ନିମ୍ବପତ୍ର ପାଣି ଶରୀରରେ ସିଞ୍ଚନ କରି ଭିତରକୁ ପ୍ରବେଶ କରୁଛନ୍ତି ଏହି ଥାନାର ସମସ୍ତ ପୋଲିସ କର୍ମଚାରୀ, ଜାଣନ୍ତୁ କାହିଁକି
ଦିଲ୍ଲୀର ରଞ୍ଜିତ ନଗର ଥାନାରେ କରୋନା ଭାଇରସଠୁ ଦୂରେଇ ରହିବା ପାଇଁ ପୋଲିସ ନୂଆ ଉପାୟ ଖୋଜି ବାହାର କରିଛି । ବାହାରୁ ଥାନାକୁ ଆସୁଥିବା ସମସ୍ତ କର୍ମଚାରୀଙ୍କ ହାତକୁ ସାନିଟାଇଜ କରାଯାଉଛି । ଏହାପରେ ପ୍ରତ୍ୟେକ କର୍ମଚାରୀଙ୍କର ବଡି ତାପମାତ୍ରା ଚେକ କରାଯାଉଛି । କେବଳ ଏତିକି ନୁହେଁ, ସର୍ବ ଶେଷରେ ପୋଲିସ କର୍ମୀମାନେ ନିମ ପତ୍ର ପାଣି ନିଜ ଶରୀରରେ ସିଞ୍ଚନ କରୁଛନ୍ତି ।
ତେବେ ଏହି ପାଣିକୁ ସ୍ୱତନ୍ତ୍ର ଭାବେ ପ୍ରସ୍ତୁତ କରାଯାଇଛି । ଥାନାର ଜଣେ ଅଧିକାରୀ କହିଛନ୍ତି, ସଫା ପାଣିରେ ନିମ ପତ୍ର ପକାଇ ତାହାକୁ ଫୁଟାଯାଇଛି । ଏଥିରେ ଫିଟିକିରି ଏବଂ କର୍ପୂର ମିଶାଯାଇଛି, ଯାହାକି ଶରୀର ଓ କପଡ଼ାରେ ରହୁଥିବା ଜୀବାଣୁମାନଙ୍କୁ ବିନାଶ କରି ଦେଇଥାଏ । ତେଣୁ ଥାନାକୁ ଆସୁଥିବା ପ୍ରତ୍ୟେକ ଲୋକକୁ ଏହି ପାଣି ସିଞ୍ଚନ କରିବାକୁ କୁହାଯାଉଛି ।