ପୁଣି ତୁର୍କୀରେ ୪.୭ ତୀବ୍ରତାର ଭୂମିକମ୍ପ, ମୃତ୍ୟୁ ସଂଖ୍ୟା ୩୪ ହଜାର ଟପିଲାଣି
ତୁର୍କୀରେ ପୁଣି ରବିବାର ରାତିରେ କାରାମାନମାରସ୍ ନଗରୀରେ ୪.୭ ତୀବ୍ରତାର ଭୂମିକମ୍ପ ହୋଇଛି । ଦୁଇ ଦେଶରେ ମୃତକଙ୍କ ସଂଖ୍ୟା ୩୪ ହଜାର ଟପିଲାଣି । ଭୂକମ୍ପର ୭ଦିନ ପରେ ମଧ୍ୟ ମାଟି ତଳୁ ଲୋକଙ୍କୁ ଉଦ୍ଧାର କରାଯାଉଛି ।
ତୁର୍କୀରେ ପୁଣି ରବିବାର ରାତିରେ କାରାମାନମାରସ୍ ନଗରୀରେ ୪.୭ ତୀବ୍ରତାର ଭୂମିକମ୍ପ ହୋଇଛି । ତେବେ ତୁର୍କୀ ଓ ସିରିଆରେ ବଢ଼ୁଛି ଭୂକମ୍ପ ମୃତ୍ୟୁ ସଂଖ୍ୟା । ଦୁଇ ଦେଶରେ ମୃତକଙ୍କ ସଂଖ୍ୟା ୩୪ ହଜାର ଟପିଲାଣି । ତୁର୍କୀରେ ପ୍ରାୟ ୨୯ ହଜାର ୬୦୫ ଲୋକଙ୍କ ମୃତଦେହ ଉଦ୍ଧାର ହେଲାଣି। ସିରିଆରେ ଏହି ସଂଖ୍ୟା ସାଢ଼େ ୪ ହଜାରରୁ ଅଧିକ । ପ୍ରଳୟଙ୍କରୀ ଭୂକମ୍ପକୁ ୭ଦିନ ଅଧିକ ବିତିଥିଲେ ମଧ୍ୟ ଚାଲିଛି ଉଦ୍ଧାର କାର୍ଯ୍ୟ ।
ବର୍ତ୍ତମାନ ସୁଦ୍ଧା ବିଶ୍ୱର ବିଭିନ୍ନ ଭାଗରୁ ଆସିଥିବା ପ୍ରାୟ ୧୦ ହଜାର କର୍ମୀ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି । ଭୂକମ୍ପର ୭ଦିନ ପରେ ମଧ୍ୟ ଅନେକ ଅଞ୍ଚଳରୁ ଲୋକଙ୍କୁ ଉଦ୍ଧାର କରାଯାଉଛି । ଆଗକୁ ମୃତ୍ୟୁସଂଖ୍ୟା ଦ୍ୱିଗୁଣିତ ହୋଇପାରେ ବୋଲି ଆକଳନ କରାଯାଉଛି। ମୃତ୍ୟୁ ସଂଖ୍ୟା ୫୦ ହଜାର ଟପିପାରେ ଗ୍ରାଉଣ୍ଡରେ ସ୍ଥିତି ଅନୁଧ୍ୟାନ ପରେ ଜାତିସଂଘ ରିଲିଫ ମୁଖ୍ୟ ଆକଳନ କରିଛନ୍ତି । ତୁର୍କୀର ଗାଜିଆନଟପେ, ହାତାଇ, ନୁରଦାଗି ଏବଂ ମରାସ୍ ଭଳି ବହୁ ସହର ଏବେ ମରୁଭୂମି ସଦୃଶ ହୋଇଛି ।
Turkey-Syria Earthquake Update:
As of Feb 12, the total death toll has risen to 33,000. Take a look at this aerial footage of the destruction in the province of Kahramanmaras in Turkey:pic.twitter.com/Ko3SVoxkfe— Steve Hanke (@steve_hanke) February 12, 2023
ସୂଚନାଯୋଗ୍ୟ, ଗତ ସୋମବାର ଠାରୁ ଆରମ୍ଭ କରି ତୁର୍କୀ-ସିରିଆରେ ଲଗାତାର ଭୂକମ୍ପ ଝଟକା ଅନୁଭୂତ ହେଉଛି । ବିନାଶକାରୀ ଭୂମିକମ୍ପର ୬ ଦିନ ପରେ ମଧ୍ୟ ମାଟି ତଳୁ ଜଣେ ଗର୍ଭବତୀ ଏବଂ ଦୁଇ ପିଲାଙ୍କୁ ଜୀବିତ ଉଦ୍ଧାର କରାଯାଇଛି । ଭୂମିକମ୍ପ ପ୍ରପୀଡ଼ିତ ଅଞ୍ଚଳ ଛାଡ଼ି ଇସ୍ତାନ୍ବୁଲ୍, ଅଙ୍କାରା, ଅନ୍ତାଲା ଏବଂ ଅନ୍ୟାନ୍ୟ ନିରପଦ ଅଞ୍ଚଳକୁ ଚାଲିଯାଉଥିବା ଲୋକମାନଙ୍କ ପାଇଁ ରବିବାର ଦିନ ତୁର୍କୀ ଏୟାରଲାଇନ୍ସ୍ ଏବଂ ପେଗାସସ୍ ଏୟାରଲାଇନ୍ସ୍ ମାଗଣାରେ ଟିକେଟ୍ ଯୋଗାଇ ଦେବାକୁ ଘୋଷଣା କରିଛି।
