ଆଫ୍ରିକୀୟ ଦେଶ ଉଗାଣ୍ଡାର ଜଣେ ଇମାମଙ୍କୁ ସେବେ ଝଟକା ଲାଗିଥିଲା ଯେବେ ସେ ଜାଣିଥିଲେ କି ତାଙ୍କ ପତ୍ନୀ ଜଣେ ସ୍ତ୍ରୀ ନୁହେଁ ବରଂ ଜଣେ ପୁରୁଷ । ପ୍ରକୃତରେ ଇମାମ ମହମ୍ମଦ ମୁତବା ଓ ତାଙ୍କ ପତ୍ନୀ ଦୁଇ ସପ୍ତାହ ପୂର୍ବରୁ ହିଁ ବିବାହ ବନ୍ଧନରେ ବାନ୍ଧି ହୋଇଥିଲେ । କିନ୍ତୁ ବିବାହ ପରେ ସେ ଦୁହିଁଙ୍କ ଭିତରେ କୌଣସି ପ୍ରକାର ଶାରୀରିକ ସମ୍ବନ୍ଧ ନଥିଲା । ତେଣୁ ଇମାମଙ୍କୁ ଜଣା ପଡି ନଥିଲା କି ତାଙ୍କ ପତ୍ନୀ ଜଣେ ମହିଳା କି ପୁରୁଷ । ବିବାହର ଦୁଇ ସପ୍ତାହ ପରେ ହିଁ ଇମାମଙ୍କ ପଡୋଶୀ ପ୍ରକୃତ ସତକୁ ସମସ୍ତଙ୍କ ସାମ୍ନାକୁ ଆଣିଥିଲେ । ପଡୋଶୀଙ୍କ ଅନୁଯାୟୀ ଇମାମ ବିବାହ କରିଥିବା ବ୍ୟକ୍ତି ଜଣକ ପାଚେରୀ ଡେଇଁ ତାଙ୍କ ଘର ଭିତରେ ପଶିବା ସହ ତାଙ୍କ ଘରୁ ଚୋରି କରିଥିଲେ । ଏମିତିକି ତାଙ୍କ ଘରୁ ଟିଭି, କପଡା ପରି ଜିନିଷ ମାନ ମଧ୍ୟ ଚୋରି କରିବାକୁ ଚେଷ୍ଟା କରିଥିଲେ । କିନ୍ତୁ ଏହି ସମୟରେ ହିଁ ତାଙ୍କୁ ଜଣା ପଡିଥିଲା କି ଇମାମଙ୍କ ପତ୍ନୀ ହେଉଛନ୍ତି ପ୍ରକୃତରେ ଜଣେ ପୁରୁଷ ।
ପଡୋଶୀ ଜଣକ ଏନେଇ ଏକ ଏଫଆଇଆର ମଧ୍ୟ ଦାୟର କରିଛନ୍ତି । ଏଫଆଇଆର ଦେବାର କିଛି ସମୟ ଭିତରେ ହିଁ ଉଭୟ ପତି ପତ୍ନୀଙ୍କୁ ପୋଲିସ ଷ୍ଟେସନ ନିଆଯାଇଥିଲା । ଷ୍ଟେସନରେ ଜଣେ ମହିଳା ପୋଲିସ କର୍ମଚାରୀ ଯାଞ୍ଚ କରିବା ସମୟରେ ହିଁ ରହସ୍ୟର ପର୍ଦ୍ଦାଫାଶ ହୋଇଥିଲା । ଅନ୍ୟ ପକ୍ଷରେ ପ୍ରକୃତ ସତ ଜାଣିବା ପରେ ଇମାମଙ୍କୁ ଗଭୀର ଝଟକା ଲାଗିଛି । ପଚରା ଉଚୁରା କରିବା ସମୟରେ ଆରୋପି ଜଣକ ନିଜ ଦୋଷ ମାନିବା ସହ ପଇସା ପାଇଁ ଏପରି କରିଥିବା କଥା ସ୍ୱୀକାର କରିଛନ୍ତି । ଏବାବଦରେ ଇମାମଙ୍କୁ ପଚରା ଯିବାରୁ ଏକ ମସଜିଦରେ ସେ ଦୁହିଁଙ୍କର ଦେଖାହୋଇଥିବା ଓ ପରେ ଇମାମ ହିଁ ନିଜେ ବିବାହ ପ୍ରସ୍ତାବ ଦେଇଥିବା କଥା କହିଥିଲେ ।