ଅମରନାଥ ଯାତ୍ରା ପାଇଁ ଖାଦ୍ୟ ମେନ୍ୟୁ ଜାରି: ମିଠା, ଛୋଲେ ଭଟୁରେ, ଥଣ୍ଡା ପାନୀୟ ବ୍ୟାନ୍
ଯାତ୍ରୀଙ୍କୁ ଅମରନାଥ ଯାତ୍ରା ସମୟରେ ଏହିସବୁ ଖାଦ୍ୟ ମନା । ଶ୍ରୀ ଅମରନାଥ ଶ୍ରୀମନ୍ଦିର ବୋର୍ଡ ଦ୍ବାରା ଖାଦ୍ୟ ଲିଷ୍ଟ ଜାରି କରାଯାଇଛି । ଯାତ୍ରୀଙ୍କ ସ୍ବାସ୍ଥ୍ୟକୁ ଦୃଷ୍ଟିରେ ରଖି ଏଭଳି ପଦକ୍ଷେପ ନିଆଯାଇଛି ।
ଅମରନାଥ ଯାତ୍ରା ପାଇଁ ଖାଦ୍ୟ ମେନ୍ୟୁ ଜାରି ହୋଇଛି । ଚଳିତବର୍ଷ ଜୁଲାଇ ୧ ତାରିଖରୁ ଆରମ୍ଭ ହେବାକୁ ଯାଉଥିବା ଅମରଯାତ୍ରା ପାଇଁ ଖାଦ୍ୟ ମେନ୍ୟୁ ଜାରି କରି ଶ୍ରୀ ଅମରନାଥ ଜି ଶ୍ରୀନି ବୋର୍ଡ । ବୋର୍ଡର ନିଷ୍ପତ୍ତି ଅନୁଯାୟୀ ଆପଣ ଥଣ୍ଡା ପାନୀୟ, କ୍ରଞ୍ଚି ସ୍ନାକ୍ସ, ଫ୍ରେଞ୍ଚ ଫ୍ରାଇଜ ଏବଂ ଫାଷ୍ଟଫୁଡ୍ ସାମଗ୍ରୀ, ଜିଲାପି ଏବଂ ହାଲୱା ପରି ଅଧିକ ମିଠା ଏବଂ ଅମରନାଥ ତୀର୍ଥଯାତ୍ରାରେ ଛୋଲେ ଭଟୁରେ ନେଇପାରିବେ ନାହିଁ।
ଶ୍ରୀ ଅମରନାଥ ଶ୍ରୀମନ୍ଦିର ବୋର୍ଡ ଦ୍ବାରା ଜାରି ବାର୍ଷିକ ଯାତ୍ରା ପାଇଁ ଖାଦ୍ୟ ସାମଗ୍ରୀ ଉପରେ ନିଷେଧାଦେଶ କରାଯାଇଛି । ଏହି ଖାଦ୍ୟ ସବୁ ଯାତ୍ରୀଙ୍କ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପକାଇବ ବୋଲି ବୋର୍ଡ କହିଛି ।
ଏଥିପାଇଁ ଏକ ଖାଦ୍ୟ ତାଲିକା ପ୍ରସ୍ତୁତ କରାଯାଇଛି, ଯାହା ତୀର୍ଥଯାତ୍ରୀ ଏବଂ ସେବା ପ୍ରଦାନକାରୀଙ୍କୁ ଖାଦ୍ୟ ପରିବେଷଣ ତଥା ବିକ୍ରୟ କରିବା ପାଇଁ ଯାତ୍ରା ଅଞ୍ଚଳରେ ଆସୁଥିବା ଲଙ୍ଗର ସଂଗଠନ, ଖାଦ୍ୟ ଷ୍ଟଲ୍, ଦୋକାନ ଏବଂ ଅନ୍ୟାନ୍ୟ ପ୍ରତିଷ୍ଠାନ ପାଇଁ ପ୍ରଯୁଜ୍ୟ ହେବ। ତୀର୍ଥଯାତ୍ରୀମାନଙ୍କୁ ୧୪ କିଲୋମିଟର ଲମ୍ୱା ଟ୍ରାକରେ ଥିବା ଅସ୍ୱାସ୍ଥ୍ୟକର ଖାଦ୍ୟ ସାମଗ୍ରୀଠାରୁ ଦୂରରେ ରଖିବା ପାଇଁ ପଦକ୍ଷେପ ନିଆଯାଇଛି।
ସୂଚନାଯୋଗ୍ୟ, ୨୦୨୨ ମସିହାରେ ଅମରନାଥ ଯାତ୍ରା ସମୟରେ ପ୍ରାକୃତିକ କାରଣରୁ ପ୍ରାୟ ୪୨ ତୀର୍ଥଯାତ୍ରୀଙ୍କ ମୃତ୍ୟୁ ହୋଇଥିଲା। ସେବେଠାରୁ ସରକାର ସ୍ୱାସ୍ଥ୍ୟ ପ୍ରମାଣପତ୍ରର ବାଧ୍ୟତାମୂଳକ ଆବଶ୍ୟକତା ଉପରେ ଜୋର ଦେଇଥିଲେ ଏବଂ ଯାତ୍ରୀ ମାର୍ଗରେ ଥିବା ବିଭିନ୍ନ ସ୍ଥାନରେ ଅମ୍ଳଜାନ ବୁଥ ସ୍ଥାପନ ଏବଂ ତୀର୍ଥଯାତ୍ରୀମାନଙ୍କୁ ସୁରକ୍ଷିତ ରଖିବା ପାଇଁ ଡାକ୍ତରଖାନା ନିର୍ମାଣ ଭଳି ପଦକ୍ଷେପ ନେଇଥିଲେ। ଗତ ବର୍ଷ ଠାରୁ, ଯାତ୍ରୀମାନଙ୍କୁ ଟ୍ରାକିଂ କରିବା ପାଇଁ RFID ଟ୍ୟାଗ୍ ମଧ୍ୟ ବ୍ୟବହୃତ ହେଉଛି। ତେଣୁ ଯାତ୍ରୀଙ୍କୁ ସୁନିଶ୍ଚିତ କରିବା ପାଇଁ ଚଳିତବର୍ଷ ଏଭଳି ପଦକ୍ଷେପ ନିଆଯାଇଛି ।
ଏବେ ଯାତ୍ରା କରିବା ପାଇଁ ବୟସ ନିର୍ଦ୍ଧାରିତ କରାଯାଇଛି। ୧୩ ବର୍ଷରୁ କମ୍ ଏବଂ ୭୫ ବର୍ଷରୁ ଅଧିକ ବୟସର କୌଣସି ବ୍ୟକ୍ତିଙ୍କୁ ଅମରନାଥ ଯାତ୍ରାରେ ଯିବାକୁ ଅନୁମତି ଦିଆଯିବ ନାହିଁ। ଚଳିତ ବର୍ଷ ୬୨ ଦିନ ଚାଲିବାକୁ ଥିବା ଅମରନାଥ ଯାତ୍ରା ଜୁଲାଇ ୧ରୁ ଆରମ୍ଭ ହେବ। ଅମରନାଥ ଯାତ୍ରା ପାଇଁ ଏପ୍ରିଲ ୧୭ରୁ ପଞ୍ଜୀକରଣ ଆରମ୍ଭ ହୋଇଛି। ବହୁ ସଂଖ୍ୟକ ଲୋକ ଅନୁମତି ପାଇବା ପାଇଁ ଦେଶର ନିର୍ଦ୍ଦିଷ୍ଟ ବ୍ୟାଙ୍କ ଶାଖାରେ ପହଞ୍ଚିବା ଆରମ୍ଭ କରିଛନ୍ତି। ନୂତନ ନିୟମ ଅନୁଯାୟୀ, ଛଅ ସପ୍ତାହରୁ ଅଧିକ ଦିନ ଗର୍ଭବତୀ ଥିବା କୌଣସି ବି ମହିଳାଙ୍କୁ ଯାତ୍ରା ପାଇଁ ପଞ୍ଜୀକୃତ କରାଯିବ ନାହିଁ।
