CBSE ଦଶମ ଦ୍ୱାଦଶ ରେଜଲ୍ଟ ତାରିଖ ଫାଇନାଲ୍: ଏହି ୱେବସାଇଟ୍ ଗୁଡିକରେ ଜାଣିପାରିବେ ଛାତ୍ରଛାତ୍ରୀଙ୍କ ନମ୍ବର
କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ (CBSE) ଛାତ୍ରଛାତ୍ରୀ ବର୍ତ୍ତମାନ ନିଜ ରେଜଲ୍ଟ ଜାଣିବା ପାଇଁ ତାରିଖ ଘୋଷଣା ହୋଇଛି। ଛାତ୍ରମାନଙ୍କୁ ପ୍ରଥମେ ଅଫିସିଆଲ୍ ୱେବସାଇଟ୍ cbseresults.nic.in ଏବଂ results.gov.in କୁ ଯିବାକୁ ପଡିବ। କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଜୁଲାଇ ୧୩, ୨୦୨୨ ସୁଦ୍ଧା CBSE କ୍ଲାସ୍ ୧୦ ଟର୍ମ ୨ ଫଳାଫଳ ଏବଂ ଜୁଲାଇ ୧୫ ସୁଦ୍ଧା CBSE ଦ୍ୱାଦଶ ଟର୍ମ ୨ ଫଳାଫଳ ଘୋଷଣା କରିପାରେ।
ସିବିଏସ୍ଇ ଯଥାକ୍ରମେ ଜୁଲାଇ ୪ ଏବଂ ଜୁଲାଇ ୧୦ ରେ କ୍ଲାସ୍ ୧୦ ଏବଂ କ୍ଲାସ୍ ୧୨ ଟର୍ମ ୨ ର ଫଳାଫଳ ଘୋଷଣା କରିବାକୁ ଯାଉଥିଲା, ଯାହା ପରେ ବିଳମ୍ବ ହୋଇଥିଲା। ଥରେ ଫଳାଫଳ ପ୍ରକାଶ ପାଇବା ପରେ, ଛାତ୍ରମାନେ ସେମାନଙ୍କର କ୍ଲାସ୍ ୧୦ ଏବଂ କ୍ଲାସ୍ ୧୨ ମାର୍କସିଟ୍ ଅଫିସିଆଲ୍ CBSE ୱେବସାଇଟ୍ cbseresults.nic.in ଏବଂ results.gov.in ରୁ ଯାଞ୍ଚ କରିପାରିବେ। ଡିଜିଲକର୍ ଏବଂ UMANG ଆପ୍ସରେ ଯାଞ୍ଚ ପାଇଁ ଫଳାଫଳ ମଧ୍ୟ ଉପଲବ୍ଧ ହେବ।
ସର୍ବପ୍ରଥମେ ନିଜ ଫଳାଫଳ ଯାଞ୍ଚ କରିବାକୁ, ଛାତ୍ରମାନେ ପ୍ରଥମେ ଅଫିସିଆଲ୍ ୱେବସାଇଟ୍ cbseresults.nic.in ଏବଂ results.gov.in କୁ ଯିବେ। ୱେବସାଇଟ୍ ର ହୋମପେଜ୍ ‘CBSE ଟର୍ମ ୨ କ୍ଲାସ୍ ୧୨ ରେଜଲ୍ଟ, ଏବଂ CBSE ଟର୍ମ ୨ କ୍ଲାସ୍ ୧୦ ରେଜଲ୍ଟ 2022’ ର ଏକ ଲିଙ୍କ୍ ମିଳିବ। ବର୍ତ୍ତମାନ ଆପଣଙ୍କ ସାମ୍ନାରେ ଏକ ନୂଆ ପୃଷ୍ଠା ଖୋଲିବ। ଏଠାରେ ଆପଣଙ୍କୁ ସମସ୍ତ ପଚରାଯାଇଥିବା ବିବରଣୀ ପୂରଣ କରି ଦାଖଲ କରିବାକୁ ପଡିବ ଓ ସବମିଟ କରିବାକୁ ପଡ଼ିବ। ବର୍ତ୍ତମାନ CBSE ଟର୍ମ 2 ସ୍କୋରକାର୍ଡ ଏବଂ ମାର୍କ ସିଟ୍ ଆପଣଙ୍କ ସାମ୍ନାରେ ଆସିବ।
ଏଥର ସିବିଏସ୍ଇ ପରୀକ୍ଷା ଦୁଇଟି ସର୍ତ୍ତରେ କରାଯାଇଥିଲା। ରେଜଲ୍ଟ ଟର୍ମ ୧ ଏବଂ ଟର୍ମ ୨ ର ମିଳିତ ଫଳାଫଳ ପ୍ରକାଶ ପାଇବ। ଛାତ୍ରଛାତ୍ରୀମାନେ ପରୀକ୍ଷାରେ ଉତ୍ତୀର୍ଣ୍ଣ ହେବା ପାଇଁ ପ୍ରତ୍ୟେକ ବିଷୟରୁ ଅତି କମରେ ୩୩ ପ୍ରତିଶତ ମାର୍କ ପାଇବାକୁ ପଡିବ।
ସୂଚନାଯୋଗ୍ୟ ଯେ ଗତ ବର୍ଷ ନଭେମ୍ବର-ଡିସେମ୍ବର ମାସରେ ଟର୍ମ -୧ ପରୀକ୍ଷା ଅବଜେକ୍ଟିଭ୍ ଫର୍ମରେ କରାଯାଇଥିଲା। ଏପ୍ରିଲ୍-ମେ ମାସରେ ଟର୍ମ ୨ ପରୀକ୍ଷା ହୋଇଥିବାବେଳେ ଏହି ପରୀକ୍ଷା ବର୍ଣ୍ଣନାକାରୀ ବା ଡେସ୍କ୍ରିପ୍ଟିଭ ଫର୍ମରେ କରାଯାଇଥିଲା। ଦଶମ, ଦ୍ୱାଦଶ ଶ୍ରେଣୀର ଏକାଡେମିକ ଇୟରରେ ମିଳିଥିବା ଫଳାଫଳର ତଥ୍ୟ ଇଣ୍ଟରନାଲ୍ ମାର୍କର ବିବରଣୀ, ପ୍ରୋଜେକ୍ଟ ୱାର୍କ୍, ପ୍ରାକ୍ଟିକାଲ ପରୀକ୍ଷା ଓ ପ୍ରି- ବୋର୍ଡ ପରୀକ୍ଷା ଆକାରରେ ହେବ। CBSE ୧୦ ଶ୍ରେଣୀ ଏବଂ କ୍ଲାସ୍ ୧୨ ଫଳାଫଳ ଗୁଡିକରେ ମିଳୁଥିବା ମାର୍କଗୁଡ଼ିକୁ ମଧ୍ୟ ଗ୍ରେସ ମାର୍କ ଭାବରେ ଉଲ୍ଲେଖ କରାଯାଇପାରେ।