ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମାଙ୍କୁ କରୋନା, କହିଲେ, ‘ସେଲ୍ଫ ଆଇସୋଲେସନରେ ଅଛି’
ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା କରୋନା ଭାଇରସ୍ରେ ସଂକ୍ରମିତ ହୋଇଛନ୍ତି । ସ୍ୱାସ୍ଥ୍ୟ ସମସ୍ୟା ହେତୁ ସିଏମ୍ ଆଜି ପରୀକ୍ଷଣ କରାଇଥିଲେ, ଯେଉଁଥିରେ ତାଙ୍କର କୋଭିଡ୍ ରିପୋର୍ଟ ପଜିଟିଭ୍ ଆସିଛି ।
ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା କରୋନା ଭାଇରସ୍ରେ ସଂକ୍ରମିତ ହୋଇଛନ୍ତି । ସ୍ୱାସ୍ଥ୍ୟ ସମସ୍ୟା ହେତୁ ସିଏମ୍ ଆଜି ପରୀକ୍ଷଣ କରାଇଥିଲେ, ଯେଉଁଥିରେ ତାଙ୍କର କୋଭିଡ୍ ରିପୋର୍ଟ ପଜିଟିଭ୍ ଆସିଛି । ସେ କହିଛନ୍ତି, ‘ମୁଁ ସେଲ୍ଫ ଆଇସୋଲେସନରେ ଅଛି ଏବଂ ଡାକ୍ତରଙ୍କ ପରାମର୍ଶ ସମ୍ପୂର୍ଣ୍ଣ ଭାବରେ ପାଳନ କରୁଛି । ଆଗାମୀ ସମସ୍ତ କାର୍ଯ୍ୟକ୍ରମରେ ମୁଁ ଭର୍ଚୁଆଲ ମାଧ୍ୟମରେ ସାମିଲ ରହିବି’ ।
ସେପଟେ ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ଯେତେବେଳେ ଏହା ବିଷୟରେ ସୂଚନା ମିଳିଥିଲା, ସେ ମୁଖ୍ୟମନ୍ତ୍ରୀ ଭଜନଲାଲ ଶର୍ମାଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି । ସେ ନିଜ ସୋସିଆଲ ମିଡିଆ ପୋଷ୍ଟରେ ଲେଖିଛନ୍ତି, ‘ମୁଖ୍ୟମନ୍ତ୍ରୀ ଭଜନଲାଲ ଶର୍ମାଙ୍କୁ କୋଭିଡ୍ ପଜିଟିଭ ହେବାର ସୂଚନା ମିଳିଛି । ମୁଁ ତାଙ୍କର ଜଲ୍ଦି ସ୍ୱାସ୍ଥ୍ୟ ଲାଭ କାମନା କରୁଛି’ ।
स्वास्थ्य समस्या के चलते आज स्वास्थ्य परीक्षण करवाने पर आज मेरी कोविड रिपोर्ट पॉजिटिव आई है।
मैं सेल्फ आइसोलेशन में हूं और चिकित्सकों के परामर्श का पूर्णतः पालन कर रहा हूं एवं आगामी सभी कार्यक्रमों में वर्चुअल माध्यम से सम्मिलित रहूंगा।
— Bhajanlal Sharma (Modi Ka Parivar) (@BhajanlalBjp) March 6, 2024
ସୂଚନାଯୋଗ୍ୟ, ଆଜି ଅଶୋକ ଗେହଲଟଙ୍କ ବଡ଼ ଭଉଣୀ ବିମଳା ଦେବୀ କଚ୍ଛାଓ୍ଵାଙ୍କ ୯୩ ବର୍ଷ ବୟସରେ ପରଲୋକ ଘଟିଛି । ବିମଳା ଦେବୀ ଗତ ଅନେକ ଦିନରୁ ଅସୁସ୍ଥ ଥିଲେ । ପୂର୍ବତନ ମୁଖ୍ୟମନ୍ତ୍ରୀ ସୋସିଆଲ ମିଡିଆରେ ପୋଷ୍ଟ୍ କରି ଲେଖିଛନ୍ତି, ‘ମୋ ବଡ଼ ଭଉଣୀଙ୍କ ବିୟୋଗ ମୋ ପାଇଁ ସବୁଦିନ ଏକ ଶୂନ୍ୟସ୍ଥାନ ଛାଡ଼ିଯାଇଛି, ଯାହା କେବେ ବି ପୂରଣ ହୋଇପାରିବ ନାହିଁ’ ।