ମର୍ମନ୍ତୁଦ ସଡ଼କ ଦୁର୍ଘଟଣା: ଖାଇକୁ ଖସିଲା ଜିପ୍, ୬ ମୃତ
ଶିମଲାର ସୁନ୍ନୀ ଅଞ୍ଚଳରେ ଏକ ଜିପ୍ ଖାଇକୁ ଖସିପଡିବାରୁ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି । ଏହି ଘଟଣା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରିଛି ।
ହିମାଚଳ ପ୍ରଦେଶରେ ମର୍ମନ୍ତୁଦ ଦୁର୍ଘଟଣା । ଶିମଲାର ସୁନ୍ନୀ ଅଞ୍ଚଳରେ ଏକ ଜିପ୍ ଖାଇକୁ ଖସିପଡିବାରୁ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି । ଜିପ୍ଟି ଅନିୟନ୍ତ୍ରିତ ହୋଇ ଖାଇକୁ ଖସି ପଡିଥିଲା । ଏହି ଘଟଣା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରିଛି । ଏହାସହିତ ଘଟଣାର ଯାଞ୍ଚ କରୁଛି ପୋଲିସ । ଏହି ଦୁର୍ଘଟଣାରେ ପ୍ରାଣ ହରାଇଥିବା ଲୋକମାନେ ଶ୍ରମିକ ବୋଲି ଶିମଲା ଏଏସପି ନବଦୀପ ସିଂ କହିଛନ୍ତି ।
ସୂଚନାନୁସାରେ, ସୁନ୍ନି ସହର ରାଜଧାନୀ ଶିମଲା ଠାରୁ ୫୦ କିଲୋମିଟର ଦୂରରେ ଥିବା ମାଣ୍ଡି ଜିଲ୍ଲା ସୀମାରେ ଅବସ୍ଥିତ। ଏହି ଦୁର୍ଘଟଣା ସୁନ୍ନିର କାଦରଘାଟରେ ଘଟିଛି । ଏକ ଜିପ ଅନିୟନ୍ତ୍ରିତ ହୋଇ ଖାଇକୁ ଖସିପଡିଛି । ପୋଲିସ କହିବା ମୁତାବକ, ଗାଡିରେ ୧୨ ଜଣ ଶ୍ରମିକ ଥିଲେ । ସମସ୍ତେ ହିମାଚଳ ପ୍ରଦେଶରେ କାମ କରୁଥିଲେ । ଏମାନଙ୍କ ମଧ୍ୟରୁ ୯ ଜଣ ଜମ୍ମୁ କଶ୍ମୀର କୁଲଗ୍ରାମ ଜିଲ୍ଲାର ଥିଲେ । ସୁନ୍ନି ମଣ୍ଡିକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା ।
#WATCH | Himachal Pradesh: 6 people killed and 6 injured after a jeep fell into a ditch in the Sunni area of Shimla
6 people killed and 6 injured after a jeep fell into a ditch in the Sunni area of Shimla. Injured people are undergoing treatment at a hospital in Sunni. Police… pic.twitter.com/cHuIsHa0qf
— ANI (@ANI) December 4, 2023
ଏହି ଦୁର୍ଘଟଣା ପରେ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ ଦୁଃଖ ପ୍ରକାଶ କରିଛନ୍ତି । ଏହାସହିତ ମୃତକଙ୍କ ପରିବାର ଏବଂ ଆହତଙ୍କୁ ସଠିକ ଉପଚାର କରିବା ପାଇଁ ନିର୍ଦ୍ଦେଶ ଦେଇଛନ୍ତି ।
ତେବେ ସିମଲା ଚଳିତବର୍ଷ ନଭେମ୍ବର ସୁଦ୍ଧା ସଡ଼କ ଦୁର୍ଘଟଣାରେ ୧୧୦ ଜଣଙ୍କର ମୃତ୍ୟୁ ହୋଇଥିବା ବେଳେ ୪୦୧ ଆହତ ଥିବା ପୋଲିସ କହିଛି ।
