ଅସୁବିଧାରେ ଫସିଲା ୟେଦିୟୁରପ୍ପାଙ୍କ ହେଲିକାପ୍ଟର; ଲ୍ୟାଣ୍ଡିଂ ସମୟରେ ପଡ଼ିଆରେ ଉଡ଼ିଲା କୁଢ଼ କୁଢ଼ ଅଳିଆ ଆବର୍ଜନା
ୟେଦିୟୁରପ୍ପାଙ୍କୁ ନେଇ ଯାଉଥିବା ଏକ ହେଲିକାପ୍ଟର ଲ୍ୟାଣ୍ଡିଂ ସମୟରେ ଅସୁବିଧାରେ ଫସି ଯାଇଥିଲା। ହେଲିକାପ୍ଟର ଯେମିତି ହିଁ ଲ୍ୟାଣ୍ଡ୍ କରିବାକୁ ଲାଗିଥିଲା, ତ ପଡ଼ିଆରେ ପଡ଼ିଥିବା ଅଳିଆ ଆବର୍ଜନା ଉଡ଼ିବା ଆରମ୍ଭ କରି ଦେଇଥିଲା।
କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ବିଏସ ୟେଦିୟୁରପ୍ପା ଆଜି ଅଳ୍ପକେ ରକ୍ଷା ପାଇଯାଇଛନ୍ତି। ୟେଦିୟୁରପ୍ପାଙ୍କୁ ନେଇ ଯାଉଥିବା ଏକ ହେଲିକାପ୍ଟର ହେଲିପ୍ୟାଡରେ ଅବତରଣ କରିବା ସମୟରେ ଅସୁବିଧାରେ ଫସି ଯାଇଥିଲା। ହେଲିକାପ୍ଟରଟି ଯେମିତି ହିଁ ଲ୍ୟାଣ୍ଡ୍ କରିବାକୁ ଲାଗିଥିଲା, ତ ପଡ଼ିଆ ସାରା ପଡ଼ିଥିବା ପ୍ଲାଷ୍ଟିକ ଥଳି ଏବଂ ଅଳିଆ ଆବର୍ଜନା ଉଡ଼ିବା ଆରମ୍ଭ କରି ଦେଇଥିଲା, ଯାହାଫଳରେ ହେଲିକାପ୍ଟର ଲ୍ୟାଣ୍ଡ୍ କରିବା କଷ୍ଟକର ହୋଇପଡିଥିଲା।
କଲବୁର୍ଗୀର ଜେଭରଗୀରେ ଯେଉଁ ଜାଗାରେ ୟେଦିୟୁରପ୍ପାଙ୍କ ହେଲିକାପ୍ଟର ଲ୍ୟାଣ୍ଡ ହେବାର ଥିଲା, ସେଠାରେ ବିରାଟ ଅବହେଳା ଦେଖିବାକୁ ମିଳିଥିଲା। ଜେଭରଗୀର ଏକ ଫାର୍ମ ହାଉସର ଜମିକୁ ହିଁ ହେଲିପ୍ୟାଡ୍ ଭାବରେ ବ୍ୟବହାର କରାଯାଉଥିଲା। ଯେମିତି ହିଁ ହେଲିକାପ୍ଟର ଲ୍ୟାଣ୍ଡିଂ କରିବାକୁ ଲାଗିଥିଲା, ତ ସେଠାରେ ପଡ଼ିଥିବା ଆବର୍ଜନାଗୁଡ଼ିକ ଉଡ଼ିବା ଆରମ୍ଭ କରିଥିଲା। ଫଳରେ ପାଇଲଟଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥିଲା।
ତେବେ ହେଲିକାପ୍ଟରକୁ କିଛି ସମୟ ଯାଏ ଲ୍ୟାଣ୍ଡିଂ କରିବାକୁ ରୋକା ଯାଇଥିଲା ଏବଂ ଏହାକୁ ଆକାଶରେ ହିଁ ଉଡ଼ିବାକୁ ଦିଆଯାଇଥିଲା। ଅଧିକାରୀମାନଙ୍କ ଦ୍ୱାରା ତୁରନ୍ତ ଯୁଦ୍ଧକାଳୀନ ଭିତ୍ତିରେ ସ୍ଥାନକୁ ସଫା କରାଯିବା ପରେ ହେଲିକାପ୍ଟର ଅବତରଣ କରିଥିଲା। ସୂଚନା ମୁତାବକ, ୟେଦିୟୁରପ୍ପା ବିଜେପିର ବିଜୟ ସଂକଳ୍ପ ରାଲିରେ ଯୋଗଦେବାକୁ ଏଠାକୁ ଆସିଥିଲେ।
#WATCH | Kalaburagi | A helicopter, carrying former Karnataka CM and senior leader BS Yediyurappa, faced difficulty in landing after the helipad ground filled with plastic sheets and waste around. pic.twitter.com/BJTAMT1lpr
— ANI (@ANI) March 6, 2023
