ହୁତୁହୁତୁ ହୋଇ ଜଳିଗଲା ଇଲେକ୍ଟ୍ରିକ କାର, ଭିଡିଓ ଭାଇରଲ
ରାସ୍ତା ଉପରେ ହୁତୁହୁତୁ ହୋଇ ଜଳିଗଲା ଇଲେକ୍ଟ୍ରିକ କାର । ବେଙ୍ଗାଲୁରୁ ରାସ୍ତାରେ ହଠାତ୍ ଏକ ଇଲେକ୍ଟ୍ରି କାରରେ ନିଆଁ ଲାଗିଯାଇଥିଲା । ଫଳରେ ଚାରିଆଡେ ଧୂଆଁମୟ ପରିସ୍ଥିତି ହୋଇଯାଇଥିଲା। ଏହାର ଭିଡିଓ ଏବେ ଭାଇରଲ ହେବାରେ ଲାଗିଛି ।
କର୍ଣ୍ଣାଟକ ବେଙ୍ଗାଲୁରୁରେ ଧୁ ଧୁ ହୋଇ ଜଳିଗଲା ଇଲେକ୍ଟ୍ରିକ କାର । କାରରେ ନିଆଁ ଲାଗିବାର ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି । ଭିଡିଓରେ ଦେଖିବାକୁ ମିଳିଛି କି, କିପରି କାର୍ ହୁତୁହୁତୁ ହୋଇ ଜଳିବାରେ ଲାଗିଛି । ନିଆଁ ଲାଗିବା ପରେ କାରରେ ଥିବା ଲୋକ ବାହାରି ଆସିଥିଲେ । ଏଥିରେ କେହି ବି ହତାହତ ହୋଇନାହାନ୍ତି । ତେବେ କାର କେଉଁ କମ୍ପାନୀର ଥିଲା, ତାହା ଏଯାଏଁ ଜଣାପଡିନି । ଘଟଣା ଶନିବାର ଦିନ ଘଟିଥିଲା । ନିଆଁ ଲାଗିବାର କାରଣ ପୋଲିସ ଖୋଜୁଛି ।
ଖବର ମୁତାବକ, କର୍ଣ୍ଣାଟକ ବେଙ୍ଗାଲୁରୁର ଜେପି ନଗର ଅଞ୍ଚଳରେ ଡାଲମିୟା ସର୍କଲ ପାଖରେ ଏକ ଇଲେକ୍ଟ୍ରିକ କାରରେ ନିଆଁ ଲାଗିଯାଇଥିଲା । ପୋଲିସ ମୁତାବକ, ଘଟଣାରେ କେହି ହତାହତ ହୋଇନାହାନ୍ତି । ଧୁ ଧୁ ହୋଇ କାର ଜଳିଯାଉଥିବା ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି ।
#Bengaluru: An #electric #car caught #fire near Dalmia Circle in #JPNagar area today. No casualties. Reason is yet to be ascertained.#Karnataka #EV #ElectricVehicles #india pic.twitter.com/z7rVVxgJSn
— Siraj Noorani (@sirajnoorani) September 30, 2023
ଇଲେକ୍ଟ୍ରିକ ଗାଡିରେ ନିଆଁ ଲାଗିବା ଘଟଣା ପୂର୍ବରୁ ଅନେକ ସାମ୍ନାକୁ ଆସିଛି । ତେବେ ଏହି ଘଟଣା କେମିତି ହୋଇଛି, ତାହା ଜଣାପଡିନାହିଁ ।