ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ସପ୍ତମ ସମନ, ଫେବୃୟାରୀ ୨୬ରେ ହାଜର ହେବାକୁ କହିଲା ED
ଦିଲ୍ଲୀ ମଦ ନୀତି ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ୭ମ ସମନ ଜାରି କରିଛି । ତଦନ୍ତ ଏଜେନ୍ସି ଫେବୃୟାରୀ ୨୬ରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ହାଜର ହେବା ପାଇଁ କହିଛି ।
ଦିଲ୍ଲୀ ମଦ ନୀତି ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ୭ମ ସମନ ଜାରି କରିଛି । ତଦନ୍ତ ଏଜେନ୍ସି ଫେବୃୟାରୀ ୨୬ରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ହାଜର ହେବା ପାଇଁ କହିଛି । ଇଡିର ନୋଟିସ୍ ପରେ ଆମ୍ ଆଦ୍ମୀ ପାର୍ଟି କହିଛି ଯେ କେଜ୍ରିଓ୍ଵାଲଙ୍କୁ ଅବୈଧ ନୋଟିସ୍ ପଠାଯାଇଛି । ଆପ୍ ବାରମ୍ବାର ଏହି ପ୍ରଶ୍ନ ଉଠାଉଛି କି, କେଉଁ ଆଧାରରେ ଏହି ସମନ ପଠାଯାଉଛି । ଇଡି କେବଳ କେଜ୍ରିଓ୍ଵାଲଙ୍କୁ ଡରାଇବାକୁ ଚାହୁଁଛି ।
ଚଣ୍ଡୀଗଡ଼ରେ ସୁପ୍ରିମ୍କୋର୍ଟ ଯେଉଁଭଳି ରାୟ ଶୁଣାଇଛନ୍ତି, ତାହାର ପ୍ରତିଶୋଧ ଅରବିନ୍ଦ କେଜ୍ରିଓ୍ଵାଲଙ୍କଠାରୁ ନିଆଯାଉଛି । ଯଦି ଏହା କେବଳ ଲିଗାଲ ମାମଲା ହୋଇଥାଆନ୍ତା, ତେବେ ଇଡି କୋର୍ଟଙ୍କ ନିଷ୍ପତ୍ତିକୁ ଅପେକ୍ଷା କରିଥାଆନ୍ତା ଏବଂ ଦିଲ୍ଲୀ ବିଧାନସଭାର ବଜେଟ୍ ଅଧିବେଶନକୁ ଅପେକ୍ଷା କରିଥାଆନ୍ତା । ଆମ୍ ଆଦ୍ମୀ ପାର୍ଟି ଡରିବ ନାହିଁ ।
କହି ରଖୁଛୁ, ଏହା ପୂର୍ବରୁ ସିଏମ୍ କେଜ୍ରିଓ୍ଵାଲଙ୍କୁ ୬ ଥର ସମନ ଜାରି ହେବା ସତ୍ତ୍ୱେ ସେ ଏ ପର୍ଯ୍ୟନ୍ତ ପଚରାଉଚରା ପାଇଁ ଇଡି କାର୍ଯ୍ୟାଳୟରେ ହାଜର ହୋଇନାହାନ୍ତି । ଏହି ସମନଗୁଡ଼ିକର ଅଣଦେଖା କେଜ୍ରିଓ୍ଵାଲଙ୍କ ସମସ୍ୟା ବଢ଼ାଇପାରେ । କାରଣ, ଇଡିର ଧାରା ୧୯ ଅନୁଯାୟୀ କ୍ରମାଗତ ଭାବରେ ସମନକୁ ଅଣଦେଖା କରିବା ଅର୍ଥାତ୍ ଅସହଯୋଗ ପାଇଁ ଜଣେ ଦୋଷୀ ସାବ୍ୟସ୍ତ ହୋଇପାରିବ ।
