ୟୁପି ପୋଲିସ ପରୀକ୍ଷା ଆଡମିଟ୍ କାର୍ଡରେ ଅଭିନେତ୍ରୀ ସନ୍ନି ଲିଓନଙ୍କ ଫଟୋ, କାର୍ଯ୍ୟାନୁଷ୍ଠାନ ନେବ ପୋଲିସ
ୟୁପି ପୋଲିସ କନେଷ୍ଟବଳ ଚାକିରି ନିମନ୍ତେ ଉଦ୍ଦିଷ୍ଟ ପରୀକ୍ଷା ପାଇଁ ପ୍ରସ୍ତୁତ କରାଯାଇଥିବା ଆଡମିଟ୍ କାର୍ଡଗୁଡ଼ିକ ମଧ୍ୟରୁ ଗୋଟିଏରେ ଅଭିନେତ୍ରୀ ସନ୍ନି ଲିଓନଙ୍କ ଫଟୋ ଓ ନାଁ ରହିଛି । ଯାହା ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି ।
ଉତ୍ତର ପ୍ରଦେଶ ପୋଲିସ ପରୀକ୍ଷା ଆଡମିଟ୍ କାର୍ଡରେ ଅଭିନେତ୍ରୀ ସନ୍ନି ଲିଓନଙ୍କ ଫଟୋ । ୟୁପି ପୋଲିସ କନେଷ୍ଟବଳ ଚାକିରି ନିମନ୍ତେ ଉଦ୍ଦିଷ୍ଟ ପରୀକ୍ଷା ପାଇଁ ପ୍ରସ୍ତୁତ କରାଯାଇଥିବା ଆଡମିଟ୍ କାର୍ଡଗୁଡ଼ିକ ମଧ୍ୟରୁ ଗୋଟିଏରେ ଅଭିନେତ୍ରୀ ସନ୍ନି ଲିଓନଙ୍କ ଫଟୋ ଓ ନାଁ ରହିଛି । ଯାହା ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି ।
ଭାଇରାଲ୍ ପୋଷ୍ଟ୍ ଗୁଡ଼ିକରେ ସନ୍ନି ଲିଓନଙ୍କ ଫଟୋ ଓ ନାଁ ଉଲ୍ଲେଖ ଥିବା ଆଡମିଟ୍ କାର୍ଡ ସେୟାର୍ ହେଉଛି । ଉତ୍ତର ପ୍ରଦେଶ ପୋଲିସ୍ ରିକ୍ରୁଟ୍ ମେଣ୍ଟ୍ ଆଣ୍ଡ୍ ପ୍ରମୋସନ୍ ବୋର୍ଡ’ର ୱେବ୍ ସାଇଟରେ ପଞ୍ଜୀକୃତ ହୋଇଥିବା ଆଡମିଟ୍ କାର୍ଡରେ ସନ୍ନି ଲିଓନଙ୍କ ଫଟୋ ମଧ୍ୟ ରହିଛି । ଏନେଇ ନିଜଆଡୁ ସ୍ପଷ୍ଟୀକରଣ ଦେଇ ‘ଉତ୍ତରପ୍ରଦେଶ ପୋଲିସ ରିକ୍ରୁଟ ମେଣ୍ଟ୍ ଆଣ୍ଡ୍ ପ୍ରମୋସନ୍ ବୋର୍ଡ’ କହିଛି, ସନ୍ନି ଲିଓନଙ୍କ ନାମ ଥାଇ ଭାଇରାଲ୍ ହୋଇଥିବା ଆଡମିଟ୍ କାର୍ଡଟି ଜାଲ୍ ।
Sunny Leon’s admit card for UP police constable recruitment exam. pic.twitter.com/rWryj4n3N0
— Piyush Rai (@Benarasiyaa) February 17, 2024
ଉତ୍ତରପ୍ରଦେଶ ପୋଲିସ ଭର୍ତ୍ତି ପରୀକ୍ଷା ପାଇଁ ୪୮ ଲକ୍ଷ ପରୀକ୍ଷାର୍ଥୀ ସାମିଲ ହୋଇଛନ୍ତି । ଆଉ ଏଥିରେ ସନ୍ନି ଲିଓନିଙ୍କ ନାମ ରହିଛି । ଯାହାକୁ ନେଇ ଏବେ ବେଶ୍ ଚର୍ଚ୍ଚା । ଆଡମିଟ କାର୍ଡରେ ସନ୍ନି ଲିଓନିଙ୍କ ଫଟୋ ସହିତ ନାଁ ରହିଛି । ଏଥିରେ ସନ୍ନିଙ୍କ ଗ୍ଲାମରର୍ସ ଫଟୋ ଦେଖିବାକୁ ମିଳିଛି । ଆଡମିଟ କାର୍ଡରେ ଥିବା ଫଟୋରେ ସନ୍ନି ରେଡ କଲର ଡ୍ରେସ ପିନ୍ଧିଛନ୍ତି । ଏଥିରେ ତାଙ୍କ ବାପାଙ୍କ ନାମରେ JORJCI ଲେଖାଥିବା ବେଳେ ମା’ଙ୍କ ନାମ DARMI ଲେଖାଯାଇଛି । ପିନ କୋଡ ୨୧୦୪୨୩ ଏବଂ ଆଧାର ନଂ ୩୫୧୩୩୪୬୭୩୮୮୭ ରହିଛି । ପରୀକ୍ଷା ରେଜିଷ୍ଟ୍ରେସନ ନଂ ୧୨୨୫୮୫୭୪ ଲେଖାଯାଇଛି । ଆଡମିଟ୍ କୋଡ ୫୧୦୧୦ ରହିଛି । ଏହି ଆଡମିଟ କାର୍ଡ ଭାଇରଲ ହେବା ସହିତ ସୋସିଆଲ ମିଡିଆରେ ଏହାର ମଜାକ ଉଡାଉଛନ୍ତି ଫ୍ୟାନ୍ସ ।
ଏପଟେ ଏସପି ଅମିତ କୁମାର ଆନନ୍ଦ ପୋଲିସ ବିଭାଗକୁ ଯାଞ୍ଚ ପାଇଁ ଆଦେଶ ଦେଇଛନ୍ତି । ସେ କହିଛନ୍ତି ଏହା କୌଣସି ବ୍ୟକ୍ତିଙ୍କ ବଦମାସି । ସନ୍ନି ଲିଓନିଙ୍କ ନାଁରେ ଆବେଦନ କରିଛନ୍ତି ।
