ନର୍ଥ କୋରିଆର ସୁପ୍ରିମ ଲିଡର କିମ ଜୋଙ୍ଗ ଉନଙ୍କ ‘ବ୍ରେନ ଡେଡ଼’: ଜାପାନୀ ମିଡ଼ିଆ
ଉତ୍ତର କୋରିଆର ସର୍ବୋଚ୍ଚ ନେତା କିମ ଜୋଙ୍ଗ ଉନଙ୍କ ‘ବ୍ରେନ ଡେଡ଼’ ବୋଲି ଦାବି କରାଯାଉଛି । ଅର୍ଥାତ୍ ସେ କୋମାରେ ପ୍ରବେଶ କରିଛନ୍ତି । ସୂଚନା ଅନୁଯାୟୀ ଗତ ସପ୍ତାହରେ ଆମେରିକୀୟ ଗୁପ୍ତଚର ସଂସ୍ଥା ଦାବି କରିଥିଲେ ଯେ କିମ ଜୋଙ୍ଗଙ୍କ ହାର୍ଟ ସର୍ଜରୀ ସଫଳ ହୋଇନାହିଁ ଏବଂ ତାଙ୍କ ଅବସ୍ଥା ଗୁରୁତର । ଏବେ ତାଙ୍କ ଅସୁସ୍ଥତା ବିଷୟରେ ବିଭିନ୍ନ କଥା କୁହାଯାଉଛି । ତେବେ ଏପର୍ଯ୍ୟନ୍ତ ଉତ୍ତର କୋରିଆ ତରଫରୁ କୌଣସି ସରକାରୀ ଦାବି ପ୍ରମାଣିତ ହୋଇନାହିଁ ।
ଆମେରିକାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ଚିକିତ୍ସାରେ ବିଳମ୍ବ ହେତୁ ସେ କୋମାରେ ପ୍ରବେଶ କରିଥିଲେ । ତେବେ ତାଙ୍କ ଚିକିତ୍ସା ପାଇଁ ପହଞ୍ଚିଥିବା ଚୀନ୍ର ଡାକ୍ତରୀ ଦଳ ଏସବୁ କହିଛନ୍ତି । ଜାପାନର ପତ୍ରିକା ଶୁକାନ ଜିନେଡି ଚାଇନାର ଡାକ୍ତରମାନଙ୍କୁ ଲେଖିଛନ୍ତି ଯେ କିମ ଜୋଙ୍ଗ ଚଳିତ ମାସ ଆରମ୍ଭରେ ଏକ ଗ୍ରାମକୁ ଯାଇଥିଲେ ଏବଂ ସେଠାରେ ସେ ଛାତିକୁ ଧରି ପଡିଯାଇଥିଲେ । ତାଙ୍କ ସହ ଆସିଥିବା ଡାକ୍ତର ତୁରନ୍ତ ତାଙ୍କର CPR (cardio pulmonary resuscitation) କରିଥିଲେ । ଡାକ୍ତରୀ ଭାଷାରେ ଯେକୌଣସି ରୋଗୀର ହାର୍ଟ ଆଟାକ ପରେ ତାର CPR କରାଯାଇଥାଏ । ଯାହାଦ୍ୱାରା ତୁରନ୍ତ ତାଙ୍କ ଜୀବନ ରକ୍ଷା ହୋଇପାରିବ । ଏହା ମଧ୍ୟ ଦାବି ହେଉଛି ଯେ କିମ ଜୋଙ୍ଗଙ୍କୁ ମଧ୍ୟ ହୃଦୟରେ ଷ୍ଟେଣ୍ଟ ଲଗାଇବାକୁ ଚେଷ୍ଟା କରାଯାଇଥିଲା, କିନ୍ତୁ ଏହାକୁ ସଠିକ୍ ଭାବରେ ସ୍ଥାପନ କରାଯାଇ ପାରିଲା ନାହିଁ ।
ଗତ କିଛିଦିନ ତଳେ ଏକ ୱେବସାଇଟ ଦାବି କରିଥିଲା ଯେ କିମ 12 ଏପ୍ରିଲରେ ଅସ୍ତ୍ରୋପଚାର କରିଥିଲେ ଏହା ପରେ ସେ ଧୀରେ ଧୀରେ ସୁସ୍ଥ ହେଉଥିଲେ । ତେବେ ଦକ୍ଷିଣ କୋରିଆ ଏବଂ ଚୀନ୍ର ରିପୋର୍ଟରୁ ଜଣାପଡିଛି ଯେ ଅସ୍ତ୍ରୋପଚାର ପରେ କିମ ଜୋଙ୍ଗ ବିପଦରେ ଅଛନ୍ତି । କିମ ଜୋଙ୍ଗ ନିକଟରେ ଦେଶର ଜାତୀୟ ଛୁଟିଦିନର କାର୍ଯ୍ୟକ୍ରମରେ ଅଂଶଗ୍ରହଣ କରିନଥିଲେ । ଏହା ପରେ ତାଙ୍କ ଅସୁସ୍ଥତା ବିଷୟରେ କଳ୍ପନାଜଳ୍ପନା ଆରମ୍ଭ ହୋଇଯାଇଥିଲା । ସୂଚନା ଅନୁଯାୟୀ ଏପ୍ରିଲ 15 ତାରିଖକୁ କିମ ଜୋଙ୍ଗ ଉନଙ୍କ ଜେଜେବାପା ତଥା ଦେଶର ସୃଷ୍ଟିକର୍ତ୍ତା କିମ ଇଲ-ସୋଙ୍ଗଙ୍କ ଜନ୍ମ ବାର୍ଷିକୀ ପାଳନ କରାଯାଏ ଏବଂ ଉତ୍ତର କୋରିଆ ଏହାକୁ ଜାତୀୟ ଛୁଟିଦିନ ଭାବରେ ପାଳନ କରିଥାଏ ।
