ଆଫ୍ରିକୀୟ ୟୁନିଅନ ହେଲା ଜି-୨୦ର ସଦସ୍ୟ, ମୋଦି କଲେ ଘୋଷଣା

ଜି-୨୦ ଶିଖର ସମ୍ମିଳନି ଆଜିଠାରୁ ଆରମ୍ଭ ହୋଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ୱ ନେତାଙ୍କୁ ସ୍ୱାଗତ କରିଛନ୍ତି । ମୋଦି ପ୍ରଥମେ ମରକ୍କୋ ଭୂମିକମ୍ପ ବିଷୟରେ କହି ଦୁଃଖ ପ୍ରକାଶ କରିଛନ୍ତି । ଏହାପରେ ଆଫ୍ରିକୀୟ ୟୁନିଅନକୁ ଅଫିସିଆଲ ଭାବେ ଜି୨୦ ସମ୍ମିଳନୀରେ ସାମିଲ ହେବାର ଘୋଷଣା କରିଛନ୍ତି । ପ୍ରଧାନମନ୍ତ୍ରୀ ମୋଦି ଏହା ଘୋଷଣା କରିବା ପରେ ଆଫ୍ରିକୀୟ ୟୁନଅନର ଅଧ୍ୟକ୍ଷଙ୍କୁ ଆଲିଙ୍ଗନ କରି ଶୁଭେଚ୍ଛା ଜଣାଇଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ବାଗତ ଭାଷଣ ପରେ ପ୍ରଥମ ସମ୍ମିଳନୀ ‘ୱାନ୍ ଆର୍ଥ’ ଉପରେ ଆଲୋଚନା ଆରମ୍ଭ ହେଉଛି । ପିଏମ୍ ମୋଦି ମରକ୍କୋ ଭୂକମ୍ପ ଜନିତ ଜୀବନହାନି ନେଇ ଦୁଃଖ ପ୍ରକଟ କରିଛନ୍ତି । ଏହି ବିପଦପୂର୍ଣ୍ଣ ସମୟରେ ସାରା ବିଶ୍ବ ମରକ୍କୋ ସହିତ ଅଛି ବୋଲି କହିଛନ୍ତି ମୋଦି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସକାଳେ ଏଠାରେ ପ୍ରଥମେ ପହଞ୍ଚି ବିଶ୍ୱର ପ୍ରମୁଖ ନେତା ମାନଙ୍କୁ ବୈଠକକୁ ସ୍ୱାଗତ କରିଛନ୍ତି । କାରଣ ଜି-୨୦ ବୈଠକ ସ୍ୱାଗତ ସ୍ଥଳରେ ଓଡ଼ିଶାର କୋଣାର୍କ ଚକ୍ର ଶୋଭା ପାଉଛି । ଆଉ ମୋଦି କୋଣାର୍କ ଚକ୍ର ପାଖରେ ମୋଦି ଉପସ୍ଥିତ ରହି ସମସ୍ତ ରାଜନେତାଙ୍କୁ ସ୍ୱାଗତ କରୁଥିଲେ ।

#WATCH | G 20 in India | PM Modi at the G 20 Summit says “Before we start the proceedings of G20, I want to express my condolences over the loss of lives due to an earthquake in Morocco. We pray that all injured recover at the earliest. India is ready to offer all possible… pic.twitter.com/ZTqcg11cKI

— ANI (@ANI) September 9, 2023

ପ୍ରଗତି ମଇଦାନର ଭାରତ ମଣ୍ଡପମରେ ଏକାଠି ହୋଇଛନ୍ତି ୨୦ ରାଷ୍ଟ୍ରର ବିଶ୍ବ ନେତା । ସମ୍ମିଳନୀ ସ୍ଥଳରେ ଜଣଙ୍କ ପରେ ଜଣେ ନେତା ଭାରତ ମଣ୍ଡପମରେ ପହଞ୍ଚିବା ପରେ ସ୍ବାଗତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଭାରତ ଅଧ୍ଯକ୍ଷତାରେ ଆୟୋଜିତ ଦୁଇ ଦିନିଆ ସମ୍ମିଳନୀରେ ଯୋଗ ଦେଇଛନ୍ତି ଆମେରିକା, ବ୍ରିଟେନ୍, କାନାଡା, ଫ୍ରାନ୍ସ, ଜର୍ମାନୀ, ତୁର୍କୀ, ଇଟାଲୀ ଭଳି ୨୦ ସହସ୍ୟ ରାଷ୍ଟ୍ର ମୁଖ୍ୟ । ସେମାନଙ୍କ ବ୍ୟତୀତ ସ୍ବତନ୍ତ୍ର ଭାବେ ନିମନ୍ତ୍ରିତ ଅତିଥି ଭାବରେ ବହୁ ଦେଶର ନେତା ଯୋଗ ଦେଇଛନ୍ତି । ଭାରତ ନେତୃତ୍ବରେ ପ୍ରଥମ ଥର G20 ସମ୍ମିଳନୀ ହେଉଛି । ଏଥର ଥିମ୍ ରହିଛି ବସୁଧୈବ କୁଟୁମ୍ବକମ୍ । ଅପରାହ୍ନ ୩ଟାରେ ଦ୍ବିତୀୟ ଅଧିବେଶନ ୱାନ୍ ଫ୍ୟାମଲି ଉପରେ ଆଲୋଚନା ରହିଛି । ସନ୍ଧ୍ୟା ୭ଟାରେ ରାଷ୍ଟ୍ରପତିଙ୍କ ଦ୍ବାରା ଆୟୋଜିତ ନୈଶ୍ୟ ଭୋଜିରେ ଯୋଗ ଦେବେ ବିଭିନ୍ନ ଦେଶର ରାଷ୍ଟ୍ର ନେତା ଓ ଅତିଥି । G20 ବୈଠକରେ ଅର୍ଥନୀତି, ପରିବେଶ, ଜଳବାୟୁ ପରିବର୍ତ୍ତନ, ଭିତ୍ତିଭୂମି, ସ୍ଥାୟୀ ବିକାଶ, ଶିକ୍ଷା ସମେତ ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା ହେବ । ଜି-୨୦ ଶିଖର ସମ୍ମିଳନୀରେ ଯୋଗ ଦେବାକୁ ୧୨୫ରୁ ଅଧିକ ଦେଶର ଏକଲକ୍ଷରୁ ଅଧିକ ପ୍ରତିନିଧି ଦିଲ୍ଲୀ ଆସିଛନ୍ତି ।