ଜି-୨୦ ଶିଖର ସମ୍ମିଳନୀରେ ବାଇଡେନଙ୍କ ସହ ନୀତିଶଙ୍କୁ ଭେଟ କରାଇଲେ ମୋଦି, ବିରୋଧୀ ମହଲରେ ହଇଚଇ
ରାଜନୀତିରେ ସବୁ କିଛି ସମ୍ଭବ । କିଛି ମାସ ତଳେ ବିହାର ମୁଖ୍ୟମନ୍ତ୍ରୀ ନୀତିଶଙ୍କ ଆୟୋଜନରେ ମହାମେଣ୍ଟ ‘ଇଣ୍ଡିଆ’ ର ମୂଳଦୁଆ ପଡିଥିଲା । ବିରୋଧୀମାନେ ଏକାଠି ହୋଇ ବିଜେପିର ବିରୋଧରେ ବିଷ ଉଦ୍ଗାର କରୁଥିବା ବେଳେ ଜି-୨୦ ସମ୍ମିଳନୀରେ ମୋଦି-ନୀତିଶ ଭେଟ ଏକ ନୂଆ ସମ୍ଭାବନା ସୃଷ୍ଟି କରିଛି ।
ନୂଆଦିଲ୍ଲୀ : ରାଜନୀତିରେ ସବୁ କିଛି ସମ୍ଭବ । କିଛି ମାସ ତଳେ ବିହାର ମୁଖ୍ୟମନ୍ତ୍ରୀ ନୀତିଶଙ୍କ ଆୟୋଜନରେ ମହାମେଣ୍ଟ ‘ଇଣ୍ଡିଆ’ ର ମୂଳଦୁଆ ପଡିଥିଲା । ବିରୋଧୀମାନେ ଏକାଠି ହୋଇ ବିଜେପିର ବିରୋଧରେ ବିଷ ଉଦ୍ଗାର କରୁଥିବା ବେଳେ ଜି-୨୦ ସମ୍ମିଳନୀରେ ମୋଦି-ନୀତିଶ ଭେଟ ଏକ ନୂଆ ସମ୍ଭାବନା ସୃଷ୍ଟି କରିଛି । ଏହାକୁ ନେଇ ବିରୋଧୀ ଶିବିରରେ ଭାଳେଣୀ ପଡିଛି । ଜି-୨୦ ସମ୍ମିଳନୀ ଡିନର ପାର୍ଟିରେ ପ୍ରଧାନମନ୍ତ୍ରୀଙ୍କ ପକ୍ଷରୁ ସବୁ ରାଜ୍ୟର ମୁଖ୍ୟମନ୍ତ୍ରୀଙ୍କୁ ନିମନ୍ତ୍ରଣ କରାଯାଇଥିଲା ।
ହେଲେ କଂଗ୍ରେସ ମୁଖ୍ୟମନ୍ତ୍ରୀଙ୍କ ମଧ୍ୟରୁ କେବଳ ହିମାଚଳ ମୁଖ୍ୟମନ୍ତ୍ରୀଙ୍କୁ ଛାଡିଲେ ଆଉ କେହି ଯୋଗ ଦେଇ ନଥିଲେ । ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏଥିରେ ଯୋଗ ଦେଇଥବା ଦେଖାଯାଇଥିଲା । ସବୁଠୁ ବଡ଼ କଥା ହେଲା ମେଣ୍ଟ ଗଠନ ହେବା ମାହୋଲ ସୃଷ୍ଟି ହେବା ଦିନ ଠାରୁ ନୀତିଶ ଓ ମୋଦିଙ୍କ ମଧ୍ୟରେ ଦେଖା ସାକ୍ଷାତ ହୋଇ ନଥିଲା । ଖାଲି ସେତିକି ନୁହେଁ, ଉଭୟଙ୍କ ମଧ୍ୟରେ ମଧ୍ୟ କଥା କଟାକଟି ହୋଇଥିଲା ।
G 20 in India | President Droupadi Murmu, PM Narendra Modi, US President Joe Biden, Australian PM Anthony Albanese, Indonesian President Joko Widodo, Bihar CM Nitish Kumar, Jharkhand CM Hemant Soren, Himachal Pradesh CM Sukhvinder Singh Sukhu and other leaders at the Gala Dinner… pic.twitter.com/2bq4x2wovp
— ANI (@ANI) September 10, 2023
ତେବେ ପ୍ରଥମ ଥର ପାଇଁ ଜି-୨୦ ସମ୍ମିଳନୀରେ ମୋଦି-ନୀତିଶଙ୍କୁ ଆମେରିକାର ରାଷ୍ଟ୍ରପତି ବାଇଡେନଙ୍କ ସହ ସାକ୍ଷାତ କରାଇବା ପରେ ଏହାକୁ ନେଇ ରାଜନୀତିରେ ବଡ଼ ଚର୍ଚ୍ଚା ଚାଲିଛି । ମୋଦିଙ୍କ ସହ ନୀତିଶ, ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଓ ରାଷ୍ଟପତି ବାଇଡେନଙ୍କ ଫଟୋ ପ୍ରକାଶ ପାଇବା ପରେ ରାଜନୈତିକ ବାଖ୍ୟାକାରମାନେ ବିଭିନ୍ନ ସମ୍ଭାବନାକୁ ନେଇ ଆଲୋଚନା କରୁଛନ୍ତି । ହୁଏତ ଆଗାମୀରେ ନୀତିଶ ମହାମେଣ୍ଟ ଛାଡି ମୋଦିଙ୍କୁ ସମର୍ଥନ ଦେବେ ବୋଲି ଚର୍ଚ୍ଚା ଜୋର ଧରିଛି ।
