‘ହେନେରୀ’କୁ ଫେରି ପାଇଲେ ଓକିଲ ଜୟ ଅନନ୍ତ, ଯାହାକୁ ନେଇ ଅଧିକାର ଦାବି କରୁଥିଲେ ମହୁଆ ମୋଇତ୍ର
ସୁପ୍ରିମକୋର୍ଟଙ୍କ ଓକିଲ ଜୟ ଅନନ୍ତ ଦେହାଦ୍ରାଇ ହେନେରୀକୁ ଫେରି ପାଇଛନ୍ତି। ମହୁଆ ମୋଇତ୍ରଙ୍କ ବିରୋଧରେ ଟଙ୍କା ନେଇ ପ୍ରଶ୍ନ ପଚାରିବାର ଅଭିଯୋଗ ଲଗାଇଥିଲେ ଜୟ ଅନନ୍ତ। ଶେଷରେ ହେନେରୀ ତାଙ୍କୁ ମିଳିଯାଇଛି।
ସୁପ୍ରିମକୋର୍ଟଙ୍କ ଓକିଲ ଜୟ ଅନନ୍ତ ଦେହାଦ୍ରାଇ ହେନେରୀକୁ ଫେରି ପାଇଛନ୍ତି। ମହୁଆ ମୋଇତ୍ରଙ୍କ ବିରୋଧରେ ଟଙ୍କା ନେଇ ପ୍ରଶ୍ନ ପଚାରିବାର ଅଭିଯୋଗ ଲଗାଇଥିଲେ ଜୟ ଅନନ୍ତ। ଶେଷରେ ହେନେରୀ ତାଙ୍କୁ ମିଳିଯାଇଛି। ଗୁରୁବାର ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ସେ ଏକ ଭିଡିଓ ପୋଷ୍ଟ କରି ଏହି ସୂଚନା ଦେଇଛନ୍ତି।
ହେନେରୀ ତିନି ବର୍ଷର କୁକୁର, ଯାହା ଉପରେ ମହୁଆ ମୋଇତ୍ର ନିଜ ଅଧିକାର ଦାବି କରୁଥିଲେ। କୁହାଯାଉଛି, ଏହି କୁକୁର ଏ ପର୍ଯ୍ୟନ୍ତ ମହୁଆଙ୍କ ପାଖରେ ହିଁ ଥିଲା। ନିକଟରେ ଜୟ ଅନନ୍ତ ମହୁଆଙ୍କ ବିରୋଧରେ ଅଭିଯୋଗ କରିଥିଲେ କି, କୁକୁରକୁ ଫେରାଇବାକୁ ମହୁଆ ପ୍ରସ୍ତାବ ଦେଇଛନ୍ତି, କିନ୍ତୁ ଏହା ପ୍ରତିବଦଳରେ ତାଙ୍କୁ ଅଭିଯୋଗ ପ୍ରତ୍ୟାହାର କରିବାକୁ କହିଛନ୍ତି।
ସଂସଦରେ ଟଙ୍କା ନେଇ ପ୍ରଶ୍ନ ପଚାରିବା ମାମଲାରେ ଫସିଛନ୍ତି ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ର। ହେନେରୀର ହେପାଜତକୁ ନେଇ ତାଙ୍କର ଏବଂ ତାଙ୍କ ପୂର୍ବ ପାର୍ଟନର ଓକିଲ ଜୟ ଅନନ୍ତଙ୍କ ମଧ୍ୟରେ ବିବାଦ ଲାଗି ରହିଥିଲା। କୁହାଯାଉଥିଲା କି, ମହୁଆଙ୍କ ବିରୋଧରେ ହୋଇଥିବା ଅଭିଯୋଗ ଏବଂ ସମସ୍ତ ଯାଞ୍ଚ ମଧ୍ୟରେ ମୁଖ୍ୟ ପ୍ରସଙ୍ଗ ହେନେରୀ ହିଁ ଥିଲା।
ବାସ୍ତବରେ, ଜୟ ଅନନ୍ତଙ୍କ ଅଭିଯୋଗକୁ ଆଧାର କରି ବିଜେପି ସାଂସଦ ନିଶିକାନ୍ତ ଦୁବେ ମହୁଆଙ୍କ ବିରୋଧରେ ଲାଞ୍ଚ ନେଇ ପ୍ରଶ୍ନ ପଚାରିବାର ଅଭିଯୋଗ ଲଗାଇଥିଲେ।
ପ୍ରକୃତରେ, ଜୟ ଅନନ୍ତ ଓ ମହୁଆ ପ୍ରାୟ ତିନି ବର୍ଷ ଏକାଠି ଥିଲେ। ହେଲେ ଏହାପରେ ସେମାନଙ୍କ ମଧ୍ୟରେ କୌଣସି କାରଣକୁ ନେଇ ବିବାଦ ଆରମ୍ଭ ହୋଇଥିଲା। ବିବାଦ ଏତେ ବଢ଼ି ଯାଇଥିଲା ଯେ ଦୁହେଁ ପରସ୍ପରକୁ ଦୋଷ ଦେବା ଆରମ୍ଭ କରିଥିଲେ। ଏହାରି ଭିତରେ ଜୟ ଅନନ୍ତ ସିବିଆଇ ଏବଂ ବିଜେପି ସାଂସଦ ନିଶିକାନ୍ତ ଦୁବେଙ୍କୁ ଏକ ଚିଠି ଲେଖିଥିଲେ। ଏହି ଚିଠିକୁ ଆଧାର କରି ଦୁବେ ମହୁଆଙ୍କ ବିରୋଧରେ ଅଭିଯୋଗ ଲଗାଇଥିଲେ। ବିଜେପି ସାଂସଦଙ୍କ ଅଭିଯୋଗକୁ ଆଧାର କରି ମାମଲା ଏଥିକ୍ସ କମିଟିରେ ପହଞ୍ଚିଥିଲା।