ଆଫଗାନିସ୍ତାନରେ ଆମେରିକା ସେନା ପ୍ରତ୍ୟାହାରକୁ ସଠିକ୍ କହିଲେ ବାଇଡେନ୍
ଆଫଗାନିସ୍ତାନ ଏବେ ତାଲିବାନ୍ କବ୍ଜାରେ। ଆଫଗାନିସ୍ତାନରୁ ଆମେରିକା ସେନା ପ୍ରତ୍ୟାହାର କରିବା ପରେ ସେଠାରେ ହାହାକାର ପରିସ୍ଥିତି ଉପୁଜିଛି। ତାଲିବନ୍ ଏବେ ରାଜଧାନୀ କାବୁଲକୁ ନିଜ ଅକ୍ତିଆରକୁ ନେଇଛି ଓ ଦେଶର ଶାସନଭାର ମଧ୍ୟ ନିଜ ହାତକୁ ନେଇସାରିଲାଣି। ଏଭଳି ସ୍ତିତିରେ ଆମେରିକା ରାଷ୍ଟ୍ରପତି ଜୋ ବାଇଡେନ୍ କହିଛନ୍ତି ଯେ ସେନା ପ୍ରତ୍ୟାହାର ନିଷ୍ପତ୍ତି ଠିକ୍।
I know my decision on Afghanistan will be criticized. But I would rather take all that criticism than pass this responsibility on to yet another president.
It’s the right one for our people, for the brave servicemembers who risk their lives serving our nation, and for America.
— President Biden (@POTUS) August 16, 2021
ଆମେରିକା ରାଷ୍ଟ୍ରପତି ଜୋ ବାଇଡେନ୍ କହିଛନ୍ତି, ଆମେରିକା ସେନା ପ୍ରତ୍ୟାହାର ସଠିକ ନିଷ୍ପତ୍ତି। ଯେଉଁଠି ଆଫଗାନ ସେନା ଲଢ଼ିବା ବା ମରିବାକୁ ପ୍ରସ୍ତୁତ ନୁହେଁ ସେଠାରେ ଆମେରିକା ସେନା ଲଢ଼ିବା ଉଚିତ୍ ନୁହୋଁ ମୁଁ ଜାଣିଛି ଆଫଗାନିସ୍ତାନରୁ ସେନା ପ୍ରତ୍ୟାହାର ନିଷ୍ପତ୍ତିକୁ ସମାଲୋଚନା କରାଯିବ । ମୁଁ ଏହି ସମାଲୋଚନାକୁ ଗ୍ରହଣ କରିବାକୁ ମୁଁ ପ୍ରସ୍ତୁତ ଅଛି। ଏହି ଦାୟିତ୍ୱ ମୁଁ ଅନ୍ୟ ଜଣେ ରାଷ୍ଟ୍ରପତିଙ୍କ ଉପରକୁ ଛାଡ଼ିବି ନାହିଁ । ଯାହା ଏବେ ଘଟିଲା, ତାହା ୫ ବର୍ଷ ବା ୧୫ ବର୍ଷ ପୂର୍ବରୁ ଘଟିପାରିଥାନ୍ତା । ଆଫଗାନିସ୍ତାନର ସ୍ଥିତିକୁ ନେଇ ଏଭଳି ବୟାନ ଦେଇଛନ୍ତି ବାଇଡେନ୍ ।
ଅନ୍ୟପଟେ ନିଜ ନାଗରିକଙ୍କୁ ଉଦ୍ଧାର କରିବାକୁ ସମସ୍ତ ଶକ୍ତି ଲଗାଇଦେଇଛି ଆମେରିକା। ଏୟାରପୋର୍ଟକୁ ସୁରକ୍ଷା ଦେବା ପାଇଁ ସମସ୍ତ ଚେଷ୍ଟା ଜାରି ରହିଛି । ନୌସେନା ସହ C-17 ଲ୍ୟାଣ୍ଡ କରିଛି। ଆଉ ଏକ C-17 ଲ୍ୟାଣ୍ଡ କରିବାକୁ ପ୍ରସ୍ତୁତି ଆରମ୍ଭ ହୋଇଛି । ଫସିଥିବା ଆମେରିକା ନାଗରିକ, ଆଫଗାନୀମାନଙ୍କୁ ଏୟାରଲିଫ୍ଟ କରିବାକୁ ପ୍ରୟାସ ଜାରି ରହିଛି ବୋଲି କହିଛି ପେଣ୍ଟାଗନ। ଆମ ସେନା କଡା ପ୍ରଶିକ୍ଷଣ ନେଇଛନ୍ତି। ସେମାନେ ମିଶନର ଜଟିଳତା ଓ ଗୁରୁତ୍ୱ ଜାଣିଛନ୍ତି। ଆଫଗାନିସ୍ତାନରେ ଏୟାରପୋର୍ଟକୁ ସୁରକ୍ଷା ଦେବା ଆମର ମିଶନ ଥିଲା ଓ ଆଜି ମଧ୍ୟ ଅଛି। ଯାହା ଦ୍ୱାରା ଫସିଥିବା ଲୋକଙ୍କୁ ଆମେ ଉଦ୍ଧାର କରିପାରିବୁ। ଦିନ ଶେଷ ସୁଦ୍ଧା ୩ହଜାରରୁ ୩୫୦୦ ସେନାଙ୍କ ପଠାଯାଇଛି। ଅପେରସନ ପାଇଁ ଏୟାର ଫିଲ୍ଡ ମୁକ୍ତ ରହିଛି। ଆମେରିକା ନାଗରିକଙ୍କୁ ଉଦ୍ଧାର କରାଯିବ ବୋଲି ପେଣ୍ଟାଗନ ପକ୍ଷରୁ କୁହାଯାଇଛି।