କୋଚିଂ ସେଣ୍ଟରରେ ଲାଗିଲା ନିଆଁ, ଝରକା ବାଟେ ଡେଇଁଲେ ପିଲା : ଦେଖନ୍ତୁ ଭିଡିଓ
ଦିଲ୍ଲୀର ମୁଖାର୍ଜୀ ନଗରର ଗୟାନା ବିଲିଡିଂରେ ଥିବା କୋଚିଂ ସେଣ୍ଟରରେ ଭୟଙ୍କର ଅଗ୍ନିକାଣ୍ଡ । ଅଗ୍ନିକାଣ୍ଡ ହେବା ପରେ ଛାତ୍ରଛାତ୍ରୀ ଝରକା ବାଟ ଦେଇ ରଶି ସହାୟତାରେ ଡେଇଁଥିଲେ । ଫଳରେ ୪ ଜଣ ଆହତ ହୋଇଛନ୍ତି ।
ଦିଲ୍ଲୀର ମୁଖାର୍ଜୀ ନଗରରେ ଥିବା ଏକ କୋଚିଂ ସେଣ୍ଟରେ ଅଗ୍ନିକାଣ୍ଡ । ଅଗ୍ନିକାଣ୍ଡ ହେବା ପରେ ଛାତ୍ରଛାତ୍ରୀ ଝରକା ବାଟେ ଡେଇଁ ନିଜ ଜୀବନ ବଞ୍ଚାଇଛନ୍ତି । ଏହି ଘଟଣାରେ ୪ ଜଣ ଛାତ୍ର ଆହତ ମଧ୍ୟ ହୋଇଛନ୍ତି । ତେବେ ଖବର ମିଳିବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ସେହିପରି ଆହତ ହୋଇଥିବା ଛାତ୍ରଙ୍କୁ ହସପିଟାଲରେ ଭର୍ତ୍ତି ହୋଇଛନ୍ତି ।
ଖବର ମୁତାବକ, ଦିଲ୍ଲୀର ମୁଖାର୍ଜୀ ନଗରରେ ଥିବା ବତ୍ରା ସିନେମା ପାଖରେ ଏକ ବିଲିଡିଂରେ କୋଚିଂ ସେଣ୍ଟର ଚଲାଯାଉଥିଲା । ନିଆଁ ଲାଗିବା ପରେ ପିଲାମାନେ ଝରକା ବାଟ ଦେଇ ଡେଇଁପଡିଥିଲେ । ତେବେ ତୃତୀୟ ମହଲାରେ ଏକ ବିଦ୍ୟୁତ ମିଟରରେ ନିଆଁ ଲାଗିବା ଯୋଗୁଁ ଏଭଳି ଘଟଣା ଘଟିଥିଲା । ଏହାପରେ କୋଚିଂ ସେଣ୍ଟରରେ ନିଆଁ ଲାଗିଯାଇଥିଲା । ଫଳରେ ପିଲାମାନେ ଭୟଭୀତ ହୋଇ ଝରକା ବାଟେ ତଳକୁ ଓହ୍ଲାଇଥିଲେ । ଫଳରେ ୪ ଜଣ ପିଲା ଆହତ ମଧ୍ୟ ହୋଇଛନ୍ତି ।
#WATCH | People escape using wires as fire breaks out in a building located in Delhi’s Mukherjee Nagar; 11 fire tenders rushed to the site, rescue operation underway
(Source: Delhi Fire Department) pic.twitter.com/1AYVRojvxI
— ANI (@ANI) June 15, 2023
ତେବେ ନିଆଁକୁ ଆୟତ୍ତ କରିବା ପାଇଁ ଅଗ୍ନିଶମ ବିଭାଗର ୪ଟି ଗାଡି ଘଟଣା ସ୍ଥଳରେ ପହଞ୍ଚିଥିଲା ବୋଲି ଫାୟାର ଡାଇରେକ୍ଟର ଅତୁଲ ଗର୍ଗ କହିଛନ୍ତି । କୌଣସି ଛାତ୍ରଙ୍କୁ ଗମ୍ଭୀର ଆଘାତ ଲାଗିନି। ସ୍ଥିତି ନିୟନ୍ତ୍ରଣରେ ରହିଛି । ଯେଉଁମାନେ ରଶି ସହାୟତାରେ ତଳକୁ ଓହ୍ଲାଇଛନ୍ତି, ସେମାନେ ସାମାନ୍ୟ ଆହତ ହୋଇଛନ୍ତି ।
