ନାଗପୁରରେ ପ୍ରବଳ ବର୍ଷା: ପାଣିରେ ଫସିଛନ୍ତି ଅନେକ ଲୋକ, NDRF ଟିମ୍ ନିୟୋଜିତ
ମହାରାଷ୍ଟ୍ର ନାଗପୁରରେ ରାତି ୨ଟାରୁ ଲଗାଣ ବର୍ଷା ଜାରି ରହିଛି । ଜଳବନ୍ଦୀ ହୋଇ ରହିଛନ୍ତି ଲୋକେ । ସ୍ଥିତି ଦେଖି ଏନଡିଆରଏଫ ଟିମ୍ ନିୟୋଜିତ ହୋଇଛନ୍ତି । ସ୍ଥିତି ଉପରେ ନଜର ରଖିଛନ୍ତି ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫିଡନବିସ ।
ମହାରାଷ୍ଟ୍ର ନାଗପୁରରେ ପ୍ରବଳ ବର୍ଷା। ବର୍ଷା ଯୋଗୁଁ ଲୋକେ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଛି । ବସ୍ ଡିପୋ ଏବଂ ଘରେ ଲୋକମାନେ ଫସିଛନ୍ତି । ଉଦ୍ଧାର କାର୍ଯ୍ୟ ପାଇଁ ଏନଡିଆରଏଫ ଟିମ୍ ନିୟୋଜିତ ହୋଇଛି । ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫିଡନବିସ୍ ନାଗପୁର ସ୍ଥିତି ଉପରେ ଲଗାତାର ନଜର ରଖିଛନ୍ତି । ନାଗପୁର ଜିଲ୍ଲା ଏବଂ ମହାନଗରର ସ୍କୁଲ ସବୁ ଛୁଟି ଘୋଷଣା କରାଯାଇଛି ।
୪ ଘଣ୍ଟାରେ ୧୦୦ ମିଲିମିଟର ବର୍ଷା ରେକର୍ଡ କରାଯାଇଛି। ରାତି ୨ଟାରୁ ଲଗାଣ ବର୍ଷା ଜାରି ରହିଛି। ଜୁଆଡେ ଚାହିଁବ ପାଣି ଆଉ ପାଣି। ବୁଡି ରହିଛି କାର୍ ଓ ବସ୍। ଅମ୍ବାଝରି ହ୍ରଦରୁ ପାଣି ଉଛୁଳି ସହର ସାରା ଜଳମଗ୍ନ ହୋଇଯାଇଛି। ଘରୁ ବାହାରିବା ମୁସ୍କିଲ ହୋଇପଡୁଛି। ଲୋକମାନେ ଦଉଡି ସାହାଯ୍ୟରେ ପାର ହେଉଛନ୍ତି। ନଦୀ କୂଳିଆ ଲୋକେ ବର୍ଷା ଯୋଗୁଁ ଅଧିକ ପ୍ରଭାବିତ ହେଉଛନ୍ତି। ଲୋକଙ୍କ ଘରେ ପାଣି ପଶିଯିବାରୁ ଲୋକମାନେ ନାହିଁ ନଥିବା ସୁବିଧାର ସମ୍ମୁଖୀନ ହେଉଛନ୍ତି।
୧୬ ଜଣଙ୍କ ମୃତ୍ୟୁ ହୋଇଥିବାବେଳେ ୪ ହଜାରରୁ ଅଧିକ ଘର କ୍ଷତିଗ୍ରସ୍ତ ହୋଇଛି। ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛନ୍ତି ଅଗ୍ନିଶମ ବାହିନୀ ଓ SDRF ଟିମ୍ । ଲୋକମାନଙ୍କୁ ପାଣି ଘେରରୁ ଉଦ୍ଧାର କରାଯାଇ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଉଛି। ପ୍ରବଳ ବର୍ଷା ଯୋଗୁଁ ଟ୍ରାଫିକ ସମସ୍ୟା ସୃଷ୍ଟି ହେଉଛି।
Nagpur, Maharashtra: A team of NDRF conducts floodwater rescue operations and safely evacuates 6 people in the Ambajhari Lake area. Rescue operation is still underway: NDRF
(Source: NDRF) pic.twitter.com/bgfsJsmIEl
— ANI (@ANI) September 23, 2023
ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫିଡନବିସ୍ କହିଛନ୍ତି, ନାଗପୁରରେ ପ୍ରବଳ ବର୍ଷା ଯୋଗୁଁ ଅମ୍ବାଝରୀ ହ୍ରଦ ଓଭରଫ୍ଲୋ ହୋଇ କିଛି ଅଞ୍ଚଳରେ ପାଣି ପସିଯାଇଛି । ନାଗପୁର କଲେକ୍ଟର, ନଗର ନିଗମ କମିଶନ ଘଟଣା ସ୍ଥଳରେ ପହଞ୍ଚି ତୁରନ୍ତ ଜରୁରୀ ପଦକ୍ଷେପ ନେଇଛନ୍ତି । ତଳିଆ ଅଞ୍ଚଳରେ ଫସିଥିବା ଲୋକଙ୍କୁ ଉଦ୍ଧାର ପାଇଁ କୁହାଯାଇଛି । ଉଦ୍ଧାର କାର୍ଯ୍ୟ ପାଇଁ ଏସଡିଆରଏଫ ଟିମ୍ ଏବଂ ଏନଡିଆରଏଫ ଟିମ୍ ନିୟୋଜିତ ରହିଛି ।