କରୋନା ଡରରେ ପିଲା ଜନ୍ମ କରୁ ନାହାନ୍ତି ଆମେରିକୀୟ, ରିସର୍ଚ୍ଚରେ ହେଲା ଖୁଲାସା ଏ ବର୍ଷ ଜନ୍ମ ନେବେ ୫୦ ପ୍ରତିଶତ କମ୍ ଶିଶୁ
କରୋନା ମହାମାରୀ ଯୋଗୁ ଚଳିତ ବର୍ଷ ଆମେରିକାରେ ୫ ଲକ୍ଷ କମ୍ ଛୁଆ ଜନ୍ମ ହେବେ। ଓ୍ଵାଶିଂଟନ୍ର ବ୍ରୁକିଂସ୍ ଇନ୍ଷ୍ଟିଟ୍ୟୁସନ୍ ତରଫରୁ ଆୟୋଜିତ ଏକ ରିସର୍ଚ୍ଚରେ ଏଭଳି ତଥ୍ୟ ସାମ୍ନାକୁ ଆସିଛି। ୨୦୦୭-୨୦୦୯ର ମାନ୍ଦାବସ୍ଥା ଓ ୧୯୧୮ରେ ସ୍ପେନିସ୍ ଫ୍ଲୁ ବେଳେ ଆମେରିକାରେ ହୋଇଥିବା ଫର୍ଟିଲିଟି ଅଧ୍ୟୟନର ସମୀକ୍ଷା କରିବା ପରେ ଏହି ନିଷ୍କର୍ଷ ବାହାରିଛି।
ପୂର୍ବ ରିସର୍ଚ୍ଚର ତଥ୍ୟ ଓ କରୋନା ମହାମାରୀ ବେଳେ ବଢ଼ିଥିବା ବେରୋଜଗାରର ଆକଳନ କରିବା ପରେ ରିସର୍ଚ୍ଚକର୍ତ୍ତା ଏହି ଖୁଲାସା କରିଛନ୍ତି। ରିପୋର୍ଟରେ କୁହାଯାଇଛି, କରୋନା ଯୋଗୁ ଚଳିତବର୍ଷ ଆମେରିକାରେ ୩ ଲକ୍ଷରୁ ୫ ଲକ୍ଷ କମ୍ ଶିଶୁ ଜନ୍ମ ନେବେ। ନ୍ୟୁୟର୍କର ମାର୍ଚ୍ଚ ଅଫ୍ ଡାଇମ୍ସର ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଡାକ୍ତର ରାହୁଲ ଗୁପ୍ତା କହିଛନ୍ତି ତାଙ୍କ ଟିମ୍ର ରିସର୍ଚ୍ଚ ମୁତାବକ ଚଳିତବର୍ଷ ଜନ୍ମ ହାର ବଢ଼ିବା ବଦଳରେ କମିବ।
ବ୍ରୁକିଂସ୍ ଇନ୍ଷ୍ଟିଟ୍ୟୁସନ୍ ଅନୁସାରେ ମାନ୍ଦାବସ୍ଥା ବେଳେ ଶିଶୁ ଜନ୍ମ ସଂଖ୍ୟା ୯ ପ୍ରତିଶତ କମ୍ ହୋଇଥିଲା। ସେତେବେଳେ ୪ ଲକ୍ଷ କମ୍ ପିଲା ଜନ୍ମ ହୋଇଥିଲେ। ସେହିପରି ୧୯୧୮ରେ ସ୍ପେନିଶ ଫ୍ଲୁ ବେଳେ ଜନ୍ମ ହାର ୧୨.୫ ପ୍ରତିଶତ ହ୍ରାସ ପାଇଥିଲା।