ଟଙ୍କା ଚାଲାଣର ନୂଆ ଫଣ୍ଡା, ଗାଡି ଷ୍ଟେପିନରୁ ମିଳିଲା ୨.୩୦କୋଟି
ଲୋକସଭା ନିର୍ବାଚନ ପାଇଁ ପୁରା ଜାଗ୍ରତ ହୋଇ ପଡିଛନ୍ତି ଆୟକର ବିଭାଗ ଓ ନିର୍ବାଚନ କମିଶନ । ଆଉ ପ୍ରତିଟି ନେତା ଓ କର୍ମୀ ମାନଙ୍କ ଗତିବିଧିକୁ ନଜର କରି ନିର୍ବାଚନରେ କଳାଟଙ୍କାର କାରବାରକୁ ରୋକିବାକୁ ପ୍ରୟାସ ଜାରି ରଖିଛନ୍ତି । ହେଲେ ଏତେ କଟକଣା ଥାଇ ମଧ୍ୟ କଳା ଟଙ୍କାର କାରବାର ଏପରି ଢଙ୍ଗରେ ହେଉଛି ଯେ,ଆପଣ ବି ଦେଖିଲେ ତାଜୁବ ହୋଇଯିବେ । ସୋସିଆଲ ମିଡିଆରେ ଏପରି ଏକ ଭିଡିଓ ଆସିଛି ଯାହା ଏବେ ସମସ୍ତଙ୍କୁ ଚକିତ କରିଦେଇଛି । କାରଣ ଏକ ଗାଡିର ଷ୍ଟେପିନରେ ୨.୩୦ କୋଟି ଟଙ୍କାକୁ ଏଭଳି ଭାବରେ ଚାଳଣ କରାଯାଉଥିଲା ଯାହାର ସୁରାକ ବି କେହି ପାଇପାରିବେନି ।
ଭିଡିଓଟିକୁ ଆୟକର ବିଭାଗ ତରଫରୁ ଉତ୍ତୋଳନ କରାଯାଇଥିବାର ଜଣାପଡିଛି । ଯେଉଁଥିରେ ଏକ କାରର ଷ୍ଟେପିନରୁ ୨କୋଟି ୩୦ ଲକ୍ଷ ଟଙ୍କାର ୨ହଜର ଟଙ୍କିଆ କାଢୁଥିବାର ଦେଖିବାକୁ ମିଳିଛି । ହେଲେ ଏହି ଟଙ୍କା କେଉଁ ଦଳର ତାହା ଜଣା ପଡ଼ିନାହିଁ ।
#WATCH: Rs 2.30 cr in cash stuffed inside the spare tire in a car seized by Income-Tax officials. The cash was being transported from Bengaluru to Shivamogga. #Karnataka pic.twitter.com/yUeRdKVyzY
— ANI (@ANI) April 20, 2019
