ଗ୍ରେଟର ହ୍ୟୁଷ୍ଟନର ଇଣ୍ଡୋ-ଆମେରିକୀୟ ସମ୍ପ୍ରଦାୟର ଶିଶୁ ଏବଂ ବୟସ୍କ ମାନଙ୍କ ଦ୍ବାରା ରୋସେନବର୍ଗ, ଟେକ୍ସାସରେ ସ୍ୱାଧୀନତା ଦିବସ ପାଳିତ
ଟେକ୍ସାସ୍ : ସ୍ୱାଧୀନତା ଦିବସ କେବଳ ଆମ ଦେଶରେ ନୁହେଁ , ଆମ ଦେଶ ବାହାରେ ଥିବା ଭାରତୀୟ ମାନେ ବି ଏହି ଦିବସକୁ ଉତ୍ସାହର ସହ ପାଳନ କରିଥାନ୍ତି। ଠିକ ସେହିପରି ଗ୍ରେଟର ହ୍ୟୁଷ୍ଟନ୍ ଇଣ୍ଡୋ-ଆମେରିକୀୟ ସମ୍ପ୍ରଦାୟର ଶିଶୁ ଏବଂ ବୟସ୍କଙ୍କ ସମେତ ପ୍ରାୟ ଶହେ ସ୍ୱେଚ୍ଛାସେବୀ 1255 FM 723 ରେ ଅବସ୍ଥିତ ୟୁନିଭର୍ସାଲ୍ ଶ୍ରଦ୍ଧା ଫାଉଣ୍ଡେସନ୍ (USF) ର 20 ଏକର ସ୍ଥାନରେ ଭାରତର ୭୫ ତମ ସ୍ୱାଧୀନତା ଦିବସ ପାଳନ କରିଥିଲେ । ଆରଡି, ରୋଜେନବର୍ଗ ଟେକ୍ସାସ୍ ରେ ସ୍ୱାଧୀନତା ଦିବସ ଅବସରରେ ସେହି ସ୍ଥାନରେ USF ପାଇଁ ଉଦ୍ଘାଟନୀ କାର୍ଯ୍ୟକ୍ରମର ଆୟୋଜନ ହୋଇଥିଲା । ଯେହେତୁ ସଂଗଠନ ଏହାର ଶିକ୍ଷାଗତ, ପରୋପକାରୀ, ଆଧ୍ୟାତ୍ମିକ ଏବଂ ସାଂସ୍କୃତିକ କାର୍ଯ୍ୟକଳାପ ଜାରି ରଖିଛି ଫଳରେ ଶିଶୁ ଏବଂ ବୟସ୍କମାନଙ୍କ ଉପରେ ଏହାର ସକରାତ୍ମକ ପ୍ରଭାବ ପକାଇଥାଏ ।
ଏଥିରେ ସମ୍ମାନିତ ଅତିଥି ଭାବରେ ଡକ୍ଟର ଦୀପା ମୋଦୀ ଓ ଧନଞ୍ଜୟ ମୋଦୀ ଯୋଗ ଦେଇଥିଲେ। ଏବଂ ଭାରତର ଜାତୀୟ ପତାକା ଉତ୍ତୋଳନ କରିବା ସହ, ଭାରତର ଜାତୀୟ ସଂଗୀତ ଗାନ କରିଥିଲେ । କେବଳ ସେତିକି ନୁହେଁ ଆମେରିକାର ଜାତୀୟ ସଂଗୀତ ମଧ୍ୟ ପିଲାମାନଙ୍କ ଦ୍ୱାରା ଗାନ କରାଯାଇଥିଲା । ଏବଂ ପରେ ପିଲାମାନେ ଭାରତୀୟ ତ୍ରିକୋଣୀୟ ପତାକା ଧରି ମହାତ୍ମା ଗାନ୍ଧୀଙ୍କ ପ୍ରିୟ ରଘୁପତି ରାଧା ରାମ ରାମ ଗାନ କରିଥିଲେ। ଏହା ପରେ ପ୍ରାୟ ସମସ୍ତ ଶିଶୁ ଏବଂ ଯୁବବର୍ଗ ମାନେ ସେମାନଙ୍କର ସୁନ୍ଦର ଦେଶଭକ୍ତ ଭାଷଣ, ଗୀତ ପରିବେଷଣ କରିଥିଲେ । ଏହା ସହିତ ପିଲାମାନେ ଚମତ୍କାର କଳା , ହସ୍ତଶିଳ୍ପ ଓ ତ୍ରିକୋଣୀୟ ଥିମ୍ ସହିତ ଭାରତର ମାନଚିତ୍ର ତିଆରି କଲେ। ସମଗ୍ର ଉତ୍ସବ ଭାରତ ପ୍ରତି ପ୍ରେମରେ ପରିପୂର୍ଣ୍ଣ ଥିଲା।
