଆକ୍ରାନ୍ତଙ୍କ ସଂଖ୍ୟା ୨୩ ଲକ୍ଷ ୨୯ ହଜାର ୬୩୯ରେ ପହଞ୍ଚିଛି। ସେହିଭଳି ଆକ୍ଟିଭ୍ କେସ୍ ୬ ଲକ୍ଷ ୪୩ ହଜାର ୯୪୮ ରହିଥିବା ବେଳେ ଏବେ ଯାଏଁ ୧୬ ଲକ୍ଷ ୩୯ ହଜାର ୬୦୦ ଜଣ ସୁସ୍ଥ ହେଲେଣି।
