ପାକିସ୍ତାନରେ ଇଣ୍ଡିଗୋ ବିମାନର ଜରୁରୀ ଅବତରଣ, ଯାନ୍ତ୍ରିକ ତ୍ରୁଟି ଯୋଗୁଁ ହାଇଦ୍ରାବାଦ ପରିବର୍ତ୍ତେ କରାଚିରେ କଲା ଲ୍ୟାଣ୍ଡିଂ
ଦେଶରେ ବାରମ୍ବାର ବିମାନ ସେବା ବାଧାପ୍ରାପ୍ତ ହେଉଥିବା ଖବର ସାମ୍ନାକୁ ଆସୁଛି। ସ୍ପାଇସଜେଟ ପରେ ଏବେ ଇଣ୍ଡିଗୋ ବିମାନ ପାକିସ୍ତାନରେ ଜରୁରୀ ଅବତରଣ କରିଛି। କିଛି ଦିନର ବ୍ୟବଧାନ ପରେ ପୁଣି ଥରେ ଇଣ୍ଡିଗୋ ବିମାନରେ ଦେଖାଦେଇଛି ଯାନ୍ତ୍ରିକ ତ୍ରୁଟି । ପୁଣିଥରେ ମଝି ଆକାଶରେ ଏକ ବିମାନ ଫସିଥିବା ଘଟଣା ସାମନାକୁ ଆସିଛି । ଯାତ୍ରୀମାନଙ୍କୁ ଫେରାଇ ଆଣିବା ପାଇଁ ଆଉ ଏକ ବିମାନର ବ୍ୟବସ୍ଥା କରାଯାଇଛି । ଏହି ବିମାନରେ ସମସ୍ତ ଯାତ୍ରୀଙ୍କୁ ହାଇଦ୍ରାବାଦ ନିଆଯିବ।
ରିପୋର୍ଟ ମୁତାବକ, ଏହି ବିମାନ ଶାରଜାହାରୁ ହାଇଦ୍ରାବାଦ ଆସୁଥିବା ବେଳେ ଏଭଳି ଅଘଟଣ ଘଟିଥିବା ଜାଣିବାକୁ ମିଳିଛି । ମଝି ଆକାଶରେ ବିମାନ ଚଳାଚଳ ବ୍ୟାଘାତ ହେବାରୁ ଜରୁରୀ ଅବତରଣ କରିଛି ଇଣ୍ଡିଗୋ ଫ୍ଲାଇଟ । ପାକିସ୍ତାନର କରାଚିଠାରେ ଓହ୍ଲାଇଛି ଭାରତର ଏକ ଇଣ୍ଡିଗୋ ବିମାନ । ତେବେ ଯାତ୍ରୀମାନଙ୍କୁ ସୁରକ୍ଷିତ ହାଇଦ୍ରାବାଦ ଫେରାଇ ଆଣିବାକୁ ଆଉ ଏକ ବିମାନର ବ୍ୟବସ୍ଥା କରାଯାଇଛି । ଇଣ୍ଡିଗୋ କର୍ତ୍ତୃପକ୍ଷଙ୍କ ତରଫରୁ ଅନ୍ୟ ଏକ ବିମାନ ପଠାଯାଇ ସେମାନଙ୍କୁ ଅଣାଯିବାର ବ୍ୟବସ୍ଥା ହୋଇଛି ।
Indian flight IndiGo’s Sharjah-Hyderabad flight diverted to Pak’s Karachi airport after glitch
Read @ANI Story | https://t.co/DsjeybrHvQ#Indigo #Pakistan #India #SharjahHyderabadFlight pic.twitter.com/Iaaw7CyAOw
— ANI Digital (@ani_digital) July 17, 2022
ଗତ ସପ୍ତାହରେ ମଧ୍ୟ ଏକ ସ୍ପାଇସ ଜେଟ ବିମାନରେ ଯାନ୍ତ୍ରିକ ତ୍ରୁଟି ଦେଖା ଦେଇଥିଲା । ଫଳରେ ପାକିସ୍ତାନର କରାଚି ଠାରେ ଜରୁରୀ ଅବତରଣ କରିଥିଲା ବିମାନ । ଏହି ବିମାନରେ ପାଖାପାଖି ୧୫୦ ଲୋକ ରହିଥିଲେ । ଯେଉଁମାନଙ୍କୁ ପାକିସ୍ତାନରେ ବିମାନରୁ ଓହ୍ଲାଇ ଯାଞ୍ଚ କରାଯାଇଥିଲା। ଏହାପରେ ସେମାନଙ୍କୁ ଆଉ ଏକ ବିମାନ ଯୋଗେ ଦୁବାଇ ପଠାଯାଇଥିଲା । ତେବେ ବାରମ୍ବାର ଏମିତି ବିମାନରେ ଯାନ୍ତ୍ରିକ ତ୍ରୁଟି ଏବେ କର୍ତ୍ତୃପକ୍ଷଙ୍କ ଉପରକୁ ଆଙ୍ଗୁଠି ଉଠାଇଛନ୍ତି ଯାତ୍ରୀ।
#WATCH | A SpiceJet aircraft operating from Delhi to Jabalpur returned safely to the Delhi airport today morning after the crew noticed smoke in the cabin while passing 5000ft; passengers safely disembarked: SpiceJet Spokesperson pic.twitter.com/R1LwAVO4Mk
— ANI (@ANI) July 2, 2022
ସୂଚନାଯୋଗ୍ୟ, ବିମାନଟି ପ୍ରାୟ ୫ ହଜାର ଫୁଟ ଉପରେ ଉଡୁଥିବା ବେଳେ କ୍ୟାବିନ୍ରେ ଧୂଆଁ ଦେଖିବାକୁ ପାଇଥିଲେ । ଏହା ପରେ ତୁରନ୍ତ ବିମାନଟିକୁ ଦିଲ୍ଲୀକୁ ଫେରାଇ ଅଣାଯାଇଥିଲା । ଦିଲ୍ଲୀରେ ଜରୁରୀ ଅବତରଣ ପରେ ଯାତ୍ରୀମାନେ ସୁରକ୍ଷିତ ଭାବେ ଓହ୍ଲାଇଥିଲା । ଜୁନ୍ ୧୯ କୁ ପାଟନାରୁ ଦିଲ୍ଲୀ ଯାଉଥିବା ବିମାନରେ ଏମିତି ଏକ ଦୁର୍ଘଟଣା ଘଟିଥିଲା। ଉଡାଣ ଭରିଥିବା ସ୍ପାଇସଜେଟ ବିମାନର ଇଂଜିନରେ ନିଆଁ ଲାଗିଯାଇଥିଲା। ଆଉ ପରେ ବିମାନ ଜରୁରୀ ଅବତରଣ କରିଥିଲା। ବିମାନରେ ପକ୍ଷୀ ମାଡ ହେବା ଯୋଗୁଁ ଇଂଜିନରେ ନିଆଁ ଲାଗିଥିବା ଡିଜିସିଏ କହିଥିଲା।