କରୋନାରୁ ସୁସ୍ଥ ହେଲେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ
କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ କରୋନା ରିପୋର୍ଟ ଆଜି ନେଗେଟିଭ ଆସିଥିବା ଜଣାଯାଇଛି । ଏନେଇ ସୂଚନା ଶ୍ରୀଯୁକ୍ତ ଶାହ ନିଜେ ହିଁ ନିଜ ଟ୍ୱିଟର ଆକାଉଣ୍ଟରେ ଦେଇଛନ୍ତି । ନିଜ ଟ୍ୱିଟର ଆକାଉଣ୍ଟରେ ସେ କହିଛନ୍ତିକି, “ଆଜି ମୋର କରୋନା ଟେଷ୍ଟ ରିପୋର୍ଟ ନେଗେଟିଭ ଆସିଛି । ଏଥିପାଇଁ ମୁଁ ଈଶ୍ୱରଙ୍କୁ ଧନ୍ୟବାଦ ଜଣାଉଛି । ଏପରି ଏକ ଦୁହସମୟରେ ଯେଉଁମାନେ ମୋର ସୁସ୍ଥତା ନେଇ ଶୁଭକାମନା ଦେବା ସହ ମୋର ଓ ମୋ ପରିବାରର ସାହସ ବଢ଼ାଇଛନ୍ତି ସେମାନଙ୍କୁ ହୃଦୟର ସହ ଧନ୍ୟବାଦ ଜଣାଉଛି । ରିପୋର୍ଟ ନେଗେଟିଭ ଆସିଥିଲେ ବି ମୁଁ ଆହୁରି କିଛି ଦିନ ହୋମ ଆଇସୋଲେସନରେ ହିଁ ରହିବି ।
आज मेरी कोरोना टेस्ट रिपोर्ट नेगेटिव आई है।
मैं ईश्वर का धन्यवाद करता हूँ और इस समय जिन लोगों ने मेरे स्वास्थ्यलाभ के लिए शुभकामनाएं देकर मेरा और मेरे परिजनों को ढाढस बंधाया उन सभी का ह्रदय से आभार व्यक्त करता हूँ।
डॉक्टर्स की सलाह पर अभी कुछ और दिनों तक होम आइसोलेशन में रहूँगा।— Amit Shah (@AmitShah) August 14, 2020
ଏହା ସହ ସେ କହିଛନ୍ତିକି, “ମାରାତ୍ମକ କରୋନା ସଂକ୍ରମଣ ସହ ଲଢ଼ିବାରେ ମୋର ସାହାଯ୍ୟ କରିଥିବା ଓ ଲଗାତାର ସେବା ଯୋଗାଇ ମୋତେ ସୁସ୍ଥ କରିଥିବା ମେଦାନ୍ତ ହସ୍ପିଟାଲର ଷ୍ଟାଫ ମାନଙ୍କୁ ମୁଁ ଧନ୍ୟବାଦ ଜଣାଉଛି ।”
କହିରଖିବା ଉଚିତ ହେବକି, ଗତ ଅଗଷ୍ଟ ୨ ତାରିଖରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ କରୋନା ରିପୋର୍ଟ ପଜିଟିଭ ଆସିଥିଲା । ନିଜେ ଗୃହମନ୍ତ୍ରୀ ହିଁ ଏବାବଦରେ ସୂଚନା ଦେଇଥିଲେ । ଏହା ପରେ ତାଙ୍କୁ ମେଦାନ୍ତ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଇ ଆସୁଥିଲା ।
