ନୂଆଦିଲ୍ଲୀ : ଦେଶରେ ଖୁବ୍ ଶୀଘ୍ର କରୋନା ଟୀକା ‘କୋଭାସିଲ୍ଡ’ ବଜାରରେ ଉପଲବ୍ଧ ହେବ ବୋଲି ପ୍ରକାଶ ପାଇଥିଲା । ଲୋକେ ଏହାକୁ ନେଇ ଆଶାବାଦୀ ହୋଇ ପଡ଼ିଥିଲେ । ହେଲେ ‘କୋଭାସିଲ୍ଡ’ ପ୍ରସ୍ତୁତ କରୁଥିବା ପୁନେର ସିରମ ଇନଷ୍ଟିଚ୍ୟୁଟ୍ କମ୍ପାନି ବଡ଼ ବୟାନ ଦେଇଛି ।
କମ୍ପାନି ପକ୍ଷରୁ କୁହାଯାଇଛି ଯେ ସରକାର କେବଳ ଆମକୁ ଟୀକା ପ୍ରସ୍ତୁତ କରି ଷ୍ଟକ୍ ରଖିବା ପାଇଁ ନିର୍ଦ୍ଦେଶ ଦେଇଛନ୍ତି । ତେବେ ଏହି ଟୀକ କେବେ ବଜାରକୁ ଆସିବ ତାହା ସ୍ପଷ୍ଟ ହୋଇନାହିଁ । ଏହି ଟୀକାର ସବୁ ପରୀକ୍ଷଣ ଶେଷ ପରେ ହିଁ କୁହାଯାଇ ପାରିବ ।
We would like to clarify that the current media claim on COVISHIELD’s availability in 73 days is misleading.
Phase-3 trials are still underway. We will officially confirm it’s availability.
Read clarification statement here – https://t.co/FvgClzcnHr#SII #COVID19 #LatestNews pic.twitter.com/mQWrqgbzO4
— SerumInstituteIndia (@SerumInstIndia) August 23, 2020
କେତେକ ଗଣମାଧ୍ୟମରେ ‘କୋଭାସିଲ୍ଡ’ ଟୀକା ଆଗାମୀ ୭୩ ଦିନ ପରେ ବଜାରରେ ଉପଲବ୍ଧ ହେବା ନେଇ ଖବରକୁ କମ୍ପାନି ପକ୍ଷରୁ ଅସ୍ୱୀକାର କରାଯାଇଛି । ଏବେ ଟୀକାର ୩ୟ ପର୍ଯ୍ୟାୟ ଟେଷ୍ଟ ଚାଲିଛି ।
ଟେଷ୍ଟରେ ସୂରକ୍ଷା ଓ ସଫଳତାକୁ ପ୍ରାଧାନ୍ୟ ଦିଆଯାଉଛି । ଏହି ଟୀକା ଟେଷ୍ଟରେ ସଫଳ ହେବା ପରେ ନିୟନ୍ତ୍ରକଙ୍କ ଅନୁମତି ପାଇ ବଜାରରେ ଉପଲବ୍ଧ ହେବ ବୋଲି ସିରମ୍ ଇନ୍ଷ୍ଟିଚ୍ୟୁଟ୍ ପକ୍ଷରୁ କୁହାଯାଇଛି ।
କମ୍ପାନୀ ଟୀକା ସମ୍ପର୍କରେ ଟ୍ଵିଟ୍ କରି କହିଛି ଯେ ବର୍ତ୍ତମାନ ଟୀକା ୩ୟ ଫେଜ୍ ପରୀକ୍ଷଣ ଚାଲିଛି । ପରୀକ୍ଷଣର ଶେଷ ପରେ ଯାହା କୁହାଯାଇ ପାରିବ । ତେଣୁ ଆସନ୍ତା ୩ ମାସ ଭିତରେ ‘କୋଭାସିଲ୍ଡ’ ଟୀକା ଆସିବା ନେଇ କିଛି ଆଶା କରାଯାଇ ପାରିବ ନାହିଁ ବୋଲି ଜଣାପଡ଼ିଛି ।