ଚୀନରେ କରୋନା ଭାଇରସରେ ସଂକ୍ରମିତ ହୋଇଥିବା ୧୬୮୧ ଜଣ ରୋଗୀଙ୍କର ଚିକତ୍ସା ପରେ ସେମାନେ ପୂର୍ଣ୍ଣ ରୂପେ ସୁସ୍ଥ ହୋଇଯାଇଛନ୍ତି ବୋଲି ନେସନାଲ ହେଲଥ କମିଶନ ପକ୍ଷରୁ ସୂଚନା ଦିଆଯାଇଛି । ତେବେ ସେମାନଙ୍କୁ ନିକଟରେ ହସ୍ପିଟାଲରୁ ଡିସଚାର୍ଜ କରିଦିଆଯାଇଛି ।
ସୂଚନା ଅନୁଯାୟୀ ବର୍ତ୍ତମାନ ପର୍ଯ୍ୟନ୍ତ ୫୩,୭୨୬ ଜଣ ରୋଗୀଙ୍କୁ ଚିକିତ୍ସା ପରେ ହସ୍ପିଟାଲରୁ ଡିସଚାର୍ଜ କରିଦିଆଯାଇଛି । ତେବେ ଚୀନରେ ବର୍ତ୍ତମାନ ପର୍ଯ୍ୟନ୍ତ ୮୦,୫୫୨ ଜଣ ଲୋକ କରୋନା ସଂକ୍ରମିତ ହୋଇଥିବା ସୂଚନା ମିଳିଛି ଏବଂ ୩୦୪୨ ଜଣ ଲୋକଙ୍କର ମୃତ୍ୟୁ ମଧ୍ୟ ହୋଇସାରିଛି । ଖବର ମୁତାବକ ଚୀନରେ ନିକଟରେ ନୂଆ ୧୪୩ ଜଣଙ୍କୁ ଚିହ୍ନଟ କରାଯାଇଥିଲା ଏବଂ ଏହା ମଧ୍ୟରେ ପୁଣି ୩୦ ଜଣ ରୋଗୀଙ୍କର ମୃତ୍ୟୁ ହୋଇସାରିଛି ।
ବିଶ୍ଵ ସ୍ୱାସ୍ଥ୍ୟ ସଂଗଠନର ସୂଚନା ମୁତାବକ ସାରା ଦୁନିଆରେ ଗୁରୁବାର ପର୍ଯ୍ୟନ୍ତ କରୋନା ଭାଇରସ ସଂକ୍ରମଣର ନୂତନ ୨୨୪୧ଜଣ ଚିହ୍ନଟ ହୋଇଛନ୍ତି । ଯାହାଦ୍ୱାରା ଆକ୍ରାନ୍ତଙ୍କ ସଂଖ୍ୟା ୯୫,୩୩୩ ହୋଇଯାଇଛି । ତେବେ ଗତ ୨୪ ଘଣ୍ଟା ମଧ୍ୟରେ ପାଞ୍ଚଟି ଦେଶରୁ ନୂତନ ମାମଲା ଚିହ୍ନଟ କରାଯାଇଛି । WHOର ମହାନିର୍ଦ୍ଦେଶକଙ୍କ କହିବା ଅନୁଯାୟୀ କରୋନା ଭାଇରସର ପ୍ରଭାବକୁ କମ କରିବା ପାଇଁ ବ୍ୟାପକ ଦୃଷ୍ଟି ଦିଆଯାଇଛି ।