୨୦୨୦ ପାଇଁ ଅର୍ଥନୀତିରେ ଯୁଗ୍ମ ଭାବେ ନୋବେଲ୍ ପାଇଲେ ପଲ୍ ମିଲିଗ୍ରୋମ୍ ଓ ରବର୍ଟ ଓ୍ଵିଲ୍ସନ୍
ନୂଆଦିଲ୍ଲୀ : ୨୦୨୦ ମସିହା ପାଇଁ ଅର୍ଥନୀତିରେ ନୋବେଲ୍ ପୁରସ୍କାର ସୋମବାର ଘୋଷଣା କରାଯାଇଛି । ଏହି ପୁରସ୍କାର ପାଇଁ ଯୁଗ୍ମ ଭାବେ ପଲ୍ ଆର୍ ମିଲ୍ଗ୍ରମ୍ ଓ ରବର୍ଟ ବି ଓ୍ଵିଲ୍ସନ୍ଙ୍କୁ ମନୋନୀତ କରାଯାଇଛି । ‘ଅକ୍ସନ କିପରି କାମ କରେ’ ଏହା ଉପରେ ଉଭୟ ଅର୍ଥ ବିଶେଷଜ୍ଞ ଅଧ୍ୟୟନ କରି ଏକ ନୂଆ ‘ଅକ୍ସନ ଫର୍ମାଟ’ ଉଦ୍ଭାବନ କରିଥିଲେ ।
BREAKING NEWS:
The 2020 Sveriges Riksbank Prize in Economic Sciences in Memory of Alfred Nobel has been awarded to Paul R. Milgrom and Robert B. Wilson “for improvements to auction theory and inventions of new auction formats.”#NobelPrize pic.twitter.com/tBAblj1xf8— The Nobel Prize (@NobelPrize) October 12, 2020
ସେମାନଙ୍କର ଏହି ଉଦ୍ଭାବନ ସାରା ବିଶ୍ୱର କ୍ରେତା, ବିକ୍ରେତା ଓ ଟିକସ ଦାତାଙ୍କୁ ସହାୟତା କରିବ ବୋଲି ରୟାଲ ସ୍ୱେଡେଶୀ ଏକାଡେମୀ ଅଫ୍ ସାଇନ୍ସ ପକ୍ଷରୁ ଏକ ପ୍ରେସ୍ ବିଜ୍ଞପ୍ତିରେ ପ୍ରକାଶ ପାଇଛି । ଅର୍ଥନୀତିରେ ଚଳିତବର୍ଷ ପାଇଁ ନୋବେଲ୍ ପାଇଥିବା ପଲ୍ ଆର୍ ମିଲ୍ଗ୍ରମ୍ ଓ ରବର୍ଟ ବି ଓ୍ଵିଲ୍ସନ୍ ଦୁହେଁ ଆମେରିକୀୟ ।
ଗତ ବର୍ଷ ମାସାଚୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଦୁଇଜଣ ଗବେଷକ ଏବଂ ତୃତୀୟ ଜଣ ହାର୍ଭାର୍ଡ ବିଶ୍ୱବିଦ୍ୟାଳୟରୁ ପୁରସ୍କାର ଅର୍ଥନୀତିରେ ନୋବେଲେ ପାଇଥିଲେ ।
