ବିଳମ୍ବିତ ରାତି ପର୍ଯ୍ଯନ୍ତ ଟିଭି ବନ୍ଦ କରୁନଥିଲେ ସ୍ବାମୀ, ପତ୍ନୀ ନେଲେ ଚରମ ପଦକ୍ଷେପ
ମଧ୍ୟପ୍ରଦେଶର ଇନ୍ଦୋରରୁ ଆତ୍ମହତ୍ୟାର ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ମହିଳା ନିଜକୁ ଫାଶୀରେ ଝୁଲାଇ ଦେଇଛନ୍ତି କାରଣ ତାଙ୍କ ସ୍ୱାମୀ ବିଳମ୍ବିତ ରାତି ପର୍ଯ୍ୟନ୍ତ ଟିଭି ଦେଖୁଥିଲେ ଏବଂ ଟିଭି ବନ୍ଦ କରିବାକୁ ପ୍ରସ୍ତୁତ ନଥିଲେ । ସ୍ବାମୀଙ୍କ ଏଭଳି ଜିଦ୍ ଯୋଗୁଁ ସ୍ତ୍ରୀ ନେଲେ ଚରମ ପଦକ୍ଷେପ। ସାମାନ୍ଯ ଟିଭି ଯୋଗୁଁ ନିଜର ଜୀବନକୁ ବାଜି ଲଗାଇଦେଲେ।
ସୂଚନା ମୁତାବକ, ଏହି ମାମଲା ଇନ୍ଦୋରର ଲସୁଦିଆ ଥାନା ଅଞ୍ଚଳରୁ ଆସିଛି । ଏଠାରେ ଜଣେ ୨୩ ବର୍ଷୀୟା ମହିଳା ନିଜକୁ ଫାଶୀ ଦେଇ ଆତ୍ମହତ୍ୟା କରିଛନ୍ତି । ପୋଲିସର ସୂଚନାନୁସାରେ, ମହିଳା ସୋନୁଙ୍କ ସ୍ୱାମୀ ଅର୍ଜୁନ ମରାଠା ବିଳମ୍ବିତ ରାତି ପର୍ଯ୍ୟନ୍ତ ଟିଭି ଦେଖୁଥିଲେ । ଯେତେବେଳେ ମହିଳା ଜଣକ ତାଙ୍କ ସ୍ୱାମୀଙ୍କୁ ଟିଭି ବନ୍ଦ କରିବାକୁ କହିଥିଲେ, ସେ ଟିଭି ବନ୍ଦ କରିନଥିଲେ । ଏହା ପରେ ମହିଳା ଜଣକ ରାଗିଯାଇ ଘରର ଅନ୍ୟ ଏକ ରୁମକୁ ଚାଲିଯାଇଥିଲେ।
ତା’ପରେ ଯେତେବେଳେ ସ୍ୱାମୀ ରାତି ପ୍ରାୟ ତିନିଟା ବେଳେ ଉଠିଲେ, ଦେଖିଲେ ଯେ ତାଙ୍କ ପତ୍ନୀ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ପତ୍ନୀଙ୍କୁ ଝୁଲୁଥିବାର ଦେଖି ଆଶ୍ଚର୍ଯ୍ଯ ହୋଇଯାଇଥିଲେ ସ୍ବାମୀ। ସେ କୌଣସି ପ୍ରକାରେ ମହିଳାଙ୍କୁ ଫାଶୀରୁ ଓହ୍ଲାଇ ଚିକିତ୍ସା ପାଇଁ ଡାକ୍ତରଖାନା ନେଇଥିଲେ । ଡାକ୍ତରଖାନାରେ ମହିଳାଙ୍କୁ ଡାକ୍ତର ମୃତ ଘୋଷଣା କରିଥିଲେ ।
ପୋଲିସ ଏହି ଘଟଣାର ତଦନ୍ତ କରି ମହିଳାଙ୍କ ପଡୋଶୀଙ୍କୁ ପଚରାଉଚରା କରୁଛି। ଦୁହିଁଙ୍କ ମଧ୍ୟରେ କିଭଳି ସଂପର୍କ ଥିଲା, ତାହା ଜାଣିବାକୁ ଚେଷ୍ଟା କରୁଛି।
