ରାଜଧାନୀରେ ବଢିଲା ସ୍କୁଲ ଛୁଟି, ୧୮ ନଭେମ୍ବର ଯାଏଁ ବନ୍ଦ ନେଇ ଘୋଷଣା କଲେ ଶିକ୍ଷା ମନ୍ତ୍ରୀ
ଦିଲ୍ଲୀ ଶିକ୍ଷା ମନ୍ତ୍ରୀ ଅତିଶି ସ୍କୁଲ ଛୁଟି ବଢିବା ନେଇ ଘୋଷଣା କରିଛନ୍ତି । ପ୍ରଦୂଷଣ ସ୍ତର ବଢିବାରୁ ୧୦ ନଭେମ୍ବର ନୁହେଁ ୧୮ ନଭେମ୍ବର ପର୍ଯ୍ୟନ୍ତ ଛୁଟିକୁ ବଢାଇ ଦିଆଯାଛି । ପ୍ରଥମରୁ ୫ମ୍ ପର୍ଯନ୍ତ ସ୍କୁଲ ସଂପୂର୍ଣ୍ଣ ବନ୍ଦ ରହିବା ସ୍ଥଳେ ୬ଷ୍ଠରୁ ୧୨ଶ ଶ୍ରେଣୀ ପର୍ଯ୍ୟନ୍ତ ପିଲା ଅନଲାଇନ କ୍ଲାସ କରିବେ ।
ରାଜଧାନୀ ଦିଲ୍ଲୀରେ ଲଗାତାର ପ୍ରଦୂଷଣ ବଢିବାରେ ଲାଗିଛି । ଆଉ ଏହା ମଧ୍ୟରେ ୫ମ ଶ୍ରେଣୀ ପର୍ଯ୍ୟନ୍ତ ସ୍କୁଲ ପିଲାଙ୍କ ଛୁଟିକୁ ବଢାଇ ଦିଆଯାଇଛି । ଦିଲ୍ଲୀ ଶିକ୍ଷା ମନ୍ତ୍ରୀ ଅତିଶି ସ୍କୁଲ ଛୁଟି ବଢିବା ନେଇ ଘୋଷଣା କରିଛନ୍ତି । ପ୍ରଦୂଷଣ ସ୍ତର ବଢିବାରୁ ୧୦ ନଭେମ୍ବର ନୁହେଁ ୧୮ ନଭେମ୍ବର ପର୍ଯ୍ୟନ୍ତ ଛୁଟିକୁ ବଢାଇ ଦିଆଯାଛି । ପ୍ରଥମରୁ ୫ମ୍ ପର୍ଯନ୍ତ ସ୍କୁଲ ସଂପୂର୍ଣ୍ଣ ବନ୍ଦ ରହିବା ସ୍ଥଳେ ୬ଷ୍ଠରୁ ୧୨ଶ ଶ୍ରେଣୀ ପର୍ଯ୍ୟନ୍ତ ପିଲା ଅନଲାଇନ କ୍ଲାସ କରିବେ ।
ଦିଲ୍ଲୀ ସରକାର ଦ୍ୱାରା ଜାରି ହୋଇଥିବା ଆଦେଶରେ କୁହାଯାଇଛି କି, ଦିଲ୍ଲୀରେ ଏକ୍ୟୁଆଇ ୯୦୦ ପାର ହୋଇସାରିଛି । ଯାହା ବହୁତ ଗମ୍ଭୀର । ଏହାକୁ ଦୃଷ୍ଟିରେ ରଖି ଦିଲ୍ଲୀର ସମସ୍ତ ସ୍କୁଲକୁ ବନ୍ଦ କରିବାକୁ ଆଦେଶ ଦିଆଯାଇଛି । ଏହାପୂର୍ବରୁ ୧୦ ତାରିଖ ପର୍ଯ୍ୟନ୍ତ ସ୍କୁଲ ଛୁଟି ରହିବ ବୋଲି ନିର୍ଦ୍ଦେଶ ଦିଆଯାଇଥିବା ସ୍ଥଳେ ଏବେ ଏହାକୁ ବଢାଇ ଦିଆଯାଇଛି । ଆସନ୍ତା ୧୮ ତାରିଖ ପର୍ଯ୍ୟନ୍ତ ସମସ୍ତ ସ୍କୁଲ ବନ୍ଦ ରହିବ । ବାୟୁ ପ୍ରଦୂଷଣ ଯୋଗୁଁ ଶୀତକାଳୀନ ଛୁଟି ଆଗୁଆ ଘୋଷଣା କରାଯାଇଛି ।
Delhi government announces early winter break in schools from 9th to 18th November amid severe air pollution in the national capital pic.twitter.com/g9TDdHouot
— ANI (@ANI) November 8, 2023
ଦେଶର ରାଜଧାନୀ ଦିଲ୍ଲୀରେ ନିଶ୍ୱାସ ନେବା ବହୁତ କଷ୍ଟକର ହୋଇପଡିଛି । ବାୟୁ ପ୍ରଦୂଷଣ ଯୋଗୁଁ ଲୋକେ ଘରୁ ବାହାରିବାକୁ ଭୟ କରୁଛନ୍ତି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଅନୁସାରେ ଦିଲ୍ଲୀରେ ବାୟୁର ଗୁଣବତ୍ତା ଗମ୍ଭୀର ସ୍ଥିତିରେ ରହିଛି । ଆନନ୍ଦ ବିହାରରେ ୯୯୯ ଏକ୍ୟୁଆଇ, ଆରକେ ପୂରମରେ ୪୩୩, ପଞ୍ଜାବୀ ବାଗରେ ୪୬୦ ଏବଂ ଆଇଟିଓରେ ୪୧୩ ରେକର୍ଡ କରାଯାଇଛି ।
ସୂଚନାଯୋଗ୍ୟ, ସୁପ୍ରିମକୋର୍ଟ ପଞ୍ଜାବ, ହରିୟାଣା, ଉତ୍ତରପ୍ରଦେଶ ଏବଂ ରାଜସ୍ଥାନର ରାଜ୍ୟ ସରକାରଙ୍କୁ ପାଳ ଜାଳିବା ବନ୍ଦ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ପ୍ରଦୂଷଣ ଯୋଗୁଁ ଲୋକଙ୍କୁ ମରିବାକୁ ଦିଆଯିବନି ବୋଲି ସୁପ୍ରିମକୋର୍ଟ କହିଛନ୍ତି । ପଡ଼ୋଶୀ ରାଜ୍ୟ ପଞ୍ଜାବ ଓ ହରିଆଣାରେ ନଡ଼ା ପୋଡ଼ିବା ଯୋଗୁ ଦିଲ୍ଲୀରେ ଅସ୍ୱଭାବିକ ଭାବେ ପ୍ରଦୂଷଣ ବଢ଼ୁଥିବା କୋର୍ଟ କହିଛନ୍ତି । ପ୍ରଦୂଷଣ ରୋକିବା ପାଇଁ ଦିଲ୍ଲୀରେ ଅଡ-ଇଭିନ ଫର୍ମୁଲା ଲାଗୁ ହୋଇଛି ।
