ଲକଡାଉନ ବେଳେ ଲୋକଙ୍କୁ ଯେଭଳି କୌଣସି ସମସ୍ୟା ନ ହୁଏ ସେ ନେଇ ପ୍ରଶାସନ ତରଫରୁ ବିଭିନ୍ନ ପଦକ୍ଷେପମାନ ଗ୍ରହଣ କରାଯାଉଛି। କେତେକ ସ୍ଥାନରେ ପୋଲିସ ପ୍ରଶାସନ ଲୋକଙ୍କ ଘରେ ମଧ୍ୟ ରାସନ ସାମଗ୍ରୀ ଦେଇ ଆସୁଛନ୍ତି। ଲୋକମାନେ କେବଳ ଜରୁରୀ ଜିନିଷ ମଗାଇବାକୁ ପ୍ରଶାସନ ତରଫରୁ ଅନୁରୋଧ କରିଛନ୍ତି।
ମାତ୍ର କିଛି ଲୋକ ଏହି ସୁବିଧାର ଦୁରୂପଯୋଗ କରୁଥିବା ଦେଖିବାକୁ ମିଳିଛି। ଉତ୍ତର ପ୍ରଦେଶର ରାମପୁର ଜିଲ୍ଲାରେ ହୋମ ଡେଲିଭରି କରୁଥିବା ଜଣେ ପୋଲିସଙ୍କ ସହ ଥଟ୍ଟା କରିବା ଜଣେ ଯୁବକଙ୍କୁ ମହଙ୍ଗା ପଡ଼ିଛି।
4 समोसा भिजवा दो… चेतावनी के बाद आखिर भिजवाना ही पड़ा।
अनावश्यक मांग कर कंट्रोल रूम को परेशान करने वाले व्यक्ति से सामाजिक कार्य के तहत् नाली सफाई का कार्य कराया गया। pic.twitter.com/88aFRxZpt2— DM Rampur (@DeoRampur) March 29, 2020
ରାମପୁରର ଜଣେ ଯୁବକ ରବିବାର ରାତିରେ ହେଲ୍ପଲାଇନରେ କଲ କରି ପୋଲିସଙ୍କୁ ତାଙ୍କ ପାଇଁ ୪ଟି ସିଙ୍ଗଡ଼ା ଆଣିଦେବାକୁ କହିଥିଲା। ପୋଲିସ ଜାଣିପାରିଲେ ଯେ ଯୁବକ ତାଙ୍କ ସହ ମଜା କରୁଛି। ଏଣୁ ବାରମ୍ବାର ମନା କରିଥିଲେ। ମାତ୍ର ଯୁବକ ନ ଶୁଣିବାରୁ ସେ ତାଙ୍କୁ ସିଙ୍ଗଡ଼ା ନେଇ ଦେଇଥିଲେ। ଏଠି ସହ ସୁବିଧାର ଦୁରୂପଯୋଗ କରିବା ଅଭିଯୋଗରେ ତାଙ୍କୁ ଦଣ୍ଡ ମଧ୍ୟ ଦେଇଥିଲେ। ପୋଲିସ ତାଙ୍କୁ ଦଣ୍ଡ ସ୍ୱରୂପ ରାସ୍ତା ସଫା କରିବାକୁ କହିଥିଲା।
ଏନେଇ ରାମପୁର ଡିଏମ୍ ଟ୍ୱିଟ କରି ସୂଚନା ଦେଇଛନ୍ତି। ଆଗକୁ ଏଭଳି ମାମଲା ସାମ୍ନାକୁ ଆସିଲେ ପୋଲିସ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ସେ କହିଛନ୍ତି। ଡିଏମଙ୍କ ଏହି ଟ୍ୱିଟକୁ ଲୋକମାନେ ପ୍ରଶଂସା କରୁଥିବା ଦେଖାଯାଇଛି।