ଜହ୍ନରେ ଉଇଁଲା ସୂର୍ଯ୍ୟ, ପୁନଃ କାର୍ଯ୍ୟକ୍ଷମ ହେବେ ବିକ୍ରମ ଓ ପ୍ରଜ୍ଞାନ !
ବିକ୍ରମ ଓ ପ୍ରଜ୍ଞାନ ପୁନଃ କାର୍ଯ୍ୟକ୍ଷମ। ଜହ୍ନରେ ଉଇଁଲା ସୂର୍ଯ୍ୟ । ତେଣୁ ଏମାନେ କାର୍ଯ୍ୟକ୍ଷମ ହୋଇପାରନ୍ତି ବୋଲି ଇସ୍ରୋ ଆଶା ରଖିଛି । ସେପ୍ଟେମ୍ବର ୪ତାରିଖରେ ଚନ୍ଦ୍ର ପୃଷ୍ଠରେ ରାତି ହେବା ପରେ ସ୍ଲିପ ମୋଡରେ ରହିଛି ବିକ୍ରମ ଓ ପ୍ରଜ୍ଞାନ।
ଜହ୍ନରେ ଉଇଁଲା ସୂର୍ଯ୍ୟ । ଚେଇଁ ଉଠିବେ କି ସ୍ଲିପିଂ ମୋଡରେ ଥିବା ବିକ୍ରମ ଓ ପ୍ରଜ୍ଞାନ । ଏବେ ରାତି ପାହିବା ପରେ ବିକ୍ରମ ଓ ପ୍ରଜ୍ଞାନ ପୁନଃ କାର୍ଯ୍ୟକ୍ଷମ ହେବା ନେଇ ଆଶା ରଖିଛି ଇସ୍ରୋ। ସେପ୍ଟେମ୍ବର ୪ତାରିଖରେ ଚନ୍ଦ୍ର ପୃଷ୍ଠରେ ରାତି ହେବା ପରେ ସ୍ଲିପ ମୋଡରେ ରହିଛି ବିକ୍ରମ ଓ ପ୍ରଜ୍ଞାନ।
ଏବେ ଶିବଶକ୍ତି ପଏଣ୍ଟରେ ସୂର୍ଯ୍ୟ କିରଣ ପଡ଼ିବା ପରେ ପୁଣି ଥରେ ପ୍ରଜ୍ଞାନ ଚନ୍ଦ୍ରପୃଷ୍ଠର ଅଧ୍ୟୟନ କରିବା ସମ୍ଭାବନା ରହିଛି। ଚନ୍ଦ୍ରଯାନ- ୩ର ବ୍ୟାଟେରୀ ସଂପୂର୍ଣ୍ଣ ଚାର୍ଜ ରହିଛି। ଚନ୍ଦ୍ରରେ ସୂର୍ଯ୍ୟୋଦୟ ହେବା ପରେ ଏହାର ସୋଲାର ପ୍ୟାନେଲ ପୁଣି ଥରେ ଚାର୍ଜ ହେବ। ବିକ୍ରମ ଓ ପ୍ରଜ୍ଞାନକୁ ଗୋଟିଏ ଚନ୍ଦ୍ରଦିନ କାର୍ଯ୍ୟ କରିବାକୁ ନିର୍ମାଣ କରାଯାଇଛି। ଯାହା ପୃଥିବୀର ପ୍ରାୟ ୧୪ଦିନ ସହ ସମାନ।
Sunrise is expected to have occurred at the Shiv Shakti point today and soon Vikram and Pragyan will be receiving usable amounts of sunlight!☀️⚡️#ISRO will now wait for them to heat up above a certain temperature before beginning attempts to re-establish communications with… pic.twitter.com/FSwGL8PK8M
— ISRO Spaceflight (@ISROSpaceflight) September 20, 2023
ଯଦି ସେପ୍ଟେମ୍ବର ୨୨ରେ ସେମାନେ ନ ଉଠନ୍ତି, ତେବେ ଚିରଦିନ ପାଇଁ ଚନ୍ଦ୍ରପୃଷ୍ଠରେ ଭାରତର ଲୁନାର ଆମ୍ବାସାଡର ଭାବେ ସେଠାରେ ଅବସ୍ଥାନ କରିବେ ବୋଲି ଇସ୍ରୋ ପକ୍ଷରୁ କୁହାଯାଇଛି। ଚନ୍ଦ୍ରପୃଷ୍ଠର ଦକ୍ଷିଣ ମେରୁରେ ଅଧ୍ୟୟନ ପରେ ସଲଫରର ସନ୍ଧାନ ପାଇଥିଲା ରୋଭର ପ୍ରଜ୍ଞାନ । ପ୍ରାଥମିକ ଅନୁସନ୍ଧାନରୁ ସଲଫର, ଆଲୁମିନିୟମ୍, କ୍ୟାଲସିୟମ୍, ଆଇରନ୍, କ୍ରୋମିୟମ୍ ଓ ଟିଟାନିୟମ୍ ମିଳିଥିଲା । ପରେ ମ୍ୟାଗ୍ନେସିୟମ୍, ସିଲିକନ୍ ଓ ଅକ୍ସିଜେନ ବା ଅମ୍ଳଜାନର ଉପସ୍ଥିତି ଜଣାପଡିଛି । ଚନ୍ଦ୍ରପୃଷ୍ଠରେ ବହୁ ଅଧ୍ୟୟନ କରି ତଥ୍ୟ ପ୍ରଦାନ କରିବା ପରେ ସେପ୍ଟେମ୍ବର ୪ ତାରିଖରେ ସ୍ଲିପ ମୋଡକୁ ଚାଲିଯାଇଥିଲା ପ୍ରଜ୍ଞାନ। ଜୁଲାଇ ୧୪ ତାରିଖରେ ଆନ୍ଧ୍ରପ୍ରଦେଶର ଶ୍ରୀହରିକୋଟା ସତୀଶ ଧାୱନ ସ୍ପେସ ସେଣ୍ଟରରୁ LVM3 ରକେଟ ଦ୍ବାରା ଅନ୍ତରୀକ୍ଷକୁ ଯାତ୍ରା କରିଥିଲା ଚନ୍ଦ୍ରଯାନ-୩ ।
