ଦେଶରେ କିଛି ଦିନ ହେବ କରୋନା ସଂକ୍ରମିତ ସଂଖ୍ୟା ଲଗାତାର ଭାବେ ବଢିଚାଲିଥିବା ବେଳେ ଶନିବାର କିନ୍ତୁ ଏହି ସଂଖ୍ୟାରେ କିଛିଟା ସ୍ଥିରତା ଆସିଥିବା ଲକ୍ଷ କରାଯାଇଛି । ଶନିବାର ୯୩ ହଜାର ୩୩୭ ନୂଆ ମାମଲା ସାମ୍ନାକୁ ଆସିଛି । ଏହାକୁ ମିଶାଇ ଦେଶରେ କୋଭିଡ ଆକ୍ରାନ୍ତ ସଂଖ୍ୟା ୫୩
ଲକ୍ଷ ପାର ହୋଇଛି । କିନ୍ତୁ ଅସ୍ବସ୍ତିକର ବିଷୟ ଯେ ଦେଶରେ ଏତେ ସଂଖ୍ୟକ ପଜିଟିଭ ଚିହ୍ନଟ ହେଉଥିଲେ ମଧ୍ୟ ସେହି ଅନୁପାତରେ ସୁସ୍ଥତା ହାର ବି ବଢି ବଢି ଚାଲିଛି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ଦ୍ୱରା ଜାରି ହୋଇଥିବା ରିପୋର୍ଟ ଅନୁଯାୟୀ ଗତ ୨୪ ଘଣ୍ଟା ଭିତରେ ୧୨୪୭ ଜଣଙ୍କ ମୃତ୍ୟୁ ହୋଇଥିବା ବେଳେ ଏହାକୁ ମିଶାଇ ମୃତକ ସଂଖ୍ୟା ୮୫ ହଜାର ୬୧୯ ପାର ହୋଇଛି ।
ଅନ୍ୟ ପକ୍ଷରେ ଦେଶରେ ସଂକ୍ରମିତ ମାମଲା ବଢି ୫୩ ଲକ୍ଷ ୮ ହଜାର ୧୫ ଛୁଇଁଥିବା ବେଳେ ୧୦ ଲକ୍ଷ ୧୩ ହଜାର ୯୬୪ ଜଣଙ୍କ ଚିକିତ୍ସା ଚାଲିଛି । ଯେବେକି ପାଖାପାଖି ୪୨ ଲକ୍ଷ ସୁସ୍ଥତା ଲାଭ କରି ଫେରିଛନ୍ତି । ଶନିବାର ଗୋଟିଏ ଦିନରେ ହିଁ ୯୫ ହଜାର ୮୮୦ ଜଣ ସୁସ୍ଥତା ଲାଭ କରିଥିବା । ମନ୍ତ୍ରାଳୟ ତରଫରୁ ଜାରି ହୋଇଥିବା ଅନ୍ୟ ଏକ ରିପୋର୍ଟ ଅନୁଯାୟୀ, ସୁସ୍ଥତା ହାର ବଢି ୭୯.୨୮ ପ୍ରତିଶତ ଛୁଇଁଥିବା ବେଳେ ମୃତ୍ୟୁହାର ହ୍ରାସ ପାଇ ୧.୬୧ ଛୁଇଁଛି । ଯେବେକି ଦେଶର ବିଭିନ୍ନ ପ୍ରାନ୍ତରେ ୧୯.୧୦ ପ୍ରତିଶତ ରୋଗୀଙ୍କ ଚିକିତ୍ସା ଚାଲିଛି ।