ମମତା ସରକାରଙ୍କ ମନ୍ତ୍ରୀ ପାର୍ଥ ଚାଟାର୍ଜୀ ଗିରଫ, ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ବାନ୍ଧିଲା ଇଡି
ନୂଆଦିଲ୍ଲୀ : ପଶ୍ଚିମବଙ୍ଗର ଶିକ୍ଷା ଦୁର୍ନୀତିରେ ମମତା ସରକାରଙ୍କ କ୍ୟାବିନେଟ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ କୋଲକାତାର ବାସଭବନରୁ ଗିରଫ କରିଛି । ଏହା ସହିତ ଅର୍ପିତା ମୁଖାର୍ଜୀ ଯିଏକି ତାଙ୍କ ନିକଟତର ବୋଲି କୁହାଯାଉଛି, ତାଙ୍କୁ ମଧ୍ୟ ଇଡି ଦ୍ୱାରା ଗିରଫ କରାଯାଇଛି। ବର୍ତ୍ତମାନ ଇଡି ଅଧିକାରୀମାନେ ତାଙ୍କୁ ପଚରାଉଚରା କରୁଛନ୍ତି। ଏଥି ସହିତ ଗତ ୨୬ରେ ପଚରାଉଚରା ପରେ ଇଡି ପାର୍ଥ ଚାଟାର୍ଜୀଙ୍କୁ ଗିରଫ କରିଛି।
ଶନିବାର ସକାଳେ ପାର୍ଥ ଚାଟାର୍ଜୀଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ଥିବା ଦର୍ଶାଯାଇଛି। ଏହା ପରେ ଦୁଇ ଡାକ୍ତରଙ୍କ ଏକ ଟିମ୍ ମଧ୍ୟ ଚିକିତ୍ସା ପାଇଁ ତାଙ୍କ ବାସଭବନରେ ପହଞ୍ଚିଥିଲେ। ସୂଚନା ଅନୁଯାୟୀ ପାର୍ଥ ଚାଟାର୍ଜୀଙ୍କୁ ଗିରଫ ପରେ ଚିକିତ୍ସା ପାଇଁ ନିଆଯାଇଛି। ଏହା ପରେ ପାର୍ଥଙ୍କୁ କୋଲକାତାର CGO କମ୍ପ୍ଲେକ୍ସକୁ ନିଆଯିବ।
ସେହିପରି ପାର୍ଥଙ୍କ ନିକଟସ୍ଥ କୁହାଯାଉଥିବା ଅର୍ପିତା ଚାଟାର୍ଜୀଙ୍କ ଘରେ ମଧ୍ୟ ଇଡି ଚଢଉ କରିଥିଲା । ଅର୍ପିତାଙ୍କ ଘରୁ ପ୍ରାୟ ୨୦ କୋଟି ନଗଦ ଟଙ୍କା ଜବତ ହୋଇଥିଲା । ତେବେ କୋଲକାତା ହାଇକୋର୍ଟଙ୍କ ନିର୍ଦ୍ଦେଶ ପରେ ପଶ୍ଚିମବଙ୍ଗ ସ୍କୁଲ ସେବା ଆୟୋଗ ଦୁର୍ନୀତି ଅଭିଯୁକ୍ତ ପାର୍ଥଙ୍କ ଘରେ ତଦନ୍ତକାରୀ ସଂସ୍ଥା ରେଡ୍ କରିଥିଲା । ଏହା ପରେ ଶନିବାର ସକାଳେ ତାଙ୍କୁ ଗିରଫ କରାଯାଇଥିଲା। ବାସ୍ତବରେ, କଲିକତା ହାଇକୋର୍ଟଙ୍କ ନିର୍ଦ୍ଦେଶରେ ଏହି ଟିମ୍ ପଶ୍ଚିମବଙ୍ଗ ବିଦ୍ୟାଳୟ ସେବା ଆୟୋଗ ନିଯୁକ୍ତି ସ୍କାମରେ ଅଭିଯୁକ୍ତ ପାର୍ଥ ଚାଟାର୍ଜୀଙ୍କ ଘରେ ପହଞ୍ଚିଥିଲା।
ଏହି ଚଢ଼ଉ ସମୟରେ ଇଡି ଅରପିତାଙ୍କ ଘରୁ ୨୦ ଟି ଫୋନ୍ ଜବତ କରିଛି। ସେହି ଫୋନ୍ ମାଧ୍ୟମରେ ଅର୍ପିତା କ’ଣ କରୁଥିଲେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ଇଡି ମଧ୍ୟ ଏହାର ଅନୁସନ୍ଧାନରେ ଅନ୍ତର୍ଭୁକ୍ତ କରିଛି।
