ଏପ୍ରିଲ ୫ରେ ଜାରି ହେବ କଂଗ୍ରେସର ଘୋଷଣାପତ୍ର, ଖୁବ୍ ଶୀଘ୍ର ଆରମ୍ଭ ହେବ ଘର-ଘର ଗ୍ୟାରେଣ୍ଟି ଅଭିଯାନ
ଭାରତୀୟ ଜନତା ପାର୍ଟି ଆଜି ଉତ୍ତର ପ୍ରଦେଶରେ ନିର୍ବାଚନ ପ୍ରଚାର ଆରମ୍ଭ କରୁଥିବା ବେଳେ ସେପଟେ ଇଣ୍ଡିଆ ମେଣ୍ଟ ଦିଲ୍ଲୀର ରାମଲୀଳା ମଇଦାନରେ ନିଜର ଶକ୍ତି ପ୍ରଦର୍ଶନ କରୁଛି ।
ଲୋକସଭା ନିର୍ବାଚନ ତାରିଖ ଘୋଷଣା ପରଠାରୁ ସାରା ଦେଶରେ ବିଭିନ୍ନ ରାଜନୈତିକ ଦଳ ନିଜ ନିଜର ପ୍ରସ୍ତୁତି ଆରମ୍ଭ କରିଛନ୍ତି । ଏହି କ୍ରମରେ ଭାରତୀୟ ଜନତା ପାର୍ଟି ଆଜି ଉତ୍ତର ପ୍ରଦେଶରେ ନିର୍ବାଚନ ପ୍ରଚାର ଆରମ୍ଭ କରୁଥିବା ବେଳେ ସେପଟେ ଇଣ୍ଡିଆ ମେଣ୍ଟ ଦିଲ୍ଲୀର ରାମଲୀଳା ମଇଦାନରେ ନିଜର ଶକ୍ତି ପ୍ରଦର୍ଶନ କରୁଛି ।
ବର୍ତ୍ତମାନ କଂଗ୍ରେସର ବରିଷ୍ଠ ନେତା ଜୟରାମ ରମେଶ କହିଛନ୍ତି ଯେ ଦଳର ଘୋଷଣାପତ୍ର ଏପ୍ରିଲ ୫ରେ ଜାରି ହେବ । ସେ କହିଛନ୍ତି, ମାର୍ଚ୍ଚ ୧୬ରେ କଂଗ୍ରେସ ପାଞ୍ଚଟି ନ୍ୟାୟ, ପଚିଶଟି ଗ୍ୟାରେଣ୍ଟି ଜାରି କରିଥିଲା । ସାରା ଦେଶରେ ୮ କୋଟି ଗ୍ୟାରେଣ୍ଟି କାର୍ଡ ବଣ୍ଟନ ପାଇଁ ଏପ୍ରିଲ ୩ରୁ ଘର-ଘର ଗ୍ୟାରେଣ୍ଟି ଅଭିଯାନ ଆରମ୍ଭ କରାଯିବ ।
କଂଗ୍ରେସର ଘୋଷଣାପତ୍ର ୫ ନ୍ୟାୟ, ଯୁବ ନ୍ୟାୟ, ନାରୀ ନ୍ୟାୟ, କୃଷକ ନ୍ୟାୟ, ଶ୍ରମିକ ନ୍ୟାୟ ଓ ସମାନତା ନ୍ୟାୟ ଉପରେ ଆଧାରିତ ହେବ । କଂଗ୍ରେସ କହିଛି ଯେ ଆମେ ମିଳିତ ଭାବେ ଏହି ଅନ୍ୟାୟ କାଳର ଅନ୍ଧାରକୁ ଦୂର କରିବୁ ଏବଂ ଭାରତର ଲୋକଙ୍କ ପାଇଁ ଏକ ସମୃଦ୍ଧ, ନ୍ୟାୟ ଭରପୂର ତଥା ସୁସଂଗତ ଭବିଷ୍ୟତର ରାସ୍ତା ଫିଟାଇବୁ ।
