ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ତହବ୍ଦୁର ରାଣାକୁ ଭାରତ ପଠାଯିବା ନେଇ ଆମେରିକା କୋର୍ଟରେ ରାୟ
ଆମେରିକାର ଏକ ଅଦାଲତ ୨୦୦୮ ରେ ହୋଇଥିବା ମୁମ୍ବଇ ଆକ୍ରମଣର ମାଷ୍ଟରମାଇଣ୍ଡ ବା ଚକ୍ରାନ୍ତକାରୀ ତହବ୍ଦୁର ରାଣାକୁ ଭାରତ ପଠାଯିବା ନେଇ ସବୁଜ ସଂକେତ ଦେଇଛି । ତହବ୍ଦୁର ଏବେ ଆମେରିକାର ଏକ ଜେଲ୍ରେ ବନ୍ଦ ରହିଛି । କାଲିଫୋର୍ଣ୍ଣିଆର ୟୁଏସ୍ ଡିଷ୍ଟ୍ରିକ୍ଟ କୋର୍ଟ ୧୬ ମଇରେ ୪୮ ପୃଷ୍ଟା ସମ୍ବଳିତ ଏକ ଆଦେଶ ପତ୍ରରେ ଏହି ନିର୍ଦ୍ଦେଶ ଦେଇଛନ୍ତି । ରାଣା ଏପରି ଅପରାଧ ପାଇଁ ପ୍ରତ୍ୟର୍ପଣ ଯୋଗ୍ୟ ଯେଉଁଥିପାଇଁ ଅନୁରୋଧ କରାଯାଇଥିଲା ।
ନୂଆଦିଲ୍ଲୀ : ଆମେରିକାର ଏକ ଅଦାଲତ ୨୦୦୮ ରେ ହୋଇଥିବା ମୁମ୍ବଇ ଆକ୍ରମଣର ମାଷ୍ଟରମାଇଣ୍ଡ ବା ଚକ୍ରାନ୍ତକାରୀ ତହବ୍ଦୁର ରାଣାକୁ ଭାରତ ପଠାଯିବା ନେଇ ସବୁଜ ସଂକେତ ଦେଇଛି । ତହବ୍ଦୁର ଏବେ ଆମେରିକାର ଏକ ଜେଲ୍ରେ ବନ୍ଦ ରହିଛି । କାଲିଫୋର୍ଣ୍ଣିଆର ୟୁଏସ୍ ଡିଷ୍ଟ୍ରିକ୍ଟ କୋର୍ଟ ୧୬ ମଇରେ ୪୮ ପୃଷ୍ଟା ସମ୍ବଳିତ ଏକ ଆଦେଶ ପତ୍ରରେ ଏହି ନିର୍ଦ୍ଦେଶ ଦେଇଛନ୍ତି । ରାଣା ଏପରି ଅପରାଧ ପାଇଁ ପ୍ରତ୍ୟର୍ପଣ ଯୋଗ୍ୟ ଯେଉଁଥିପାଇଁ ଅନୁରୋଧ କରାଯାଇଥିଲା ।
୨୦୨୦ରେ ଭାରତ ପକ୍ଷରୁ ରାଣାକୁ ପ୍ରତ୍ୟର୍ପଣ ପାଇଁ ଅନୁରୋଧ କରାଯାଇଥିଲା । ୬୨ ବର୍ଷିୟ ରାଣା ମୁମ୍ବଇ ଆକ୍ରମଣର ମାଷ୍ଟରମାଇଣ୍ଡ ଡେଭିଡ କୋଲମେନ ହେଡଲିର ପିଲାଦିନର ସାଙ୍ଗ । ଆମେରିକା କୋର୍ଟରେ ରାଣା ବିରୋଧରେ ଓକିଲ ଯୁକ୍ତି ଦର୍ଶାଇଥିଲେ ଯେ ଲସ୍କର-ଇ-ତୋଇବା ସହ ହେଡଲିର ସମ୍ପର୍କ ନେଇ ରାଣା ଅବଗତ ଥିଲା ଓ ତାକୁ ସହାୟତା କରିଥିଲା ।
ପ୍ରକାଶଯୋଗ୍ୟ, ରାଣା ସେହି ଅଭିଯୁକ୍ତମାନଙ୍କ ତାଲିକାରେ ଥିଲା ଯେଉଁମାନେ ମୁମ୍ବଇ ଆକ୍ରମଣରେ ମୁଖ୍ୟ କାର୍ପଟଦାର ରହିଥିଲେ । ତେବେ ରାଣାକୁ କେବେ ଭାରତ ପ୍ରତ୍ୟର୍ପଣ କରାଯିବ ସେ ନେଇ କୌଣସି ନିଶ୍ଚିତ ଖବର ମିଳିନାହିଁ । ମୁମ୍ବଇ ଆକ୍ରମଣରେ ରାଣା ସହ ଆହୁରି ଅଭିଯୁକ୍ତ ରହିଛନ୍ତି,ଯେଉଁମାନଙ୍କୁ ଏବେ ବି ଖୋଜା ଚାଲିଛି ।
ଅନ୍ୟ କିଛି ଦୋଷୀଙ୍କୁ ଦଣ୍ଡ ବିଧାନ ହୋଇଛି । ସେମାନଙ୍କ ମଧ୍ୟରେ ଡ୍ୟାଭିଡ କୋଲମେନ ହେଡଲି ଆମେିରିକାରେ ୩୫ ବର୍ଷର ଜେଲ ଦଣ୍ଡ କାଟୁଛି । ଅନ୍ୟ ଜଣେ ହାପିଜ ସଇଦ, ଯେ କି ପାକିସ୍ତାନ ଜେଲରେ ୧୫ ବର୍ଷ ଜେଲ ଦଣ୍ଡ କାଟୁଛି ।
ଅନ୍ୟ ଅଭିଯୁକ୍ତ ଜକି ଓ ରହମାନ ଲଖ୍ଵୀ ମଧ୍ୟ ଏବେ ଜେଲରେ ଏବଂ ଅବୁ ହମଜା ପାକିସ୍ତାନ ଆର୍ମିରେ ଥିବା ବେଳେ ଆମେରିକା ତାକୁ ‘ଅନ୍ତରାଷ୍ଟ୍ରୀୟ ଆତଙ୍କବାଦୀ’ ଘୋଷଣା କରିବାକୁ ପ୍ରସ୍ତାବ ଦେଇଥିଲା ଓ ଭାରତ ଏହାକୁ ସମର୍ଥନ କରିଥିଲା । ଅନ୍ୟ ଜଣେ ଅଭିଯୁକ୍ତ ଅବୁ ହମଜା ଏବେ ଜେଲରେ ଥିବା ଜଣାଯାଇଛି ।
