ଶ୍ରୀହରିକୋଟା: ଆଜି ଶ୍ରୀହରିକୋଟାରୁ ଇସ୍ରୋ ଆଉ ଏକ ଇତିହାସ ସୃଷ୍ଟି କରିବ । ଆଉ ଏକ PSLV ରକେଟରେ ଉତକ୍ଷେପଣ କରିବାକୁ ଯାଉଛି । ଏଥିପାଇଁ ଶୁକ୍ରବାରଠାରୁ ଅବଗଣନା ଆରମ୍ଭ ହୋଇଛି । ଅପରାହ୍ନ ୩ଟାରେ ଏହାର ଉତକ୍ଷେପଣ କରାଯିବ ।
ଏହି ରକେଟ ସାହାଯ୍ୟରେ ଇସ୍ରୋ ସମୁଦାୟ ୧୦ଟି ଉପଗ୍ରହ ମହାକାଶରେ ଅବସ୍ଥାପିତ କରିବ । ଏହାରି ଭତରେ ରହିଛି ଭାରତର ରାଡାର ଇମେଜିଂ ସାଟେଲାଇଟ । ଏହା ଉଭୟ ଦିନ ଓ ରାତିରେ ଭୂପୃଷ୍ଠର ଫଟୋ ଉତ୍ତୋଳନ କରିପାରିବ । ଏହାକୁ ସାମରିକ ଓ ବେସାମରିକ ଉଦ୍ଦେଶ୍ୟରେ ବ୍ୟବହାର କରାଯାଇପାରିବ ।