ନେପାଳ ଭୂମିକମ୍ପ : ଏପର୍ଯ୍ୟନ୍ତ ୧୫୦ରୁ ଅଧିକ ମୃତ, ଜାଜରକୋଟ-ରୁକୁମ ଅଧିକ ପ୍ରଭାବିତ
ନେପାଳ ଭୂମିକମ୍ପ ମୃତ୍ୟୁ ସଂଖ୍ୟା ୧୫୦ରୁ ଅଧିକ ହେଲାଣି । ତେବେ ଏହାକୁ ନେଇ ପ୍ରଧାନମନ୍ତ୍ରୀ ଦୁଃଖ ପ୍ରକାଶ କରିବା ସହିତ ଟ୍ଵିଟ୍ କରିଛନ୍ତି । ମୋଦି କହିଛନ୍ତି, ‘ଭାରତ ନେପାଳ ଲୋକଙ୍କ ସହିତ ରହିଛି । ଯେତେ ସମ୍ଭବ ସହାୟତା ଦେବାକୁ ପ୍ରସ୍ତୁତ ରହିଛି ଭାରତ । ଆମ ସମବେଦନା ଶୋକ ସନ୍ତପ୍ତ ପରିବାର ସହିତ ରହିଛି । ଏହାଛଡା ଆହତଙ୍କ ଶୀଘ୍ର ସୁସ୍ଥ କାମନା କରିଛନ୍ତି ।
ନେପାଳ ଭୂମିକମ୍ପ ନେଉଛି ଅନେକ ଜୀବନ । ରାତିରେ ଶୋଇଥିବା ବେଳେ ୬.୪ ତୀବ୍ରତାର ଭୂମିକମ୍ପରେ ଥରିଲା ନେପାଳ । ଏପର୍ଯ୍ୟନ୍ତ ୧୫୦ରୁ ଅଧିକ ଜଣଙ୍କର ଜୀବନ ଯାଇଛି । ଅଧିକ ପ୍ରଭାବିତ ହୋଇଛି ନେପାଳରେ ରୁକୁମ ପଶ୍ଚିମ ଓ ଜାଜରକୋଟ ଜିଲ୍ଲା । ଜାଜରକୋଟ ଜିଲ୍ଲାରେ ବର୍ତ୍ତମାନ ସୁଦ୍ଧା ୧୦୦ରୁ ଅଧିକ ଜଣଙ୍କର ମୃତ୍ୟୁ ହୋଇଛି । ରୁକୁମ ୱେଷ୍ଟରେ ଯାଇଛି ୪୦ ଜୀବନ । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ସ୍ଥାନୀୟ ହସପିଟାଲରେ ଭର୍ତ୍ତି କରିଛନ୍ତି ।
ତେବେ ଏହି ଘଟଣାରେ ପ୍ରଧାନମନ୍ତ୍ରୀ ଦୁଃଖ ପ୍ରକାଶ କରିବା ସହିତ ଟ୍ଵିଟ୍ କରିଛନ୍ତି । ମୋଦି କହିଛନ୍ତି, ‘ଭାରତ ନେପାଳ ଲୋକଙ୍କ ସହିତ ରହିଛି । ଯେତେ ସମ୍ଭବ ସହାୟତା ଦେବାକୁ ପ୍ରସ୍ତୁତ ରହିଛି ଭାରତ । ଆମ ସମବେଦନା ଶୋକ ସନ୍ତପ୍ତ ପରିବାର ସହିତ ରହିଛି । ଏହାଛଡା ଆହତଙ୍କ ଶୀଘ୍ର ସୁସ୍ଥ କାମନା କରିଛନ୍ତି ।
Deeply saddened by loss of lives and damage due to the earthquake in Nepal. India stands in solidarity with the people of Nepal and is ready to extend all possible assistance. Our thoughts are with the bereaved families and we wish the injured a quick recovery. @cmprachanda
— Narendra Modi (@narendramodi) November 4, 2023
ଭୁଶୁଡ଼ି ପଡ଼ିଛି ବଡ଼ ବଡ଼ ବିଲଡିଂ । ଭୂମିକମ୍ପରେ ଆହତ ହୋଇଛନ୍ତି ଶତାଧିକ । ଧ୍ବଂସାବଶେଷ ତଳେ ଅନେକ ଚାପି ହୋଇ ରହିଛନ୍ତି । ଯୁଦ୍ଧକାଳୀନ ଭିତ୍ତିରେ ଚାଲିଛି ଉଦ୍ଧାର କାର୍ଯ୍ୟ । ଭୂକମ୍ପ ପ୍ରଭାବିତ କିଛି ଅଞ୍ଚଳକୁ ଯୋଗାଯୋଗ ବାଧାପ୍ରାପ୍ତ ହୋଇଛି । ଫଳରେ ଆଗକୁ ଆହୁରି ବଢ଼ିପାରେ ମୃତ୍ୟୁସଂଖ୍ୟା । ଗତକାଲି ରାତି ପ୍ରାୟ୧୧ଟା ୪୭ ମିନିଟରେ ଭୂକମ୍ପ ହୋଇଥିଲା । ଭୂକମ୍ପର କେନ୍ଦ୍ରସ୍ଥଳ ଥିଲେ ପଶ୍ଚିମ ନେପାଳର ଜାଜରକୋଟ । ଲୋକେ ଶୋଇଥିବା ବେଳେ ଶକ୍ତିଶାଳୀ ଝଟକା ଅନୁଭୂତ ହୋଇଥିଲା । ଫଳରେ ଅନେକ ଜାଣି ପାରି ନଥିଲେ କଣ ହେଲା । ହଠାତ୍ ଘରୁ ବାହାରି ପାରି ନଥିଲେ ।
ମାଟିରେ ମିଶିଛି ବହୁ ଘରଦ୍ବାର, ବିଲଡିଂ । ଧ୍ବଂସାବଶେଷ ତଳୁ ଏବେ ଜୀବନ ଖୋଜା ଚାଲିଛି । ଏତେ ଜୋରରେ ଝଟକା ଅନୁଭୂତ ହୋଇଥିଲା ଯେ ଅନେକ ଲୋକ ଭୟରେ ଘରୁ ବାହାରି ଆସିଥିଲେ । ଅଧିକ ପ୍ରଭାବିତ ହୋଇଛି ଜାଜରକୋଟ ଜିଲ୍ଲାର ଭେରି, ନାଲଗାଡ଼, କୁଶେ, ବାରେକୋଟ ଓ ଛେଡାଗଦ ।
ସୂଚନାଯୋଗ୍ୟ, ଏହା ପୂର୍ବରୁ ୨୨ ଅକ୍ଟୋବର ସକାଳ ୭.୩୯ରେ କାଠମାଣ୍ଡୁ ଘାଟ ଏବଂ ଏହାର ଆଖପାଖ ଜିଲ୍ଲାରେ ୬.୧ ତୀବ୍ରତାର ଭୂମିକମ୍ପ ହୋଇଥିଲା । ପୂର୍ବରୁ ଗତ ୨୦୧୫ରେ ନେପାଳରେ ୭.୮ ତୀବ୍ରତାର ଅତି ଭୟଙ୍କର ଭୂକମ୍ପ ହୋଇଥିଲା । ଯେଉଁଥିରେ ୯ହଜାର ଲୋକଙ୍କର ଜୀବନ ଯାଇଥିବା ବେଳେ ପ୍ରାୟ ୨୨ ହଜାର ଆହତ ହୋଇଥିଲେ ।